Jérémie 2:32 - Ma Zhiklè

³² Skwi wai a pca na a gèɗ a bidali dè? Mbar man a fèɗè a va a pca na a gèɗ a medemi dè? Aman ndohi ga, i pca ta a gèɗ nʼnzi a zhè.

Jérémie 2:32 ပူးပေါင်းရင်းမြစ်များ

Genèse 24:22

Aman zlugumihi ta sa klèng ma, ɓèl Abraham a mva na iyam htsan guro, a dasi ri guro ndaɓalaʼa a dam,

Genèse 24:30

Aman a rka iyam htsan te htsan, a dasi ri te ri demam na, a ntsena ma man Rebecca, demam na, a ntsu tsaval maʼa: ndo sa a ngaɗayè kata kata kata… a nhu auda a sam ndo massa a ma thal iyam. Aman a nʼndika a sam ndoʼa, a nʼngotso, a nzlatsa a sam zlugumihi a ma thal iyam genè.

Genèse 24:53

Te deɓaʼa a ncko skwi wi verz-hègenè a guro, a maslaka, a mpa na Rebecca; a kramam nengaʼa, a mam na ba a mva ta skwi mèshèlè tsaɗ tsaɗ.

II Samuel 1:24

Kinè dalahi Israel, va-kuɗau Saul man a mva kinè maslaka vèvèzh a va, a mpa kinè skwi wi guro a géɗ maslaka kinè.

Psaumes 106:21

Zhiklè, ndo mʼmbel ta, mpca ta a gèɗ, nengaʼa man a gu skwi mbiaʼa te kokwar Egypte,

Psaumes 9:17

Ndo nzi pèc pècèk a ngrédè va nengaʼa auda, a gi kita, a gshè ndo ambaɓiaʼa a gèɗ skwi man a gau.

Esaie 17:10

Aman Zhiklè, man a mbel ka, mpca ka a gèɗ. Za man ka slaha ka nghédè va a pa, ka hera ɓai. Gar haha ka gi gi lak a zhiklè mbèh skwi ngaya, a ka geda wof zhiklè mbèh skwi ngiɗè a pa.

Esaie 57:11

Ka ga zlau ɓai, ka ga hori ndo ngiɗè ɓai, ka tsokol ma, ka heryè ɓai. Katʼka ɓai! I nza tètè, i pizlè di ga; a géɗ nengaʼa ka ga zlau ga ɓai.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Jérémie 13:10

Ndohi ambaɓihiaʼa haha, man ta woy a ta tsena ma ga ɓai, ndohi man ta jèjèr ndav tengaʼa man nsassay a, a ta jèjèr zhiklèhi ngiɗè tsaɗ, a ta tsi ri a tengaʼa, a ta gurɓahi a sam tengaʼa, ta da ndi arsa lèmèlèmè ara skwi deɓ haha man amba a ta gi skwa a vna asaɓai.

Jérémie 13:25

Nasa skwi man i tsaka ka, a i va ka, Ndo nzi pèc pècèk a gaɗa, a géɗ man i pca ka a gèɗ, a ka co ncèkèlma a ndav.

Jérémie 18:15

Aman iyè, i pca ta a gèɗ a ndohi ga. Ta va ta skwi a vrihai. Ta zlak ta auda a civèɗ nhalaʼa, a ta dè a civèɗ man nʼnde di ɓai.

Jérémie 2:11

Daga halaʼa ndohi ngiɗè man ta humbaɗa Zhiklè a zhiklèhi ncèkèlma, tazhi dè? Aman ndohi ga ta humbaɗa nʼnjèl ga a skwi ambalai.

Jérémie 2:33

Ka tila civèɗ ngaya amba amba, a ka woy bakai! A géɗ nengaʼa ba, ka senda malai.

Jérémie 23:27

Tengaʼa ta hur ta da gi, a nzlembaɗ ga a pca ta a gèɗ a ndohi ga, a maya nshun ta, man ngiɗè a njè na a ngiɗè; lèmèlèmè ara babhi ta, man nzlembaɗ ga a mpca ta a gèɗ, a géɗ Baal.

Jérémie 3:21

Fu zlembaɗ! Ndohi Israel ta kuɗai a géɗ za, te man ta beza a civèɗ ambaɓiaʼa. Ndo nzi pèc pècèk, Zhiklè tengaʼa, a mpca ta a géɗ.

Ezéchiel 22:12

Ta ruɓ ndo dai, aman a ta dè a ta keɗa ndo. Ka jhèɗè mpataka skwi a vaʼa, ka gu ri a sam nslamagi ngaya a wuɗai, a iyè i pca ka a gèɗ, Bi Zhiklè a gaɗa.

Osée 8:14

Ndo ngau Israel mpca na a gèɗ, a ta rèm gi bihai. Juda a nrom kokwar mbibihiaʼa a vaʼa a vaʼa. Aman i da fa na vogwa a kokwarhi nengaʼa, a da ndeda gi bihi tengaʼa a ma.

Deutéronome 32:15

A Jacob a nʼndau skwai, a nʼngeza hwaɗ a vna, a ngraʼa. Yeshurun a gra ndaɓalaʼa, a gra pertataʼa, a njèkeda Bi Zhiklè man a gau, a nkwola za, skwi mʼmbél na.

Apocalypse 21:2

A i rka kokwar nkezlaʼa, Jérusalem mɓuaʼa, man a shkèhai te zhiklè, ndzazla ara medemai man a dè a sam ntsima.

Juges 8:34

Aranta ndohi Israel ta hera Ndo nzi pèc pècèk, Zhiklè tengaʼa, asaɓai, nengaʼa man a mpreka ta auda te ri mayamhi tengaʼa tèlèba,