Jérémie 20:18 - Ma Zhiklè

¹⁸ I shkè auda tʼhwaɗ mam ga èhèmè, a i rka matakwan a nlèyè, a pats nshèffè ga nʼnga a skwi horai?

Jérémie 20:18 ပူးပေါင်းရင်းမြစ်များ

I Rois 19:4

Géɗ va na a ndo na hèshèkèɗ, a vak a civèɗ pats staɗ, te deɓaʼa a nʼnzahai a verzi wof tusntusaʼa, a nzhun na.

Job 14:1

Ndo man ngwoz a myau, a nzi a nshèffè kètè genè, a shin va azɓai.

Job 14:13

A woy ka nghedyè a sam mʼmetsai, ka nghedyè, ha ndzoan ngaya a ndev na! Ngelay patsa a hai, man ka da héryè zaʼa!

Job 3:20

Zhiklè a hela na sam a mbelaw ndo èhèmè, a va ta nshèffè a ndohi man ta hér gèɗ èhèmè?

Job 5:7

Nlèyè a shkè, a dè na, ara ndidiyam. Ta yu ndo a nsi matakwan.

Psaumes 102:3

Ka nghede va ngaya a sam ga ɓai, a pats man skwi mwuɗitpa a gayè. Fu zlembaɗ a ma ga; aman i tsi ri a ka, mbeɗkay a ma!

Psaumes 69:19

Herdeka va a ndav ga, sumkay a deɓa, a géɗ mayamhi ga tèlèba.

Esaie 1:6

a hinè tʼhwaɗ sak a ndè a ndev gèɗ, skwi mbe-laʼa te va asaɓai. Samaʼa murmuraʼa, mblè, sam ncizlaʼa man ta mana ɓai, ta pada ɓai, ta ga madzaf a pa ɓai.

Esaie 51:7

Va-tsenaʼa, kinè ndohi man kin sun ma kita, man ma kita ga a zhè te ndav kinè! Kin ga zlau ndohi man ta derɗe kinè ɓai, man ta tsa kinè derngasl. Kin gudzu te ndav ɓai!

Jérémie 15:10

Mam ga, wobayè, a géɗ man ka ye-kayè! I nde ga a ndo ngi ma, a ndo ngi ndzoan a ndohi herkeda tèlèba. Dua ndo ngiɗè az a géɗ ga ɓai, dua ga az a gèɗ ndo ngiɗè ɓai, a ta derdyè tèlèba.

Jérémie 15:18

Skwa a dzayè a mèdèp, matakwan ga a ndèlè azɓai èhèmè, i da mbélè a ngèmè? Ka a sam ga ara woyam man a ngwodyè, man i gaɗa: iyam te pa, njèkèm iyam a te pa ɓai.

Jérémie 3:25

Gar haha ngo-nzokoya a ngo-cokoy hori ga, hori da pa nga a dai! Aman nga gu malai a sam Ndo nzi pèc pècèk, Zhiklè nga, nga a babhi nga, daga man nga kra, ha patsna, a nga fu zlembaɗ a ma Ndo nzi pèc pècèk, Zhiklè nga ɓai.

Jérémie 8:18

Nlèyè ga a ndèlè azɓai, ndav a dzayè!

Lamentations de Jérémie 1:12

Kin tèlèba man kin bizhè a pa, va-wora, va-pu dai! Skwi ndzi ngiɗè ara skwi man a dzayè, man Ndo nzi pèc pècèk a ngezyè a vna, a pats ndzoan nengaʼa, a zhi dè?

Lamentations de Jérémie 3:1

Iyè ndo man i sau matakwan te ri mènèwèd man a ndahyè a vna a ndzoan.

Habakuk 1:3

Ka geday malai a dai, a i rka matakwan a di ga èhèmè? Metsar, wuɗai, ndzoan, mbèzl va, ta zhè a sam di ga.

Jean 16:20

A vava, a vava, i gaɗa kinè, kin da kuɗai, kin da gi wobau. Aman ndohi herkeda ta da wuffè. Kin da lèyè; aman nlèyè kinè a da ngwèdè na a mwuffè.

Actes 5:41

A ndohi sak to do auda a sam ncèmma a mwuffe, a gèɗ man ta slaha a ta si matakwan a nzlembaɗ Yèsu.

2 Timothy 1:12

A géɗ nengaʼa i si matakwan aranta. Aman i gi hori azɓai, te man i sun nengaʼa man i co a ndav, a i sun a vava, nengaʼa a slaha man a ɓeray skwi man a mvay a rai, ha pats ndikèma skwai.

Hébreux 10:36

Aman skwi man a woy a zhè a sam kinè: Nzhèr skwia dai, nʼnzi taraʼa. Te deɓaʼa man kin gu skwi man Zhiklè a woyaʼa, kin ngècè skwi man Zhiklè a mpasla kinè ri a pa.

Hébreux 11:36

Tengahia ngiɗè tsaɗ tsaɗ ta pe ta a wai, ta ngwossaha ta, ta ndah ta a mènèwèɗ, ta dzaw ta, ta de ta a gi dangai.

Hébreux 12:2

Ngo-pokoy di a Yèsu, ndo nhinè a ndo nrufa ncè-a-ndav; nengaʼa man a géɗ mwuffe man a zhè a ma nengaʼa, a nco wof ngézlèl na, nʼnga hori ɓai, te deɓaʼa a nʼnzahai a civèɗ ri mandi sam nʼnzi bi Zhiklè.

Hébreux 13:13

Gar haha ngo-dokoy auda a sam nengaʼa a dal kokwar, a nga mbi a hori nengaʼa.