Jérémie 2:13 - Ma Zhiklè

¹³ Aman ndohi ga ta gu mali sak cèw: Iyè, nlèlè iyam nshèffè, ta jèkyè; a ta rau thal iyam tsaɗ, vèvèɗ te pa, man iyam a she na, a nzi a pa azɓai.

Jérémie 2:13 ပူးပေါင်းရင်းမြစ်များ

II Rois 22:17

A géɗ man ta jèkyè, a ta ndara na ɓurdi a zhiklèhi ngiɗè tsaɗ, a ta pokoy gèɗ ndav auda a skwi man ri tengaʼa a ngau tèlèba. Ndav ga a vècè ara vogwa, a mènèhi azɓai.

Psaumes 36:9

Ta ndi skwi man a zhè a vata te gi ngaya, ta si iyam mbelaʼa.

Ecclésiaste 1:14

I rka mizlinè tèlèba man ta gu a géɗ herkeda. Na haha tèlèba skwi ambalai, nara nhi a gerzi kozlar.

Ecclésiaste 1:2

Skwi tèlèba skwi ambalai; skwi ambali tèlèba, ndo ncèmma a gaɗa. Tèlèba, skwi ambalai!

Ecclésiaste 12:8

a ndo a dè a gi na man a nzi a mèdèp, a ndohi man ta kuɗiaʼa ta shèwèlè a civèɗ;

Ecclésiaste 2:11

Aman te deɓaʼa i rka mizlinè tèlèba man ri ga a ngau, a i rka ntulè man a kedyè te pa, – na haha skwi ambali tèlèba, nara nhi a gerzi kozlar. A géɗ herkeda, skwi man nga ngècè te pa, azɓai.

Ecclésiaste 2:21

Na haha ndo ngiɗè a gi mizlinè kumba, a maya, a mizlinè nengaʼa a gi amba. Te deɓaʼa sèi a jèka na a ri ndo ngiɗè man a nʼnga mizlinè a pa ɓai. Ko skwi haha, skwi ambalai, skwi ambaɓiaʼa a vata ba.

Ecclésiaste 2:26

Zhiklè a va na maya, a nshin skwai, a mwuffe, a ndo man ambaha. Aman ndo malai, sèi a ɓicè skwai, a hèyè skwai, te deɓaʼa Zhiklè a cèma na, a va na ndo man ambaha. Ko skwi haha, skwi ambalai, nara nhi a gerzi kozlar.

Ecclésiaste 4:4

A i rka mizlinè tèlèba man ndo a geda matakwan a va a vna; skwi tèlèba, sèi srak genè, ngiɗè a gi srak a géɗ ngiɗè, ngiɗè a gi srak a géɗ ngiɗè. Ko skwi haha, skwi ambalai, nara nhi a gerzi kozlar.

Esaie 1:3

Marai a sun ndo mʼmono, a kɗèh a sun gi bab na. Aman Israel a senyè ɓai; ndohi ga, maya ta azɓai.

Esaie 1:4

Wobau a géɗ ndohi kokwar haha man ta gi malai, man mali a ntsama ta va a gèɗ, verzi ndohi malihai, wudahi man ta gi mèdègèɗ! Ta jèkeda Ndo nzi pèc pècèk, ta kwola Zhiklè Israel nkezlaʼa, a ta ngwoda na deɓa.

Esaie 12:3

Kin da géj iyam te nlèlè mʼmbel ndo a mwuffè.

Esaie 5:13

A gèɗ nengaʼa i da venda ta gèɗ a ndohi ga; ndohi nengaʼa mbibi-hiaʼa ta da tiɗ ta a mai; nhèyè ndohi nengaʼa ta da bèzl ta a mi iyam.

Esaie 55:2

Kin pi sulai a géɗ skwi man movar ka ɓi èhèmè? Kin gi mizlinè a géɗ skwi man a ngeza kinè hwaɗ azɓai èhèmè? Va-tsena ma ga, va-ndau skwi njènaha kinè leɓakaʼa, a ndav kinè nruɓa a skwi ngraʼa.

Esaie 63:8

Nengaʼa a ngaɗa: A vava, ta ndohi ga, wudahi man ta da ngwodyè azɓai. A ngu a ndo mʼmbel ta te matakwan tenga tèlèba.

Jérémie 1:16

I da bèzlè kita a géɗ Jérusalem, a géɗ shèwa tengaʼa tèlèba, a géɗ man ta jèkyè, a ta mbèh skwai, a ta tsi rai a skwi man ta gu a ri ta.

Jérémie 14:3

Ndohi mbibihiaʼa ta zlündo ɓèlèlihi ta a iyam. Aman ta ngatsa iyam ɓai, ta shkè a deɓa a motozl duzlak. Ta gu horai, gèɗ ta ndzakaɓa, ta ngheda di ta.

Jérémie 15:6

Ka nkwolyè a ri ngaya, Ndo nzi pèc pècèk a gaɗa. Ka ngwoday deɓa! Gar haha i torko ri ga, a i gedas ka, i kéɗè gèɗ ndav ga a hi asaɓai.

Jérémie 17:13

Ndo nzi pèc pècèk, man Israel a zhèr ka! Ta tèlèba man ta jèke ka, ta ngècè hori a dai. Ta tèlèba man ta kwol ka, hori a da keɗ ta, a géɗ man ta jèkeda nlèlè iyam nshèffè.

Jérémie 18:14

Kwa nɗizlèʼa te za Liban a da ndivè auda te pa dè? Iyam te woyam mbiaʼa a da she na dè?

Jérémie 19:4

A géɗ man ta jèkyè, a ta ngwoda sam nta, a ta zla ta skwi a vrihai, man ko tengaʼa ko babhi ta ko bihi Juda ta sen ta ɓai, a ta ndha sam nta a pombaz ndohi man ta ga mali ɓai,

Jérémie 2:11

Daga halaʼa ndohi ngiɗè man ta humbaɗa Zhiklè a zhiklèhi ncèkèlma, tazhi dè? Aman ndohi ga ta humbaɗa nʼnjèl ga a skwi ambalai.

Jérémie 2:17

Skwi haha a ga ka tèlèba a géɗ man ka kwola Ndo nzi pèc pècèk, Zhiklè ngaya ka ɓi ɗè?

Jérémie 2:26

Ndohi gi Israel, bihi ta, wud bihi ta, ndohi mvi skwi a Zhiklè ta, ndohi nhadka ma ta, ta ngots hori a dai, ara ndo metsar man ta ngatsa na a vaʼa.

Jérémie 4:22

Ndohi ga, maya ta azɓai, ta senyè ɓai. Ndohi nrzlaʼa, madaɗauhai. Maya ta zhè a géɗ skwi man ambaɓai; a skwi man amba ta sun ngia ɓai.

Jérémie 5:26

Aman te va ndohi ga, ndohi ambaɓihiaʼa ta zhè. Ta pi votok a hai, ara ndohi man ta gshè ɗiak, Ta gi gadda a hai, aman ta gshè ndo.

Jérémie 5:31

Ndohi nhadka ma ta hodko ma ta tsakal ma. Ndohi mvi skwi a Zhiklè ta takaha ta te pa. Ndohi ga, ambaha ta. Aman te deɓ nengaʼa, kin da gi mè?

Ezéchiel 14:5

A i da mbeɗama ta ndav a ndohi Israel, tengaʼa man ta jèkyè, a gèɗ vri tengaʼa kumba.

Ezéchiel 47:1

Te deɓaʼa a ndiyè a deɓa a ntamagi gi Zhiklè. A i rka iyam a hakaɗauda tʼhwaɗ ntamagai, te civèɗ mvèng pats. Ntamagi Zhiklè man a ma mwinèʼa a civèɗ mvèng pats. A iyam a nhakaɗauda tʼhwaɗ zlazlar gi Zhiklè à tsagai, a sam mvi skwi a Zhiklè, te civèɗ man a dukwaɗ.

Michée 2:8

Kinè man kin gi mayam ndohi ga! Ndo man a beza a civèɗ, a sun ɓai, a nhera ma shèwa te ndav na ɓai, kin ngezlama na dawar auda a va a kin jèka na ntʼhwaɗaʼa.

Michée 6:3

Ndohi ga, i ga kinè mè? I ngezla kinè a gèɗ èhèmè? Va-mbeɗkay a ma!

Zacharie 13:1

A pats nasa nlèlè iyam a zhè a sam ndohi gi David a ndohi Jérusalem, a pènè malai a skwi nlizhèʼa.

Jean 4:10

A Yèsu a mʼmbeɗa na a ma: Aman agassa ka sun skwi man Zhiklè a vi a ndohai, a ka sun nengaʼa man a gaɗa ka: Ɓedzay iyam a i siaʼa, ar ka jhèɗè nengaʼa, a nengaʼa a nva ka iyam nshèffè.

Jean 4:11

A ngwoz a ngaɗa na: Bai, skwi man a ka kèl iyam a vna, azɓai; thal iyam nra a vata. Ka ngècè iyam nshèffè tema?

Jean 4:14

Aman ndo man a si iyam man i va na, iyam a da dza na te deɓaʼa asaɓai a mèdèp. Aman iyam man i viaʼa, a da gi te ndav nengaʼa ara nlèlè iyam nshèffè man ahi a mèdèp.

Jean 7:37

A pats ndiv ngolala nʼnɗuzoʼa, Yèsu a nzlatsa, a mboho, a ngaɗa: Ko wawa man iyam a dza na, da shke a sam ga, a nsiaʼa!

Deutéronome 31:16

Ndo nzi pèc pècèk a ngaɗa na Moise: Na haha ka da metsi ngaya, a ka dè a va babhi ngaya. A ndohi haha ta da dè a ta da kèlèhi a deɓ sak zhiklèhi ngidè tsaɗ te kokwar man ta dè a pa. Ta da jèkyè, ta da gi mali a sam nderzlè-ma man i gu a nda ta.

2 Peter 2:17

Ta ara thal man iyam a te pa ɓai, vanihai man kozlar a patsedaussa. Skwi man ta ngècèʼa, te ruva tèɗèɗikaʼa.

Apocalypse 21:6

A ngaɗayè: Nʼnga ma! Iyè i Alpha a Oméga, nhinkaɗ skwai a nʼndikèma skwai. I war i va na iyam nsai te nlèlè iyam nshèffè, a ndo man iyam a dza na, da su ambalai.

Apocalypse 22:1

Te deɓaʼa a nʼngray woyam mbiaʼa a iyam nshèffè nkéɗècèʼa, man a shkè auda a sam nʼnzi Bi Zhiklè a kra tambak.

Apocalypse 22:17

A Mèzhèɓ Zhiklè a medemi ta gada: Washkè! A ndo man a tsenaʼa, da goɗ: Washkè! A ndo man iyam a dza na, da shkè. Ko wawa man a woyaʼa, da co iyam nshèffè, ambalai.

Juges 10:13

Aman kin jèkyè, a kin dzodzor zhiklèhi ngiɗè. Gar haha a ma ma i takaha kinè asaɓai.

I Samuel 12:10

Ta kuɗi a sam Ndo nzi pèc pècèk, a ta gaɗa: Nga gu malai, te man nga jèkeda Ndo nzi pèc pècèk, a nga tsu ri a Baalhai a Astar-téhai. Aman antanta, mbel nga te ri mayamhi nga, a nga woy a nga gi mizlinè ngaya.