Jérémie 18:17 - Ma Zhiklè

¹⁷ I woya a i dzam ta auda a ma mayamhi ta, ara kozlar civèɗ iyam. I ngwoda ta deɓa, i paka ta di azɓai a pats man ta gedas ta.

Jérémie 18:17 ပူးပေါင်းရင်းမြစ်များ

Job 27:21

Kozlar te civèɗ mvéng pats a gai, a cedama, a cè na auda a sam nʼnzi na.

Psaumes 48:7

Ta gudzu a samaʼa, ta düsha va ara ngwoz man a yi kra.

Proverbes 24:16

Aman ndo nzuraʼa a kèlèhi, ko sak tsaraɗ, a slèmbèɗè genè. Aman ndohi ambaɓihiaʼa ta wush ta hai, a matakwan.

Jérémie 13:24

Gar haha i woya a i ksar ta ara kuza man kozlar hèshèkèɗ a hilèʼa.

Jérémie 2:27

Ta gaɗa na wof. Ka bab nga! Ta gaɗa na kwa: Ka nyaka nga! Ta ngwodkay deɓa, ta pakay di asaɓai. Te deɓaʼa man matakwan a ngs ta, ta gaɗa: Slambaɗa, takaha nga!

Jérémie 32:33

Ta ngwoday deɓa, ma ka ɓai. Ko i slebda ta daga pats nshèlèkuraʼa, ta tsena ɓai, ta ca skwi man i slebda ta ɓai.

Jérémie 46:21

Ko ndohi mizlinè suli a sam nengaʼa, ta ara zlèhi ngraʼa. Tengaʼa ba ta hi ta, ta zlècèhi azɓai, a géɗ man pats matakwan kalkaɗa a géɗ tengaʼa ma, pats kita ta.

Ezéchiel 27:26

Ndohi nhèdè wurom ngaya ta hul kolongwi ngaya a géɗ iyam. A kozlar te civèɗ mvèng pats a mʼmbeɗa wurom ngaya te ndev iyam.

Ezéchiel 7:22

I peda di ga aussa a sam ta. Metsarhi ta da dérɗè skwi mèshèlè ga, ta dümèʼa a ta dérɗèʼa.

Osée 13:15

Epraim, ko a wèl va te va kramamhi na, kozlar te civèɗ mvèng pats a slèmbèɗè, Ndo nzi pèc pècèk a saffka te civèɗ hèshèkèɗ, a ngwora thal iyam na, a gi a nlèlè iyam a she na, a nengaʼa a ceda skwi mèshèlè nengaʼa tèlèba a ma.

Deutéronome 28:25

Ndo nzi pèc pècèk a gi a ndohi mayamhi ngaya ta gi ngul ngaya. Kin dè a sam ta, te civèɗ staɗ, kin da hi auda a sam ta a kin venda gèɗ tèlèba, a kokwar-bihi herkeda tèlèba ta gi hori a géɗ ngaya.

Deutéronome 28:64

Ndo nzi pèc pècèk a da ksar kinè a va ndohi herkeda tèlèba, te verzi herkeda ngidè a ngidè. Te pa kin da gi mizlinè zhiklèhi ngidè tsaɗ, man kinè a babhi kinè kin sen ta ɓai, nʼngaʼa a wof a kwa.

Deutéronome 31:17

A pats nasa i da gi ndav worworaʼa a géɗ tengaʼa. I da jèke ta, i da ngheda di ga a sam ta. Ta da gedas ta, ta kèlèhi a matakwan tsaɗ tsaɗ a ndev ɓai, ta lèyè, te deɓaʼa ta da gaɗa: Matakwan haha a ga nga, a géɗ man Zhiklè nga a te ndev nga ɓi Se?

Deutéronome 32:35

Ha pats kita, pats mpil gèɗ, a pats man ta da kèlèhai. Aman pats ngédèshè tengaʼa ndul ndul, ndikè-ma tengaʼa a herdeka va.