Jérémie 20:12 - Ma Zhiklè

¹² Zhiklè bi mbiaʼa a jkede ta ndohi nzuraʼa, a war ndo tʼhwaɗaʼa. I da rka ara man ta pil gèɗ dai. Aman i va ka ma ga a ri a ka.

Jérémie 20:12 ပူးပေါင်းရင်းမြစ်များ

II Chroniques 24:22

Joas, bai, a nhur bai, ara man Jehojada, bab Zacharie, a mva na pombai. A woya a nzeda kra na. Zacharie, man a mʼmets na, a ngaɗa: Ndo nzi pèc pècèk da rkaʼa, da gau kita zuraʼa!

Psaumes 11:5

Ndo nzi pèc pècèk a jkeda ndo nzuraʼa a ndo ambaɓiaʼa, a gi a mayam ndo man a gi shèwa.

Psaumes 139:23

Zhiklè, wuzhè ndav ga, sun ndav ga, jkedyè, a ka sun skwi man i hérè a géɗèʼa.

Psaumes 17:3

Ka jkeda ndav ga, ko a vaɗ ka rkaʼa. Ka wuzhè ndav ga, ka ngècè skwi ambaɓiaʼa a sam ga azɓai. Ma ga a gi mali azɓai.

Psaumes 54:7

Matakwan da ngwoda ta va a gèɗ a mayamhi ga! Bi Zhiklè, ndev ta a géɗ ngi-zuraʼa ngaya!

Psaumes 58:10

Ga ta pi deɓi shiɗèf kinè a vogwa vatak, Zhiklè a wyamdaussa, ara shiɗèf man nʼndarkaɗauda ɓai.

Psaumes 59:10

I pi di a ka, te man Bi Zhiklè ka wuɗi ga, nengaʼa gi ga ndakmaʼa.

Psaumes 62:8

Skwi mbelyè, a nʼnjèl ga, sèi a sam Bi Zhiklè. Sam ga ngedeng-gedengaʼa man a vay wuɗai, sam ga nlèaʼa, a sam Bi Zhiklè.

Psaumes 7:9

Ndo nzi pèc pècèk a gi kita ndohi herkeda. Ndo nzi pèc pècèk, bozl kita a géɗ ngi-zura ga, a géɗ man i ga skwa ɓai.

Psaumes 86:4

Ndo nzi pèc pècèk, va na mwuffè a ndav a bèl ngaya, aman i cè gèɗ a zhiklè.

Esaie 37:14

Aman Ezéchias a nʼngots ɗèlèwèr te ri ndohi sak, a nteva a gi Zhiklè a géɗèʼa, a mwinè ɗèlèwèr a sam Ndo nzi pèc pècèk.

Esaie 38:14

1 kuɗi ciu-ciu ara mbèkbékèu, a i kuɗi ara nkudhom. Kuda a pay a dai. Ndo nzi pèc pècèk, wuɗi a gayè, takahayè!

Jérémie 11:20

Zhiklè bi mbiaʼa a gi kita nzuraʼa, a jkeda maya ndo tʼhwaɗaʼa. Adi, di ga a rkaʼa, aman ta da pilèʼa. Aman i jèka ka ma ga a ri a ka.

Jérémie 12:8

Skwi nʼndi gi ga a nʼnga a sam ga ara marizhèlè te dak, a nhumdokoy va a gèɗ, aranta i ga a ndo mayam na.

Jérémie 17:10

Iyè Ndo nzi pèc pècèk, i jkeda ndav ndo, i wuzhèʼa tʼhwaɗaʼa, a i va na a ndo staɗ staɗ ara skwi man a giaʼa, a skwi man a nʼngots te pa.

Jérémie 17:18

Ndohi mparahayè sèi da ngots hori a dai, iyè ka ɓai. Sèi tengaʼa da rzl ta, iyè ka ɓai. Ga ta matakwan, tsede ta a hi sak cèw!

1 Peter 2:23

Aman ta durɗo, nengaʼa a nderɗa ɓai. A sam man skwa a dza na, a nguva ɓai, aman a feda skwi tèlè a ri nengaʼa, man a gi kita zuraʼa.

1 Peter 4:19

Gar haha, tengahiaʼa man ta si matakwan ara Zhiklè man a woyaʼa, sèi ta dè a ma ma a ta gi skwi man amba, a ta vi nshèffè ta a ri a nengaʼa man a ge ta, man nlèɓèslèa.

Apocalypse 18:20

Giɗfèk, wuffa a géɗ nengaʼa! Va-wuffa, kinè ndohi Zhiklè a ndohi sak a ndohi nhadka ma! Aman Zhiklè a nʼnga na kita a gèɗ, a géɗ kinè!

Apocalypse 2:23

A i woya man i bazl ta wudahi ta. A mpi ndohi Zhiklè tèlèba sèi da suna, iyè man i wuzhè ndav, kala nguzgoz ba, a i va na a ndo staɗ staɗ te ndev kinè ara mizlinè na.

Apocalypse 6:10

A ta boho a wuɗai, a ta gaɗa: Bai, ka ndo nkezlaʼa, ndo nzuraʼa, nʼnzi tèkè aman ka gi kita azɓai, ka pela Pombaz nga azɓai a sam tengaʼa tʼherkeda?

I Samuel 1:15

Anne a mʼmbeɗa na a ma: Aʼai, a bi ga, i ngwoz man matakwan a gay kumba. I sa zom ɓai, i sa barassa ɓai, i hadka kuɗa a ndav Ndo nzi pèc pècèk.