Jérémie 2:31 - Ma Zhiklè

³¹ Kinè verzi ndohi mè? Va-tsena ma Ndo nzi pèc pècèk: Israel a fiyè a hèshèkèd, a herkeda ruva dè? Ndohi ga ta gaɗa: Nga pra ma, nga shkè a deɓa a sam ngaya asaɓai, èhèmè?

Jérémie 2:31 ပူးပေါင်းရင်းမြစ်များ

I Rois 11:22

Aman Pharaon a ngaɗa na: Skwi man ka ngatsa ɓai a sam ga a zhi dè? Ka woy a ka dè a deɓa a kokwar ngaya èhè-mè? A nengaʼa a ngaɗa: Aʼai! Vay civèɗ genè! A Hadad a mʼmen na a deɓa a kokwar na. A ngau bi a géɗ Edom, a nʼnga na matakwan a Israel.

II Chroniques 31:10

Azaria, ndo mvi skwi a Zhiklè mbiaʼa, te verzi Tsadok, a ngaɗa na: Daga man ta hulko skwi man nga va na Zhiklè a gi Ndo nzi pèc pècèk, nga ndau skwai, nga ngeza hwaɗ, a nga jèkaha kumba, a géɗ man Ndo nzi pèc pècèk a mpshè ta ma ndohai. Na haha njèkèɗiaʼa man a zhè a vata.

Job 21:14

Ko ta gaɗa na Zhiklè: Kazla ngay auda a tsagi nga! Nga woy civèɗ ngaya ɓai!

Psaumes 10:4

Ndo ambaɓiaʼa a hér gèɗ nfi va, a gaɗa: kita azɓai, Zhiklè azɓai.

Psaumes 12:4

Ndo nzi pèc pècèk da gedas ta tèlèba man ta shibèndè ndo ambalai, a ndohi man ta gèɗ ma nfi va,

Proverbes 30:9

man ɓai, man i wèl va, i da ga ka ri a gèɗ a i gaɗa: Zhiklè tema? Man ɓai, man i tawassa, i da gi metsar, a i gi mali a sam nzlembaɗ Zhiklè.

Esaie 45:19

I goɗ a metsar ka ɓai, te ndev ruva ka ɓai. A ndohi te verzi Jacob i gaɗa ta ɓai: ko kin woy iyè, kin woy iyè ambalai. Iye Ndo nzi pèc pècèk, i gèɗè a nzuraʼa, i njè skwi man a da gi a vava.

Jérémie 2:20

Nʼnzi a zhè ma, ka proslko wof nkelawa te daʼai ngaya auda, ka ngesla teɓa ngaya, a ka gaɗa: I woy a i nzi a ɓèlè ɓai! Aman a géɗ za mbiaʼa tèlèba, a verzi wof ndizlimaʼa tèlèba, ka mana tʼhai, fali dam!

Jérémie 2:25

Ka nda sak ngaya ɓai, gu maya daʼai ngaya, da gworama ka daʼai ɓai! Aman ka gaɗa: Aʼai! Sèi i woya ndohi man verzi ta tsaɗ, a i hi a verzi ta.

Jérémie 5:5

I woy a i dè a sam ndohi mbibihiaʼa a i gaɗa ta, te man tengaʼa ta sun civèɗ Ndo nzi pèc pècèk, ta sun kita Zhiklè tengaʼa. Aman tengaʼa ba ta proslko wof nkelawa auda te daʼai, ta pra teɓa.

Jérémie 5:6

A géɗ nengaʼa marizhèlè te dak a cizl ta, kda dak a nde ta ma, kokoya a pi va te deɓ kokwar ta. Ndo man a dè auda te kokwar, ta cizl ta. Te man mali ta a zhè kumba, ta men ta a deɓa dra.

Ezéchiel 14:5

A i da mbeɗama ta ndav a ndohi Israel, tengaʼa man ta jèkyè, a gèɗ vri tengaʼa kumba.

Osée 13:6

Aman ta ngots skwi nʼndai, a ta ngeza, ta gre gèɗ ta, i pca ta a gèɗ.

Amos 1:1

Ma Amos, ndo mɓer tambak te Tekoa. Skwi man a rka na di a géɗ Israel, te va man Ozias bi Juda, a Jéroboam, kra Joas, bi Israel, mvi cèw, ga herkeda a gudzai.

Michée 6:9

Ndo nzi pèc pècèk a bèhè te kokwar. Ndo man a gi zlau nzlembaɗ na, maya na zhè. Va-tsenaʼa, kinè ndohi mɓicaʼa te dak a ndohi te kokwar!

1 Corinthians 4:8

Kin ngots skwi tèlè man kin woya ma. Kin wala ma. Kin gi bai, a nda nga ka ɓai. A woy kin gi bai; aman nga ba, nga gi bi a nda kinè.

Deutéronome 31:20

Aman i de ta ndohi haha a kokwar man i mbaɗa ta babhi tengaʼa i da va ta, kokwar man wa a vongwom a hi te pa, a ta da ndi skwi te pa a ta da ngeza hwaɗ, a ta gre ta. Te deɓaʼa ta da jèkyè, ta jèjèr zhiklèhi ngidè tsaɗ, ta tsi ri a tengaʼa. Ta da derɗyè, ta gi mali a sam nderzlè-ma ga.

Deutéronome 32:15

A Jacob a nʼndau skwai, a nʼngeza hwaɗ a vna, a ngraʼa. Yeshurun a gra ndaɓalaʼa, a gra pertataʼa, a njèkeda Bi Zhiklè man a gau, a nkwola za, skwi mʼmbél na.

Deutéronome 32:18

Ka hur za a ka gaɗa nengaʼa a ngyè ɓai; a Zhiklè nyaka ka mpca ka a gèɗ.