Jérémie 19:4 - Ma Zhiklè

⁴ A géɗ man ta jèkyè, a ta ngwoda sam nta, a ta zla ta skwi a vrihai, man ko tengaʼa ko babhi ta ko bihi Juda ta sen ta ɓai, a ta ndha sam nta a pombaz ndohi man ta ga mali ɓai,

Jérémie 19:4 ပူးပေါင်းရင်းမြစ်များ

II Rois 21:16

Manassé a mbazl ta ndohi man mali ta azɓai, Pombaz tengaʼa te Jérusalem a hi a civèɗ ngiɗè, a hi a civèɗ ngiɗè; a ngu mali a vata, man a mpe ta ndohi Juda a wai, a ta gu skwi man ambaha Ndo nzi pèc pècèk ɓai.

II Rois 23:10

A ngedassa Topheth te slrats Hinnom, aman ko ndo staɗ a nzlinda kra nengaʼa, man ɓai dem nengaʼa, a mbizhè a vogwa te deɓaʼa asaɓai, a ta slébèrdè Moloc asaɓai.

II Rois 24:4

A géɗ ndohi man a bazl ta, man mali ta azɓai, a Pombaz tengaʼa a ndha te Jérusalem tèlèba, a Ndo nzi pèc pècèk a woya a mpra ta mali haha ɓai.

Psaumes 106:38

Ta keɗa ndo man a nga, mali ɓai, pombaz wudahi a dalahi tengaʼa ta va na a mhlom ndohi Canaan. A kokwar mphomda a géɗ mali nkéɗè ndo.

Esaie 59:7

Sak tengaʼa ta hi a sam ambaɓiaʼa, ta vèshè va a nkédè ndo. Skwi man ta hérèʼa, skwi malai. A sam man ta bizhè a pa, ta jèkeda gi mʼmbeɗa, a dikai, a pa.

Esaie 65:11

Aman kinè man kin jèkeda Ndo nzi pèc pècèk, man za ga nkezlaʼa mpca kinè a gèɗ, man kin va na skwi nʼndi a Gad, a kin ndha kokwi a kin va na Meni,

Jérémie 1:16

I da bèzlè kita a géɗ Jérusalem, a géɗ shèwa tengaʼa tèlèba, a géɗ man ta jèkyè, a ta mbèh skwai, a ta tsi rai a skwi man ta gu a ri ta.

Jérémie 11:13

Aman zhiklèhi mbèh skwi ngaya kumba, Juda, ta kokwarhi ngaya. Sam mʼmbèh skwi ngaya man hori te pa, ta zhè a civèɗ Jérusalem tèlèba, sam mvi skwi a Baal.

Jérémie 15:6

Ka nkwolyè a ri ngaya, Ndo nzi pèc pècèk a gaɗa. Ka ngwoday deɓa! Gar haha i torko ri ga, a i gedas ka, i kéɗè gèɗ ndav ga a hi asaɓai.

Jérémie 16:11

Ka da menda ta: A géɗ man babhi kinè ta kwolyè, Ndo nzi pèc pècèk a gada, a to do a verzi zhiklèhi ngidè, a ta gu mizlinè ta, a ta tsu ri a tengaʼa, a ta jèkyè a ta dzodzor ma kita ga bai.

Jérémie 17:13

Ndo nzi pèc pècèk, man Israel a zhèr ka! Ta tèlèba man ta jèke ka, ta ngècè hori a dai. Ta tèlèba man ta kwol ka, hori a da keɗ ta, a géɗ man ta jèkeda nlèlè iyam nshèffè.

Jérémie 17:20

A ka gaɗa ta: Va-tsena ma Ndo nzi pèc pècèk, kinè bihi Juda, a ndohi Juda tèlèba, a kinè ndohi Jérusalem tèlèba, kinè man kin bizhé a ntamagi haha!

Jérémie 18:15

Aman iyè, i pca ta a gèɗ a ndohi ga. Ta va ta skwi a vrihai. Ta zlak ta auda a civèɗ nhalaʼa, a ta dè a civèɗ man nʼnde di ɓai.

Jérémie 2:13

Aman ndohi ga ta gu mali sak cèw: Iyè, nlèlè iyam nshèffè, ta jèkyè; a ta rau thal iyam tsaɗ, vèvèɗ te pa, man iyam a she na, a nzi a pa azɓai.

Jérémie 2:17

Skwi haha a ga ka tèlèba a géɗ man ka kwola Ndo nzi pèc pècèk, Zhiklè ngaya ka ɓi ɗè?

Jérémie 2:19

A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 2:30

I bazl ta wudahi kinè ambalai. Ko i ngatsa ta maya arsa, ta ca ɓai. Kin bazl ta ndohi nhadka ma kinè a tsakwal, kin bazl ta ara marizhèlè man a cizlè skwai.

Jérémie 2:34

Pombaz ndo ntawassaʼa nʼnga ka a rai, pombaz ndohi metsarhi ka ɓai, pombaz ndohi man ta ga mali ɓai.

Jérémie 22:17

Aman ka, ka pi dai a ka pi ndav ngaya a mali genè, aman ka keɗa ndo man a nga mali ɓai, ka ga ta matakwan, ka ga ta shèwa.

Jérémie 22:3

Ndo nzi pèc pècèk a goɗ ar haha: Va-gu kita zuraʼa, va-mbela ndo man ndo ambaɓiaʼa a nʼnga na wuɗai, auda te ri nengaʼa! Ndo mbrok, kra dikai, ngwoz mazai, kin ga ta matakwan ɓai, kin ga ta wuɗi ɓai, kin keɗa ndo man nʼnga mali ɓai a sam haha ɓai!

Jérémie 26:15

Aman sèi va-suna, aman kin da kedyè, nshèffè ga haha man i ga mali te pa ɓai, a fa kinè mali a gèɗ a kinè, a kokwar haha, a ndohi haha, te man Ndo nzi pèc pècèk a nzlindkayè a sam kinè a vava, aman i da menda kinè ma haha tèlèba.

Jérémie 26:23

Ta ckoɗi Urie auda te kokwar Egypte, a ta daʼa a sam bi Jojakim, a nengaʼa a nkeɗaʼa a tsakwal, a nkalda nckondo nengaʼa a vèvèɗ ndohi kokwar.

Jérémie 44:3

A géɗ skwi man ambaɓai man ta gau, a ta pokoy gèɗ ndav auda a vna, a to do a ta vi skwi a ta gi mizlinè zhiklè ngiɗè, man ta sen ta ɓai. Kinè a babhi kinè kin gau arsa.

Jérémie 5:6

A géɗ nengaʼa marizhèlè te dak a cizl ta, kda dak a nde ta ma, kokoya a pi va te deɓ kokwar ta. Ndo man a dè auda te kokwar, ta cizl ta. Te man mali ta a zhè kumba, ta men ta a deɓa dra.

Jérémie 7:6

kin ga ta matakwan a ndohi mbrokihi a kra dikai a ngwoz mazi ɓai, kin keɗa ndo man nʼnga mali ɓi ɓai, kin dzodzor zhiklè mbèh skwi ɓai, kin gedassa va kinè a vna ɓai;

Jérémie 7:9

Mè? Kin gi metsar, kin keɗ ndo, kin gi mphömè, kin mbèɗè ambalai, kin va na skwi a Baal, kin jèjèr zhiklèhi ngiɗè man kin sen ta ɓai;

Lamentations de Jérémie 4:13

Skwi haha a ngau a géɗ mali ndohi nhadka ma, a géɗ mphömè ndohi mvi skwi a Zhiklè, man ta bazl ta ndohi nzuraʼa a sam ta.

Ezéchiel 20:26

Ta lizhè va ta a skwi man ta va na vrai, man ta bezda tsuvomhi ta a ndev vogwa. A i pa ta zlau a gèɗ, a ta suna, iyè Ndo nzi pèc pècèk.

Ezéchiel 7:22

I peda di ga aussa a sam ta. Metsarhi ta da dérɗè skwi mèshèlè ga, ta dümèʼa a ta dérɗèʼa.

Ezéchiel 8:11

Ndohi 70 ta zlatsa a sam ta, te va ndohi Israel mbibihiaʼa. Jaazania, kra Shaphan, te va tengaʼa. Staɗ staɗ tèlèba a shiɗèf ɓurdi te rai, a vodzok skwi man ta ndaraʼa a dè a géɗèʼa.

Daniel 11:31

Ndohi var nengaʼa ta zhè, ta da derâa sam nkezlaʼa ngedeng-gedengaʼa, ta jèkeda mvi skwi a Zhiklè pèc pècèk, a ta hinè ngédèshè skwai a maya man a ndèrè a ndo.

Luke 11:50

Aman Pombaz ndohi nhadka ma tèlèba, man ta bazl ta, te nhinkaɗ herkeda,

Deutéronome 13:13

Fali ndohai ta slambaɗa, ta zlakede ta ndohi kokwar a ta gaɗa ta ndohai: ngo-dokoya, ngo-dzodzorokoya, ngo-tsokoy rai a zhiklèhi ngidè tsaɗ, man ká sen ta ɓai,

Deutéronome 13:6

Aman kramam ngaya a giɗagèɗ, man ɓai kra ngaya, a dem ngaya, ngwoz ndav ngaya, mandai ngaya man ka woyaʼa ara nshèffè ngaya, ta woy a ta pe ka a wai, a ta gaɗa ka: ngo-dokoya, ngo-dzodzorokoy zhiklèhi ngiɗè tsaɗ! – man ko ka, ko babhi ngaya kin sen ta ɓai,

Deutéronome 28:20

Ndo nzi pèc pècèk a phomde ka, a va ka skwi mwuɗitpa, ta guv ka te ndev skwi tèlèba man ka giaʼa, ha ka gedessa, ha ka za a vava, a géɗ skwi man ambaɓai man ka gau, a ka jèkyè.

Deutéronome 28:36

Ndo nzi pèc pècèk a da zlinde ka, kinè a bi ngaya man ka da fu a gèɗ ngaya, a sam ndohi herkeda man ko ka, ko babhi ngaya, kin sen ta ɓai. Te pa ka da tsi ri a zhiklèhi ngidè, ngaʼa a wof a kwa.

Deutéronome 28:64

Ndo nzi pèc pècèk a da ksar kinè a va ndohi herkeda tèlèba, te verzi herkeda ngidè a ngidè. Te pa kin da gi mizlinè zhiklèhi ngidè tsaɗ, man kinè a babhi kinè kin sen ta ɓai, nʼngaʼa a wof a kwa.

Apocalypse 16:6

Tengaʼa sa a mbada Pombaz ndohi nhadka ma; a ka, ka va ta Pombaz aman a ta siaʼa. Amba aman ta ngotso arsa.

Juges 5:8

Ta dzodzor zhi klèhi ngiɗè mɓuaʼa: ndohi var Zhiklè ta nza; a sam ndohi Israel 40.000 ko gambar a tsakwal a te ri ta ɓai.