Jérémie 2:30 - Ma Zhiklè

³⁰ I bazl ta wudahi kinè ambalai. Ko i ngatsa ta maya arsa, ta ca ɓai. Kin bazl ta ndohi nhadka ma kinè a tsakwal, kin bazl ta ara marizhèlè man a cizlè skwai.

Jérémie 2:30 ပူးပေါင်းရင်းမြစ်များ

I Rois 19:10

A nengaʼa a ngaɗa: I gu mizlinè a géɗ Ndo nzi pèc pècèk, Zhiklè bi wuɗai, a srak kumba. Ndohi Israel ta jèkeda nderzlè-ma ngaya. Ta mbeɗda sam mvi skwi a Zhiklè a hi tèlèba, a ta bazl ta ndohi nhadka ma a tsakwal. Njèkè staɗ, iyè genè. A ta woy a ta zeday nshèffè ga.

I Rois 19:14

A nengaʼa a ngaɗa: I gu mizlinè a géɗ Ndo nzi pèc pècèk, Zhiklè bi wuɗai, a srak kumba. Ndohi Israel ta jèkeda nderzlè-ma ngaya. Ta mbeɗda sam mvi skwi a Zhiklè a hi tèlèba, a ta bazl ta ndohi nhadka ma a tsakwal. Njèkè staɗ, iyè genè. A ta woy a ta zeday nshèffè ga.

II Chroniques 24:21

A ta vhè na ma a géɗ a Zacharie, a bai a ngoɗa aman ta kèlè a kwa te gi Zhiklè, te civèɗ gi nʼngala ngiɗè.

II Chroniques 28:22

Te va man bi Achaz a lèyè, a ngu mali a sam Ndo nzi pèc pècèk a vaʼa.

II Chroniques 36:16

Aman ta ngwossaha ta ndohi sak Zhiklè, ta kwola ma nengaʼa, ta derde ta ndohi nhadka ma, ha ndav a ndza na Ndo nzi pèc pècèk worworaʼa a géɗ ndohi na, a til azɓai.

Néhémie 9:26

Aman ta gu mèdègèɗ, a ta slambaɗa ka va. Ta kwola ma kita ngaya, ta bazl ta ndohi nhadka ma man ta bidka ta a deɓa, a ta derde ka kumba.

Esaie 1:5

Sam man ta ndah kinè a pa di ɓai, a za zhi ɗè? Kinè man kin dè a ma ma te shèwa? Gèɗ kinè tèlèba a dzaha kinè; ndav kinè, ntulè keɗaʼa,

Esaie 59:3

Pombaz a ri kinè. Ri kinè a lama na skwi man ambaɓai. Kin gèɗ ma ambaɓiaʼa; ncèkèlma a zhè te ma kinè.

Esaie 9:13

Ndo nzi pèc pècèk a nʼngelama na gèɗ a hutor a Israel, kuza nwuzaɗ a gangar, a pats staɗ.

Jérémie 31:18

I tsena Ephraim man a kuɗai: Ka gay ndzoan, ka tsyè ara zlè, ara ndo mizlinè ka ɓai. Ngwodkoy ndav ga, a ndav ga nʼngwoda, te man ka Ndo nzi pèc pècèk, Zhiklè ga.

Jérémie 46:14

Va-njo te Egypte! Vo-goɗ te Migdol, a ta cinè te Noph, te Tachpanès! Vogoda: Slambaɗa, tila va ngaya, aman tsakwal a keɗa ndo a tsagi ngaya.

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Jérémie 7:28

Ka da gaɗa ta; na haha ndohi herkeda man ta woy a ta tsena ma Ndo nzi pèc pècèk, Zhiklè tengaʼa ɓai, ta cè azɓai man a ngatsa ta maya. Ma nzuraʼa azɓai, ma nzuraʼa a te ma ta ɓai.

Lamentations de Jérémie 4:13

Skwi haha a ngau a géɗ mali ndohi nhadka ma, a géɗ mphömè ndohi mvi skwi a Zhiklè, man ta bazl ta ndohi nzuraʼa a sam ta.

Ezéchiel 22:24

Ka ndo, gaɗa na kokwar Jérusalem: Ka herkeda man daga pats ndzoan ga iyam a nga ka bai.

Ezéchiel 24:13

Ka lizhè va ngaya a mphömè. I woy a i pan ka, aman ka pènè azɓai, te skwi man a lizhè ka. Ka lizhè mènè, ha a i rufa ndzoan ga a sam ngaya.

Daniel 9:13

Ara man ta Windo te ɗèlèwèr ma kita Moise, skwi mwuɗitpa mbiaʼa haha tèlèba a mshkè a gèɗ nga. Ko gar haha nga mbatsedaha ndzoan Ndo nzi pèc pècèk, Zhiklè nga, a hi ɓai, a nga ngwoda na deɓa a mali ɓai, a nga dzadzara ma nzura ngaya ɓai.

Sophonie 3:2

A cinè ma ndo azɓai, a cè azɓai aman ta ngatsa na maya, a pa ndav a Ndo nzi pèc pècèk ɓai, a nherda na va a Zhiklè nengaʼa ɓai.

Matthew 23:29

Woba kinè, malamhai a ndohi pharisie, kinè ndohi nʼngwèdè ndo! Aman kin ri gi dzavi ndohi nhadka ma, a kin til gi dzavi ndohi nzuraʼa mbelembela,

Actes 7:52

Ndo nhadka ma tema, man babhi kinè ta dzara ɓai? A ta bazl ta ndohi man daga zlèzlèa ta ngreda nshkè ndo nzuraʼa. Aman kinè, ndohi man kin ga na ri a gèɗ, a kin keɗaʼa.

1 Thessalonians 2:15

Ndohi Juif ta keɗa Bai Yèsu, a ndohi nhadka ma, a ta paraha nga. Ta ambaha Zhiklè ɓai, mayamhi ndohi tèlèba.

Apocalypse 16:9

a ndar ta a vata. A ndohi ta durɗo nzlembaɗ Zhiklè, man a ngots wuɗai a géɗ matakwan haha; aman ta ngwode ndav ta ɓai, a ta slebarda nengaʼa ɓai.