Jérémie 2:6 - Ma Zhiklè

⁶ Ndo nzi pèc pècèk tema? ta dzhaɗa te deɓaʼa ɓai. Nengaʼa man a nhelka nga auda te kokwar Egypte, a nde nga tʼhèshèkèɗ, te tazli hèshèkèɗ, te kwazlazlam, tʼherkeda ngworaʼa, man di a rkè a pa azɓai, a herkeɗa man ndo a mbeza a pa ɓai, man ndo a nzi a pa azɓai.

Jérémie 2:6 ပူးပေါင်းရင်းမြစ်များ

II Rois 2:14

A nco dawar Elie man a kalkaɗahi a géɗ nengaʼa, a ntseda a géɗ iyam (aman iyam nʼngel ɓai). Te deɓaʼa a ngaɗa: Ndo nzi pèc pècèk, Zhiklè Elie, tema? A ntseda a géɗ iyam zaʼa, a iyam a nʼngel na cèw. A Elisée a ntawaɗ na auda.

Job 3:5

Da nde na a ruva, vani da da na dai, ndodok da pra na zlau a va!

Job 35:10

Aman ta gèɗè azɓai: Zhiklè nga, man a ge nga, na tema? A vi dimèsh nshid gèɗ a ma ndo a vaɗ,

Psaumes 23:4

Ko man i dè a va ruva ntéɗèɗikɗikaʼa, i gi zlau matakwan azɓi fèt, a géɗ man ka zhè a sam ga. Gada nshfaʼa ngaya a gada sulai ngaya ta hulkoy zlau auda te gèɗ.

Psaumes 77:5

I tara nzhun ɓai, a pay a dai; ndav ga a mènèhi azɓai, iyè amba a ngèɗ ɓai.

Exode 20:2

Iyè Ndo nzi pèc pècèk, Zhiklè ngaya, man i cka ka auda te herkeɗa Egypte, te gi ɓèlè ngaya.

Esaie 63:9

Ndo sak ka ɓai, gol Zhiklè ka ɓai, man a mbel ta; nengaʼa a ri na. Nenga a ri na a sumka ta a deɓa, te mwoy-ndo nengaʼa man ta sia te va. A wara ta dai, a mɓerka ta daga zlèzlèʼa.

Esaie 64:7

Aman Ndo nzi pèc pècèk, anai ka bab nga! Nga rɓasl, ka ndo nram nga, nga tèlèba skwi man ka gu a ri ngaya.

Jérémie 13:16

Va-nzala Ndo nzi pèc pècèk, Zhiklè kinè, ga ruva a gai, ga kin wushahi a sam nkezawa te za ma. Kin zhèr skwi nhél sam, – ruva a nda shkè; Zhiklè a ngwoda skwi nhél sam, – ruva a nda shkè; Zhiklè a ngwoda skwi nhél sam a sam tèdèdikaʼa.

Jérémie 2:2

Do, njè ta ma a ndohi Jérusalem, a ka gaɗa ta: Ndo nzi pèc pècèk a goɗ ar haha: I hérèʼa, ara man kin woy Zhiklè te wudahai, a kin woy iyè ara medemai: Ara man kin dzadzarkayè tʼhèshèkèɗ, te herkeɗa man skwa a gi a pa azɓai.

Jérémie 2:8

Ndohi mvi skwi a Zhiklè ta gaɗa: Ndo nzi pèc pècèk tema, ɓai. Ndohi kita ta woy iyè ɓai. Ndohi mɓer ndohai ta jèkyè; ndohi nhadka ma ta hodko ma a nzlembaɗ Baal, a ta mboh skwai, man a takaha ndo azɓai.

Jérémie 5:12

Ta cèkèl ma a géɗ Ndo nzi pèc pècèk, ta gaɗa: Zhiklè azɓai. Matakwan a da ga nga azɓai. Tsakwal a mai a da ga nga azɓai.

Jérémie 5:2

Ta gaɗa: Ko Ndo nzi pèc pècèk a zhè, ta mbèɗè a ta cèkèl ma.

Jérémie 51:43

Kokwarhi nengaʼa ta nde ta a hèshèkèɗ, a herkeda ngworaʼa, a tazli hèshèkèɗ, a herkeda man ndo a nzi a pa azɓai, ndo a bizhè a pa azɓai.

Osée 12:13

Jacob a hu na a kokwar Aram. Israel a ngu mizlinè a ngwoz, a wèr ɓokwai, aman a ngècè ngwoz.

Osée 13:4

ara vodzok man a bezkaɗa nvakavar. Iyè Ndo nzi pèc pècèk, Zhiklè ngaya, daga man ka te Egypte, ka sun Zhiklè ngiɗè bai, sèi iyè, ndo mʼmbel ndo ngiɗè a tsagi ga azɓai.

Amos 2:10

Iyè, i helka kinè auda te kokwar Egypte, a i de kinè te hèshèkèd mvi 40, aman kin da kwèr kokwar ndohi Amor.

Matthew 4:16

ndohi man ta nza te ruva, ta rka skwi nhél sam mbiaʼa; a sam ndohi man ta nza a sam mʼmetsai, te mèzhèɓ mʼmetsai, skwi nhél sam a nhulko gèɗ.

Deutéronome 1:19

A nga slambaɗa a sam za Horeb, a ngo do a nga beza a ndev hèshèkèɗ mbiaʼa, wuɗitpa, ara man kin rka a di kinè, a civèd nda a za ndohi Amor, ara man Ndo nzi pèc pècèk, Zhiklè nga, a gaɗa nga. A nga ndikè a kokwar Kades-Barnea.

Deutéronome 32:10

A nʼngotsko a sam ambaɓiaʼa, tʼhèshèkèɗ, te va skwi dak man a kuɗi te pa, a ɓirèʼa, a wèrèʼa, a birèʼa ara tser dai.

Deutéronome 8:2

Sèi ka hér civèɗ tèlèba man Ndo nzi pèc pècèk, Zhiklè ngaya, a de ka tʼhèshèkèɗ, mvi 40, aman a manda ka gèɗ a hai, aman a jkede ka, aman a shin skwi man ka hérè te ndav ngaya, gar ka jèjèr ma nkwèr nengaʼa, gar ka jèrèrèʼa azɓai.

Juges 6:13

Gédéon a ngaɗa na: Wa, bi ga, aman Ndo nzi pèc pècèk a zhè a nda nga, skwi haha a shkè a gèɗ nga èhèmè? Mrkedi tèlèba man bababhi nga ta njè nga, a ta gaɗa: Ndo nzi pèc pècèk a nhelka nga auda te kokwar Egypte, na tema? Antanta Ndo nzi pèc pècèk a nkwol nga ma, a mpe nga a ri a ndohi Madian.