Jérémie 18:15 - Ma Zhiklè

¹⁵ Aman iyè, i pca ta a gèɗ a ndohi ga. Ta va ta skwi a vrihai. Ta zlak ta auda a civèɗ nhalaʼa, a ta dè a civèɗ man nʼnde di ɓai.

Jérémie 18:15 ပူးပေါင်းရင်းမြစ်များ

Néhémie 9:17

Ta woy a ta tsena ɓai, ta hur nrkedi man ka gu a sam ta ɓai. Ta Sala va ta, a ta woy tsuvom ta man a de ta a deɓa a kokwar Egypte. Aman ka, Zhiklè man a prè malai, man a vi pombai, man ndo a sia te va, a ka gi ndav tsam tsam, azɓai, man ka zhèr skwi a dai, ka jèke ta a pa ɓai.

Esaie 3:12

Ndohi ga, nderkèzhè ndo a ga ta matakwan; a ngwozi ta gi a ngul ta. Ndohi ga, ndohi ncè kinè ma ta zlakede kinè, a ta gedassa civèɗ man kin bizhè a pa.

Esaie 41:29

Na haha, tèlèba ndohi ambalai; skwi man ta gia, skwi ambalai; kwa man ta zlatseda ara mblom, skwi ambalai.

Esaie 57:14

Ta da tsenaʼa: Va-bazla civèɗ, va-bazla civèɗ, va-lèmda! Kwa tèlèba va-patsa na auda a civèɗ a ndohi ga!

Esaie 62:10

Va-beza a pa, va-beza a pa a ntama-gai! Va-tila ta civèɗ a ndohi ga! Va-ɗaɗala civèɗ, va-ɗaɗala civèɗ! Va-par ta kwa auda a civèɗ, va-zlatseda skwi man ndohi herkeda ta shinè te pa!

Esaie 65:7

ha ta pelay mali ta a mali bab ta tèlèba, Ndo nzi pèc pècèk a gada, tenga man ta ndor ɓurdi te za, a ta derdyè te kwazlazlam. Gar haha i liva ta ara mali tengaʼa tèlèba.

Esaie 9:16

A gèɗ nengaʼa Bi Zhiklè a wuffè azɓai a gèɗ golahi tengaʼa; wud dikai a ngwozi mazihi ta sia te va azɓai. Aman ta tèlèba ndohi ndérɗèʼa, ndohi shèwa, tèlèba ta derɗe Zhiklè. Ko ar haha Zhiklè a gi ndav di genè a ngeda ri na genè.

Jérémie 1:16

I da bèzlè kita a géɗ Jérusalem, a géɗ shèwa tengaʼa tèlèba, a géɗ man ta jèkyè, a ta mbèh skwai, a ta tsi rai a skwi man ta gu a ri ta.

Jérémie 10:15

Skwi ambalai, skwi man ta ngwèshè a pa, a pats kita ta, ta zi ta.

Jérémie 11:12

Te deɓaʼa kokwar Juda a ndohi Jérusalem ta dè a ta kuɗi a sam zhiklèhi mbèh skwai man ta zla ta skwi pèc pècèk. Aman ta slaha ta takaha ta a pats matakwan ɓai.

Jérémie 11:13

Aman zhiklèhi mbèh skwi ngaya kumba, Juda, ta kokwarhi ngaya. Sam mʼmbèh skwi ngaya man hori te pa, ta zhè a civèɗ Jérusalem tèlèba, sam mvi skwi a Baal.

Jérémie 11:17

Zhiklè bi mbiaʼa man a nge ka a pa, a ga ka matakwan a géɗ shèwa ngaya, a géɗ mali man ndohi Israel a ndohi Juda ta pokoy gèɗ ndav auda a vna, aman ta ndara na skwi a Baal.

Jérémie 13:25

Nasa skwi man i tsaka ka, a i va ka, Ndo nzi pèc pècèk a gaɗa, a géɗ man i pca ka a gèɗ, a ka co ncèkèlma a ndav.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Jérémie 17:13

Ndo nzi pèc pècèk, man Israel a zhèr ka! Ta tèlèba man ta jèke ka, ta ngècè hori a dai. Ta tèlèba man ta kwol ka, hori a da keɗ ta, a géɗ man ta jèkeda nlèlè iyam nshèffè.

Jérémie 18:14

Kwa nɗizlèʼa te za Liban a da ndivè auda te pa dè? Iyam te woyam mbiaʼa a da she na dè?

Jérémie 19:5

ta rama ta sam mvi skwi a Baal, a géɗ za, a ta bezde ta wudahi tengaʼa a ndev vogwa a géɗ Baal, skwi man i gaɗa ta: kin gu hai, man i ngra ta hai, man i hur ɓai.

Jérémie 2:13

Aman ndohi ga ta gu mali sak cèw: Iyè, nlèlè iyam nshèffè, ta jèkyè; a ta rau thal iyam tsaɗ, vèvèɗ te pa, man iyam a she na, a nzi a pa azɓai.

Jérémie 2:19

A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 2:32

Skwi wai a pca na a gèɗ a bidali dè? Mbar man a fèɗè a va a pca na a gèɗ a medemi dè? Aman ndohi ga, i pca ta a gèɗ nʼnzi a zhè.

Jérémie 3:21

Fu zlembaɗ! Ndohi Israel ta kuɗai a géɗ za, te man ta beza a civèɗ ambaɓiaʼa. Ndo nzi pèc pècèk, Zhiklè tengaʼa, a mpca ta a géɗ.

Jérémie 44:25

Zhiklè bi mbiaʼa, Zhiklè Israel, a goɗ ar haha: Kinè a ngwozi kinè, kin goɗ te ma kinè, a kin ngreda a ri kinè, a kin gaɗa: Nga da gi ara man nga gaɗdahai. Nga da vi skwi a pats te giɗfèk, a nga va na skwi nga! Anai, va-gu skwi man kin gaɗdahai!

Jérémie 51:18

Skwi ambalai, skwi nʼngwèdè ndo, ta zi ta a pats kita.

Jérémie 6:16

Ndo nzi pèc pècèk a goɗ ar haha: Va-zlatsa a civèɗ, va-rkaʼa, va-dzhoɗ civèɗ nhalaʼa: civèɗ mʼmbel ndo tema? va-beza a pa, a kin ngècè nshèk va te ndav kinè. Aman ta gaɗa: Nga woya mbizhè a pa ɓai.

Jérémie 7:9

Mè? Kin gi metsar, kin keɗ ndo, kin gi mphömè, kin mbèɗè ambalai, kin va na skwi a Baal, kin jèjèr zhiklèhi ngiɗè man kin sen ta ɓai;

Ezéchiel 21:15

Mpeza, aman a bèzlè skwai, mpeza aman a si dai.

Ezéchiel 36:15

Ndohi nte deɓa ta derde ka ani asaɓai, a ndohi herkeda ta ngwossaha ka asaɓai, Bi Zhiklè a gaɗa.

Osée 11:2

Aman i baha ta, a mpoko ta gèɗ auda, a ta dè ta holholaʼa. Ta vau skwi a Baalhai, ta ndara ta skwi a vrihai.

Osée 2:13

I da gedassa mwuffe nengaʼa tèlèba, a ngolala nengaʼa, a ngolala kia, a pats nshèk va na, a ngolala mbiaʼa tèlèba.

Osée 2:6

Wudahi nengaʼa ta da siyè te va azɓai, a géɗ man tengaʼa ta fali wudahai.

Mal. 2:8

Aman kinè, kin bez kinè azlawa, a kin gu aman ndohi kumba ta tawaɗaha ma kita Zhiklè. Kin pra nderzlè-ma a Lévi, Zhiklè bi mbiaʼa a gaɗa.

Matthew 15:6

Ar haha kin fu ma Zhiklè a ma ambalai, a géɗ ma bababhi kinè.

Romans 14:21

Dara ka ndi zluèɗ azɓai, a ka si zom azɓai, a ka gu skwi azɓai, man a gi gadda aman kramam ngaya a kèlèhi a pa.

Deutéronome 32:21

A ta pokoy gèɗ ndav auda a srak a skwi man Zhiklè ka ɓai. Ta pokoy gèɗ ndav auda a skwi mʼmbèh skwi tengaʼa man ambalai. Iyè i da poko ta gèɗ ndav auda a srak a ndohi ambaɓihiaʼa. I poko ta gèɗ ndav auda a ndohi nrzlaʼa.