Jérémie 2:19 - Ma Zhiklè

¹⁹ A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 2:19 ပူးပေါင်းရင်းမြစ်များ

I Rois 18:18

A nengaʼa a ngaɗa: I gedassa kokwar Israel ɓai; aman kinè a ndohi ngaya, a géɗ man kin jèkeda ma nkwèr Ndo nzi pèc pècèk, a kin dzodzor Baalhai.

II Chroniques 12:5

Shemaeja, ndo nhadka ma Zhiklè, a ndo a sam Roboam a tsuvomhi Juda, man ta menda va ta a deɓa a kokwar Jérusalem, a sam Shishak, a ngaɗa ta: Ndo nzi pèc pècèk a goɗ ar haha: Kin jèkyè, gar haha i ba i jèke kinè a i va kinè a ri wuɗi Shishak.

II Chroniques 21:10

Aranta ndohi Edom ta ngots gèɗ ta a sam bi Juda, ha patsna. Te ndev nasa, Libna ba a njèkeda Juda, a géɗ man a nkwola Ndo nzi pèc pècèk, Zhiklè bab na.

II Chroniques 25:16

Aman a gèɗè, Amatsia a ngaɗa: Bai a ndzhad ka aman ka gèɗè dè? Do ngaya! Ka woya man nga tse ka èhèmè? A ndo nhadka ma a ndo na, a ngaɗa: I suna, Zhiklè a nhur a da gedas ka, a géɗ man ka gu ar haha, a ka tsena ma ga ɓai.

Psaumes 36:1

Man a David, ɓèl Ndo nzi pèc pècèk.

Exode 33:6

A ndohi Israel ta peda skwi wi tengaʼa a hai, a ta hinè ngi arsa a sam za Horeb.

Proverbes 1:31

Ta da ndokoɗko ri skwi man ta gu auda, ta da ngézhè te maya tengaʼa.

Proverbes 1:32

Ndohi man maya ta a hcè, nrzlè tengaʼa a kalde ta a hai; a ndohi nrzlaʼa man ta hér gèɗ azɓai, ta zi ta.

Proverbes 5:22

Ndo malai, mali nengaʼa a ngwoda na va a gèɗ; mali nengaʼa a dzawaʼa ara teɓa;

Esaie 3:9

Ndohi ngi massayaf ta shin ta auda. Ta gidè mali auda ara ndohi Sodome, ta ngheda ɓai. Wobau a géɗ tengaʼa man ta gedassa va ta a ri ta.

Esaie 5:5

Anai i woya a i ngra kinè skwi man i da gi a gi wof barassa ga. I zlinè civèɗ a pa, i ptsoda zlazlar aussa, a i fa na vogwa.

Esaie 50:1

Ndo nzi pèc pècèk a gaɗa: Ɗèlè-wèr man i va na mam kinè man i kwolaʼa, na tema? Ndo man i pre kinè a ma a sam na, na tema? Kin pra ma a géɗ mali kinè. I kwola mam kinè a géɗ mphömè nengaʼa.

Jérémie 1:16

I da bèzlè kita a géɗ Jérusalem, a géɗ shèwa tengaʼa tèlèba, a géɗ man ta jèkyè, a ta mbèh skwai, a ta tsi rai a skwi man ta gu a ri ta.

Jérémie 13:22

Aman ka jhèdèʼa: Skwi haha a gay èhèmè? A géɗ mali ngaya tèlèba, i ca ka maslaka auda a va, a ka ngècè hori a dai.

Jérémie 2:17

Skwi haha a ga ka tèlèba a géɗ man ka kwola Ndo nzi pèc pècèk, Zhiklè ngaya ka ɓi ɗè?

Jérémie 3:22

Kinè ndohi man kin kwoiyè, vo-washkè, i woya a i til skwi man kin gedassaʼa! Ani nga zhè ma, nga shkè a sam ngaya, te man ka Ndo nzi pèc pècèk, Zhiklè nga.

Jérémie 4:18

A géɗ maya nshèffè ngaya a skwi man ka giaʼa, ka ngots skwi aranta. Nasa skwi mwuɗitpa man a dza ka a ndav, a géɗ shèwa ngaya.

Jérémie 5:22

Kin gi zlau ga azɓi dè? Ndo nzi pèc pècèk a gaɗa. Kin gudzi a sam ga azɓi dè? I pu wyak a kuma woyam mbiaʼa, kuma a mèdèp; a slaha a ntawaɗa ɓai. Iyam a hi a wuɗai, a slaha hai. A gi tskuduf-tskuduf, a slaha a nhi auda azɓai.

Jérémie 5:24

Ta hérè ar haha ɓai: ngo-gokoy zlau Ndo nzi pèc pècèk, Zhiklè nga; nengaʼa man a gi iyam blèkwai, iyam nzlekai a iyam man a da gi aman nga ɓicè skwi ma, tiɗè samaʼa tiɗè samaʼa.

Jérémie 5:6

A géɗ nengaʼa marizhèlè te dak a cizl ta, kda dak a nde ta ma, kokoya a pi va te deɓ kokwar ta. Ndo man a dè auda te kokwar, ta cizl ta. Te man mali ta a zhè kumba, ta men ta a deɓa dra.

Jérémie 7:19

Aman ta pokoy gèɗ ndav auda a iyè dè? Ndo nzi pèc pècèk a gaɗa. Ta gayè a iyè dè? Ta gu skwi ta a va ta, ta ngècè hori a di ta.

Jérémie 8:5

Ndohi haha ta men ta a deɓa èhè-mè? Jérusalem a mʼmen na a deɓa a mèdèp èhèmè? Ta ghsè va a ncèkèlma, a ta woy a ta ngwèdè ndav azɓai.

Ezéchiel 23:30

ka ngots aranta a géɗ man ka gau mphömè a ndohi nte deɓa, a ka lizhè va ngaya a skwi mbèh skwi tengaʼa.

Ezéchiel 39:24

I ga ta kita a géɗ skwi nlizhèa a mali ta, a i ngheda va ga a sam ta.

Osée 11:7

Ndohi ga ta dzawa te malai. I baha ta a deɓa a sam Zhiklè te géɗèʼa, ko staɗ a slèmbèɗè azɓai.

Osée 13:9

I da gedas ka, Israel nda takaha ka wa?

Osée 14:1

Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Osée 4:16

Israel a ntsena gèɗ ɓai, ara kɗèh, a Ndo nzi pèc pècèk a lè ta zaʼa ara tambakihi a sam daʼar ɗè?

Osée 5:5

Nfi va Israel a nʼngwoda ta va a gèɗ. Israel a Ephraim ta kalahi a géɗ mali ta.

Osée 7:2

Ta hér a ɓai: Zhiklè a hér mali nga. Aman antanta skwi man ta gau a mpaɗ ta a pa, skwi man ta gau i rka tèlèba.

Osée 9:1

Israel, ka wuffa ɓai, ndav ngaya da gu langlanga ara ndohi herkeda ngiɗè ɓai, a géɗ man ka jèkeda Zhiklè a ka gu mphömè, a skwi mbalai man ka patseda a hedak tèlèba ambaha ka.

Amos 8:10

A i da ngwoda ngolala kinè, a ndi a sam kuâa, a dimèsh mwuffè kinè tèlèba a nguzlah. I va kinè maslaka sam kuɗa a va tèlèɓa, ko wawa a da she gwots gèɗ na auda. I gi a ndohi a lèyè ara man ta kuɗi kra nguraʼa man na staɗgenè. Ndikè-ma skwi nengaʼa ara pats mwuɗitpa.

Michée 1:5

Skwi haha tèlèba a gi a géɗ mphömè, a géɗ mali Israel. Mphömè Jacob a shkè tema? Te Samarie ka ɓi ɗè? Sam mvi skwi a zhiklè man a Juda a géɗ za tema? Te Jérusalem ka ɓi ɗè?

Zacharie 7:11

Amán babhi kinè ta woy a ta gi arsa ɓai; ta sassaya ndav ta, ta ndè zlembaɗ ta.

Romans 3:18

Zlau Zhiklè az a sam ta ɓai.

Juges 10:13

Aman kin jèkyè, a kin dzodzor zhiklèhi ngiɗè. Gar haha a ma ma i takaha kinè asaɓai.