Jérémie 18:16 - Ma Zhiklè

¹⁶ Ta ndeda kokwar ta a skwi man ndohi ngiɗè ta gi zlauaʼa, a ta ngwèshè a pa. Ko wawa man a bizhè a pa, a gidè gèɗ kwotakwotaʼa.

Jérémie 18:16 ပူးပေါင်းရင်းမြစ်များ

I Rois 9:8

Gi haha a da mbeɗ na. Ndohi tèlèba man ta da bizhè a samaʼa, ta da rzl ta, a ta ngwèshè a pa, a ta jhèɗèʼa: Ndo nzi pèc pècèk a nʼnga ta ndohi kokwar, a gi haha, aranta èhèmè?

II Chroniques 29:8

Gar haha Ndo nzi pèc pècèk a ngu ndav a gèɗ Juda a Jérusalem, a nge ta a skwi man ndohi ta rzl ta a ta gi zlau a ta live ta a géɗèʼa, ara man kin rka a di kinè.

Psaumes 109:25

I ndaʼa a skwi man a ndara ta; aman ta rkayè, ta giɗè gèɗ kwotakwo-taʼa.

Psaumes 22:7

Aman iyè, i meturdi genè, i ndo ka ɓai, skwi man ndohi ta livèʼa a ta kwolaʼa.

Psaumes 44:14

Ka gu a nslamagihi nga ta derɗe nga, a ndohi man a tsagi nga ta ngwossaha nga a ta liv nga.

Esaie 37:22

Na haha ma man Ndo nzi pèc pècèk a goɗ a géɗ nengaʼa: Bidalai, dem Sion a rka ka ara zai, a ngwossaha ka. Dem Jérusalem a geda gèɗ kwota-kwotaʼa te deɓ ngaya.

Esaie 6:11

A i gaɗa: Bi Zhiklè, ta ngèmè? A nengaʼa a ngaɗa: Ha kokwarhi ta nde ta a hèshèkèɗ, ndohi a te pa asaɓai, ndo a te gi asaɓai, a gi dau tèlèba a nʼnde na a hèshèkèɗ ma.

Jérémie 19:8

Kokwar haha, i da gi a skwi man ta gi zlauaʼa, a ta ngwèshè a pa. Ko wawa man a da bizhè a pa, a da rzl na, a liv ta, a géɗ matakwan tengaʼa tè-lèba.

Jérémie 25:9

na haha iyè i zlinde ndo, a sam Nebucadnetsar, bi Babylone, ɓèl ga, da helka ta ndohi gi tè-lèba te man a géɗèʼa, Ndo nzi pèc pècèk a gaɗa; a i zlinde ta, a ta da gi var a kokwar haha, a ndohi kokwar nengaʼa, a ndohi herkeda tèlèba man a tsagiaʼa. I da ga ta a skwi mphomdaʼa, i da pe ta a nlèyè, a ndohi ta ngwossaha ta. I da gedas ta a mèdèp.

Jérémie 29:18

I da hi a verzi ta a tsakwal, a mai, a gidiɓèr, i da ge ta a skwi man kokwar-bihi a gèɗ herkeda tèlèba ta gi zlau a pa, man ta gi wobau a géɗèʼa, a ta tsi derngasl, a ta gi horai a sam ndohi herkeda tèlèba, man i dzam ta a pa,

Jérémie 42:18

Zhiklè bi mbiaʼa, Zhiklè Israel, a goɗ ar haha. Lèmèlèmè ara man i gau ndzoan mwuɗitpa a géɗ ndohi Jérusalem, lèmèlèmè i da gi shèwa a géɗ kinè, aman kin dè a kokwar Egypte, a kin da gedas kinè. Kin da lèyè, kin phomda, kinè skwi horai, a kin da rka sam haha asaɓai.

Jérémie 44:12

I hil njèkèdi Juda, tengaʼa man ta pu di a kokwar Egypte, aman ta dè a pa, a ta nzi a pa, a ta da zi ta tèlèba. Ta da zi ta te kokwar Egypte, a tsakwal, a mai, nkèshèa a mbiaʼa, ta da bazl ta a tsakwal, a mai, ta gedas ta, ta lèyè, ta ga a skwi mphomdaʼa, a skwi horai.

Jérémie 48:27

Ka ngwossaha Israel ka ɓi dè? Ta ngots te va metsarhi dè, aman ka slefia pèc pècèk, ka geda gèɗ kwotakwotaʼa a géɗèʼa.

Jérémie 49:13

I mbaɗa te ma ga, Ndo nzi pèc pècèk a gaɗa: Botsra a da gedas na, a da gi a skwi horai, a mbeɗ na, a gi a skwi mphomdaʼa, a kokwarhi nengaʼa ta nzi a diki a mèdèp.

Jérémie 49:17

Edom a da gédèsh na. Ko wawa man a da bizhè auda a sam na, a rzl na, ta pèrè a pa, ta tsi drengasl a géɗ mblè nengaʼa tèlèba.

Jérémie 50:13

A géɗ ndzoan Ndo nzi pèc pècèk, ndo a nzi a pa azɓai, ngedassa tèlè. Ko wawa man a bizhè auda a kokwar Babylone, a rzl na, ta pèrè a pa, a géɗ mblè nengaʼa tèlèba.

Jérémie 51:37

Babylone a da mbéɗ na; sam nʼnzi barkda, hèshè-kèɗ man ta ngwèshè a pa, ndo a nzi a pa azɓai.

Jérémie 51:43

Kokwarhi nengaʼa ta nde ta a hèshèkèɗ, a herkeda ngworaʼa, a tazli hèshèkèɗ, a herkeda man ndo a nzi a pa azɓai, ndo a bizhè a pa azɓai.

Jérémie 9:11

I da mbeɗɗa Jérusalem a hai, a i ndeda a gi skwi dak. I ndeda kokwar Juda a hèshèkèd, a ndo a nzi a pa azɓai.

Lamentations de Jérémie 1:12

Kin tèlèba man kin bizhè a pa, va-wora, va-pu dai! Skwi ndzi ngiɗè ara skwi man a dzayè, man Ndo nzi pèc pècèk a ngezyè a vna, a pats ndzoan nengaʼa, a zhi dè?

Ezéchiel 12:19

Ka da gaɗa ta ndohi kokwar: Bi Zhiklè Ndo nzi pèc pècèk a gaɗa ta ndohi kokwar Jérusalem man ta zhè tʼherkeda Israel: ta da ndi movar ta te ndev nlèyè, ta da si iyam ta a zlau; a herkeda tengaʼa a ndi na a hèshèkèɗ, a skwi nʼndha te pa pats ngiɗè, a ndev na, a géɗ skwi man ndohi man ta nza a pa ta gu shèwa.

Ezéchiel 27:36

Ndohi ganai te ndev ndohi herkeda ta fkwè ka a gèɗ. Ka kal ngaya a hi ɓaf klèng – ka gedassa a mèdèp.

Ezéchiel 36:3

Hod ma a ka gaɗa: Bi Zhiklè a gaɗa: Ta vaɗaha kinè htsan, a ta woy a ta par kinè a ma te tsagi tèlèba, a kin kala a ri ndohi herkeda ngiɗè, a ndohi ta ngre kinè, a ta tsu tsaval a géɗ kinè.

Ezéchiel 6:14

I da tara ta ri a dai, i da ndeda kokwar tengaʼa a hèshèkèɗ, a tazli hèshèkèɗ, a ta da suna, iyè Ndo nzi pèc pècèk.

Lèv. 26:32

Iyè a ri ga i woy a i gedassa kokwar, a mayamhi kinè ta nzi a pa, ta rkaʼa, a ta gi zlau a géɗèʼa.

Lèv. 26:43

Aman sèi ta jèkeda kokwar dai, a i ngècè nshèk va te di mvi man a sok va bai, a nzi ara hèshèkèd dai, a ta nzi te pa azbai, a ta til mali ta, a géɗ man ta kwola ma kita ga, a ta woy ma nkwèr ga bai.

Michée 6:16

Ka dzodzor ma nkwèr Omri, a maya ambaɓiaʼa man a ndohi Achab. Ka gu ara man ta ngra ka, a i da gedas ka, a ta ngwossaha ta ndohi kokwar ngaya. Aranta sèi kin ɗishèʼa, aman ndohi herkeda ta paraha kinè.

Matthew 27:39

A ndohi man ta beza a pa, ta dérɗèʼa, a ta gidè gèɗ kwotakwotaʼa, a ta gaɗa:

Marc 15:29

Ndohi man ta beza a pa, ta durdo, a ta gidè gèɗ kwotakwotaʼa, a ta gada: Ɗakwa, ka, ka gaɗa: i mbeɗda gi Zhiklè aussa, a i rèmèʼa te mʼmèn makar,

Deutéronome 28:59

man a Ndo nzi pèc pècèk, Zhiklè ngaya, azɓai, Ndo nzi pèc pècèk a da tse ka a nrkedai, kinè a ndohi te verzi ngaya, a mblè mbiaʼa man a pkwè azɓai, a matakwan mbiaʼa man a ndiye azɓai.

Deutéronome 29:23

aman ta da rka skwi mvècè vogwa, a boma, a vogwa man a gedassaʼa; tser azɓai, nyi skwi azɓai, mandi a grè azɓai, ara Sodome a Gomorrhe, Adma a Tseboim, man Ndo nzi pèc pècèk a ngedas ta a ndav a ndzoan nengaʼa –