Jérémie 19:15 - Ma Zhiklè

¹⁵ Gar haha, Zhiklè bi mbiaʼa, Zhiklè Israel, a gaɗa: Na haha i da ga na matakwan tèlèba a kokwar haha, a kokwar man a tsagiaʼa, man i guv ta a vna, a géɗ man ta ndohi mèdègèɗ, a ta tsena ma ga ɓai.

Jérémie 19:15 ပူးပေါင်းရင်းမြစ်များ

Néhémie 9:17

Ta woy a ta tsena ɓai, ta hur nrkedi man ka gu a sam ta ɓai. Ta Sala va ta, a ta woy tsuvom ta man a de ta a deɓa a kokwar Egypte. Aman ka, Zhiklè man a prè malai, man a vi pombai, man ndo a sia te va, a ka gi ndav tsam tsam, azɓai, man ka zhèr skwi a dai, ka jèke ta a pa ɓai.

Néhémie 9:29

Ka ngatsa ta maya, ka woy a ka helka ta a deɓa a sam ma kita ngaya. Aman tengaʼa ta gre gèɗ, ta tsena ma kita a ma nkwèr ngaya bai. Ta gu malai a sam ma man a va na nshèffè a ndo man a jèjèrèʼa. Ta gu ma, ta Sala va ta, a ta gu mèdègèɗ, ta woy a ta cinè ɓai.

Jérémie 11:11

Gar haha Ndo nzi pèc pècèk a gaɗa: Na haha i ngwoda ta matakwan a gèɗ, man ta slaha ta mbelè auda te pa azɓai. Ta da kuɗi a sam ga, aman i da cinè ma tengaʼa azɓai.

Jérémie 11:17

Zhiklè bi mbiaʼa man a nge ka a pa, a ga ka matakwan a géɗ shèwa ngaya, a géɗ mali man ndohi Israel a ndohi Juda ta pokoy gèɗ ndav auda a vna, aman ta ndara na skwi a Baal.

Jérémie 13:11

Lèmèlèmè ara man skwi deɓa haha mʼmana te deɓ ndo, ar ndohi Israel tèlèba ta zleɓa a va ga, a ndohi Juda ba, Ndo nzi pèc pècèk a gaɗa, a ta gi a ndohi ga, a nʼnjèl ga, a nslébèrdè ga, a skwi va ga. Aman ta tsena ɓai.

Jérémie 17:23

Aman ta tsena ɓai, ta fa zlembaɗ ɓai, ta sassaya di ta, ta woy a ta tsena ɓai, ta woy a ta cè ma man i njè ta ɓai.

Jérémie 18:11

Gar haha gaɗa ta ndohi Juda a ndohi Jérusalem: Ndo nzi pèc pècèk a goɗ ar haha: Na haha i til matakwan a hai a i hér skwi man ambaɓai a géɗ kinè. Va-menkaɗa deɓa, staɗ staɗ tèlèba a civèɗ nengaʼa man ambaɓai, va-tila civèɗ kinè, va-gu skwi man amba.

Jérémie 19:3

Goɗ: Kinè bihi Juda a ndohi Jérusalem, va-tsena ma Ndo nzi pèc pècèk! Zhiklè bi mbiaʼa, Zhiklè Israel, a goɗ ar haha: i da geda matakwan a sam nta, ko wawa man a tsenaʼa, a woya a mpizlè zlembaɗ na.

Jérémie 22:21

I gaɗa ka a pats man ka wèl va dai, a ka gaɗa: i cinè azɓai. Ka gu arsa te gol ngaya, ka tsena ma ga ɓai.

Jérémie 25:3

A hüno te mvi 13, man Josias, kra Amon, bi Juda, ha ndikèma patsna, mvi 23, man Ndo nzi pèc pècèk a gaɗayè genè, a gadayè genè, a i wurra na va ngèɗè a prèk te gai; aman kin tsena ɓai.

Jérémie 25:4

Ndo nzi pèc pècèk a nzlinda kinè ɓèlèlihi nengaʼa tèlèba, ndohi nhadka ma, a ta wurra na va nhèd ma a prèk te gai; aman kin tsena ɓai, kin fa ta zlembaɗ ɓai.

Jérémie 25:7

Aman kin tsena ma ga ɓai, Ndo nzi pèc pècèk a gaɗa; kin pokoy gèɗ ndav auda a skwi man kin gu a ri kinè, a kin gedassa va kinè a vna.

Jérémie 25:8

Gar haha Zhiklè bi mbiaʼa a gaɗa: A géɗ man kin tsena ma ga ɓai,

Jérémie 36:31

I gi kita a géɗ nengaʼa, a géɗ ndohi te verzi nengaʼa, a géɗ golahi nengaʼa, a géɗ mali ta. I da ngwoda ta skwi ambaɓiaʼa man i gaɗdahai a gèɗ a tengaʼa, man ta fa na gèɗ ɓai, a gèɗ a ndohi Jérusalem, a ndohi Juda.

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Jérémie 6:19

Herkeda, fu zlembaɗ! I ngwoda ta matakwan a gèɗ a ndohi haha, a géɗ man ta kwolyè, ta woy a ta cè ma ga ɓai, ta derɗa ma kita ga.

Jérémie 7:26

Aman ta tsena ɓai, ta fa zlembaɗ ɓai, ta sassaya ndav ta, ta gu malai a fena babhi ta.

Lamentations de Jérémie 2:2

Bi Zhiklè a ngedassa sam nwèr skwi Jacob tèlèba, a sia te va azɓai, a mbeɗda zlazlar kokwar Juda a hai a ndav. Kokwar-bai a wud bihi nengaʼa a nkalde ta hai, a nderɗe ta.