Jérémie 19:8 - Ma Zhiklè

⁸ Kokwar haha, i da gi a skwi man ta gi zlauaʼa, a ta ngwèshè a pa. Ko wawa man a da bizhè a pa, a da rzl na, a liv ta, a géɗ matakwan tengaʼa tè-lèba.

Jérémie 19:8 ပူးပေါင်းရင်းမြစ်များ

I Rois 9:8

Gi haha a da mbeɗ na. Ndohi tèlèba man ta da bizhè a samaʼa, ta da rzl ta, a ta ngwèshè a pa, a ta jhèɗèʼa: Ndo nzi pèc pècèk a nʼnga ta ndohi kokwar, a gi haha, aranta èhèmè?

Jérémie 18:16

Ta ndeda kokwar ta a skwi man ndohi ngiɗè ta gi zlauaʼa, a ta ngwèshè a pa. Ko wawa man a bizhè a pa, a gidè gèɗ kwotakwotaʼa.

Jérémie 25:18

Jérusalem a kokwarhi Juda, a bihi na, a wud bihi na, man ta gedas ta, a ta zi ta, a ta tsa ta derngasl, a ta phomde ndo a vna, ara man a zhè a patsna.

Jérémie 49:13

I mbaɗa te ma ga, Ndo nzi pèc pècèk a gaɗa: Botsra a da gedas na, a da gi a skwi horai, a mbeɗ na, a gi a skwi mphomdaʼa, a kokwarhi nengaʼa ta nzi a diki a mèdèp.

Jérémie 50:13

A géɗ ndzoan Ndo nzi pèc pècèk, ndo a nzi a pa azɓai, ngedassa tèlè. Ko wawa man a bizhè auda a kokwar Babylone, a rzl na, ta pèrè a pa, a géɗ mblè nengaʼa tèlèba.

Ezéchiel 27:36

Ndohi ganai te ndev ndohi herkeda ta fkwè ka a gèɗ. Ka kal ngaya a hi ɓaf klèng – ka gedassa a mèdèp.

Lèv. 26:32

Iyè a ri ga i woy a i gedassa kokwar, a mayamhi kinè ta nzi a pa, ta rkaʼa, a ta gi zlau a géɗèʼa.

Michée 6:16

Ka dzodzor ma nkwèr Omri, a maya ambaɓiaʼa man a ndohi Achab. Ka gu ara man ta ngra ka, a i da gedas ka, a ta ngwossaha ta ndohi kokwar ngaya. Aranta sèi kin ɗishèʼa, aman ndohi herkeda ta paraha kinè.

Sophonie 2:15

Nasa kokwar man a wuffè te va nasa, man a nza taraʼa, man a goɗ te ndav na: Iyè, ngar iyè azɓai. Nʼnde na hèshèkèɗ ma, sam man skwi dak a mènè a pa! Ndo man a bizhè a pa, ta pèrè a pa, ta tsi dali ngwèshè.

Deutéronome 28:37

Ndohi herkeda tèlèba man Ndo nzi pèc pècèk a de ka a sam ta ta da rzl ta a géɗ ngaya, ta ngwossaha ka, ta paraha ka.

Deutéronome 29:22

Ndohi man a ma, wudahi man kin da yia dai, a ndo mbrok man a da shkè te kokwar dra, man ta da rka mblè a matakwan man Ndo nzi pèc pècèk a ntsu kokwar haha a nʼngwoda herkeda a vna;