Jérémie 2:8 - Ma Zhiklè

⁸ Ndohi mvi skwi a Zhiklè ta gaɗa: Ndo nzi pèc pècèk tema, ɓai. Ndohi kita ta woy iyè ɓai. Ndohi mɓer ndohai ta jèkyè; ndohi nhadka ma ta hodko ma a nzlembaɗ Baal, a ta mboh skwai, man a takaha ndo azɓai.

Jérémie 2:8 ပူးပေါင်းရင်းမြစ်များ

I Rois 18:22

A Elie a ngaɗa ta ndohai: Te va ndohi nhadka ma Baal, ta 450. Te va ndohi nhadka ma Ndo nzi pèc pècèk tèlèba, njèkè iyè staɗgenè.

I Rois 18:29

A géɗ pats nkalda ma, a ndzakaɓama ta gèɗ, ha dakwaɗ, tiɗè sam mvi skwi a Zhiklè. Aman cèɓèk cèɓèk, a ntsena ma ta ɓai, a mʼmbeɗa ta a ma ɓai.

I Rois 18:40

Elie a ngaɗa ta: Va-par ta ndohi nhadka ma Baal tèlèba, ko staɗ da mbel na ɓai! A ta par ta. A Elie a nde ta a ma woyam Kison, a mbazl ta a pa.

Job 35:10

Aman ta gèɗè azɓai: Zhiklè nga, man a ge nga, na tema? A vi dimèsh nshid gèɗ a ma ndo a vaɗ,

Esaie 28:7

Aman ko tenga haha ta dè dzaw-dzawaʼa ara ndohi zom, man zom a keɗ ta: ndohi mvi skwi a Zhiklè a ndohi nhadka ma, ta dè dzaw-dzawaʼa te ri zom, barassa a dzakaɓama ta gèɗ. Aman ta hodko ma, ta gèɗè zlakzlakaʼa. Aman ta bèzl kita, ta bèzlè tsarayaʼa azɓai.

Esaie 29:10

Aman Ndo nzi pèc pè-cèk a mva kinè Mèzhèɓ a ndav, a mpa kinè nzhunè a di tsektskaʼa, a ndèma ta dai a ndohi nhadka ma a ndohi nwèr skwai.

Esaie 30:5

Aman ndohi ta takaha ta azɓai, ta da ta a va azɓai, ta ngècè skwi a sam ta azɓai, sei hori a di genè, hori a keɗ ta a vèvèɗ.

Jérémie 10:21

Ndohi mɓer skwai ta rzla, ta dérɗè Ndo nzi pèc pècèk; a géɗ nengaʼa manam ta azɓai, rèwè tengaʼa tèlèba a vendè gèɗ na.

Jérémie 12:10

Ndohi mɓer skwi kumba ta gedassa gi lak ga, ta gatseda gi dau ga a hi a sak. Ta ngwoda sam nwèr skwi ga mbelaʼa a mèdèp, a nde na tazli hèshèkèɗ.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Jérémie 18:18

Ta gaɗa: Ngo-vhokoy ma a gèɗ a Jérémie! Ma nhèdè ma a sam ndo mvi skwi a Zhiklè a ndiva ma? Ma ncèmma a sam ndo maya a ndiva ma? Ngo-tsedokoy ma a pa, ngo-fokoy gèɗ a ma nengaʼa ɓai!

Jérémie 2:11

Daga halaʼa ndohi ngiɗè man ta humbaɗa Zhiklè a zhiklèhi ncèkèlma, tazhi dè? Aman ndohi ga ta humbaɗa nʼnjèl ga a skwi ambalai.

Jérémie 2:6

Ndo nzi pèc pècèk tema? ta dzhaɗa te deɓaʼa ɓai. Nengaʼa man a nhelka nga auda te kokwar Egypte, a nde nga tʼhèshèkèɗ, te tazli hèshèkèɗ, te kwazlazlam, tʼherkeda ngworaʼa, man di a rkè a pa azɓai, a herkeɗa man ndo a mbeza a pa ɓai, man ndo a nzi a pa azɓai.

Jérémie 4:22

Ndohi ga, maya ta azɓai, ta senyè ɓai. Ndohi nrzlaʼa, madaɗauhai. Maya ta zhè a géɗ skwi man ambaɓai; a skwi man amba ta sun ngia ɓai.

Jérémie 5:31

Ndohi nhadka ma ta hodko ma ta tsakal ma. Ndohi mvi skwi a Zhiklè ta takaha ta te pa. Ndohi ga, ambaha ta. Aman te deɓ nengaʼa, kin da gi mè?

Jérémie 7:8

Aman na haha kin gshè va a ncèkèl-ma, man a takaha kinè azɓai.

Jérémie 9:14

aman ta dzodzor ndav ta nsassayaʼa, ta dzodzor Baal man babhi ta ta senda ta.

Ezéchiel 22:26

Ndohi mvi skwi a Zhiklè te pa ta ngwoda ma kita ga, ta derde skwi ga nkezlaʼa. Ta ɗèlè ɓai te ndev skwi nkezlaʼa a skwi nkezlaɓiaʼa, te ndev skwi nlizhèʼa a skwi nlizhèɓiaʼa. Ta fa na gèɗ a pats nshèk va ga bai, a ta derɗyè a vna a sam ta.

Ezéchiel 34:2

Ka ndo, hod ma a géɗ ndohi mɓer skwi te Israel. Hod ma! Ka da gaɗa ta ndohi mɓer skwai: Bi Zhiklè a gaɗa: Wobau a géɗ ndohi mɓer skwi te Israel, man ta wèr di va ta genè! Ndohi mɓer skwai ta wèr skwi ta ka bi dè?

Osée 4:6

Ndohi ga ta da gédèsh ta, a géɗ man ta sun maya ɓai. A géɗ man ka kwola maya, i ba i kwol ka, a ka gi mizlinè Zhiklè a sam ga asaɓai. A géɗ man ma kita Zhiklè ngaya mpca ka a gèɗ, aranta ta pcèy a gèɗ ar wudahi ngaya ba.

Habakuk 2:18

Skwi man ndo a pètèʼa, a takaha te mè? Skwi man ndo a viɗèʼa, skwi mbèh skwi ncèkèlma, a vri man a gèɗè azɓai; ndo ngau a pi ndav a vna, kè!

Matthew 16:26

Ndo man a ngots herkeda tèlèba, aman a zede nshèffè nengaʼa, a ngècè te pa mè? Ndo a shum nshèffè na a mè?

Luke 11:52

Woba kinè, ndohi njèngè ma kita! Aman skwi mwinè maya, kin ceda ma; aman kinè ba kin dè a pa azɓai, a kin gedassa civèɗ ndohi man ta woy a ta dè a pa.

Jean 16:3

Skwi ar haha ta da giaʼa, te man ta sun Bab ga ɓai, a ta senyè ɓai, cèw ba.

Jean 8:55

Kin sun nengaʼa ɓai. Aman iyè, i sun nengaʼa. Aman i gaɗa: I sun nengaʼa ɓai, i ndo ncèkèlma, lèmèlèmè ara kinè. Aman i sun nengaʼa, a i fi gèɗ a ma nengaʼa.

2 Corinthians 4:2

Nga kwola skwi man ndohi ta gau, a ta ngheda, te man ta gi hori a géɗèʼa. Nga gi skwi a maya vaya azɓai, nga ngwèɗè ma Zhiklè azɓai, aman nga ngreda mèzhèɓ ndav nga auda a ma nzuraʼa a sam di ndohi tèlèba, a sam di Zhiklè.

Deutéronome 33:10

Ta senda ta ma kita a ndohi Jacob, a ma kita a ndohi Israel, ta ndor ɓurdi, a zhkèha ka tʼhtsan, a ta vi skwi tèlèba a géɗ sam mvi skwi a Zhiklè.

I Samuel 12:21

a kin dzodzor mʼmbèh skwi ambali asaɓai! A takaha kinè azɓai, a mbel kinè azɓai, a géɗ man skwa ambalai.

I Samuel 2:12

Wudahi Eli, ndohi falihai. Ta fa na gèɗ a Ndo nzi pèc pècèk azɓai,