Jérémie 19:5 - Ma Zhiklè

⁵ ta rama ta sam mvi skwi a Baal, a géɗ za, a ta bezde ta wudahi tengaʼa a ndev vogwa a géɗ Baal, skwi man i gaɗa ta: kin gu hai, man i ngra ta hai, man i hur ɓai.

Jérémie 19:5 ပူးပေါင်းရင်းမြစ်များ

II Rois 17:17

Tazlündo wudahi a dalahi tengaʼa a ta bizhè a ndev vogwa, ta pi kwa, ta tèwèlè gèɗ, ta preda va ta a ma, a ta gi skwi man ambaha Ndo nzi pèc pècèk ɓai, a ta poko na gèɗ ndav auda a vna.

II Rois 21:6

A nzlündo kra nengaʼa a vogwa, a ɗèl skwi te bantihai, a pi kilèa, a ngu vrai, a pi kwa, a ngu skwi man ambaha Ndo nzi pèc pècèk bi kumba kumba, a mpoko na gèɗ ndav auda a vna.

II Chroniques 28:3

Nengaʼa ha a nʼndara ta skwi a zhiklèhi mʼmbèh skwai te slrats Ben-Himmon, a mbezde ta wudahi nengaʼa a ndev vogwa, ara man ndohi herkeda man Ndo nzi pèc pècèk a dzam ta auda a ma Israel, ta gau, skwi horai.

Jérémie 32:35

Ta gu sam mvi skwi a Zhiklè te géɗèʼa man a Baal, te slrats Ben-Hinnom, a ta bezde ta wudahi tengaʼa a dalahi tengaʼa te va Moloc, skwi man i njè ta ɓai, man i hur i gaɗa ta, da gu skwi hori aranta a ta kalda Juda a mali ɓai.

Ezéchiel 16:36

Bi Zhiklè a goɗ ar haha: A géɗ man mphömè ngaya a nge na mbiaʼa, a mphömè ngaya a ngredeka ka auda, ka adai, a sam di ndohi ngaya man ka gu mphömè a nda ta, a sam di vrihi ngaya man ka mboh skwi a nda ta, a géɗ Pombaz wudahi ngaya man ka vau a géɗ mʼmbèh skwai,

Ezéchiel 20:26

Ta lizhè va ta a skwi man ta va na vrai, man ta bezda tsuvomhi ta a ndev vogwa. A i pa ta zlau a gèɗ, a ta suna, iyè Ndo nzi pèc pècèk.

Ezéchiel 38:10

Gar haha Bi Zhiklè a gaɗa: A pats nasa skwi ngiɗè a da haka ka a gèɗ, a ka da hér skwi ambaɓiaʼa te ndav ngaya.

Daniel 2:29

Ka bai, ka hur man ka mana tʼhai a sam mʼmènè ngaya, a ka huro: skwi man a da shkè a ma ma, mè? A nengaʼa man a sun skwi nʼnghedaʼa haha a ngra ka skwi man a da gi a ma.

Lèv. 18:21

Ka vau kra ngaya a Moloc bai; ka derdè nzlembaɗ Zhiklè a vna. Iyè Ndo nzi pèc nècèk.

Nombres 22:41

A prèk, Balak a nco Balaam, a ndaʼa a géɗèʼa, a Bamoth-Baal. Te pa Balaam a nrka rèta ndohi Israel.

Deutéronome 12:31

Ka da gu arsa a sam Ndo nzi pèc pècèk, Zhiklè ngaya ɓai! Tengaʼa ta gu skwi man Ndo nzi pèc pècèk a gi shèwa a pa, man ambaha ɓai, a ta slubordo zhiklèhi tengaʼa a vna. Wudahi a dalahi tengaʼa ba ta bezda ta a ndev vogwa a géɗ zhiklèhi tengaʼa.