Jérémie 18:12 - Ma Zhiklè

¹² Aman ta da gaɗa: Nga geda matakwan a va ambalai. Aʼai, nga woya nga jèjèr skwi te ndav nga, staɗ staɗ tèlèba a gi ara man a hur te ndav nengaʼa nsassayaʼa, man ambaɓai.

Jérémie 18:12 ပူးပေါင်းရင်းမြစ်များ

Genèse 6:5

Aman Ndo nzi pèc pècèk a rka, ndohi a géɗ herkeda ta gi skwi ambaɓiaʼa a vata, ta hér sèi skwi man ambaɓai te ndav ta pèc pècèk, a nkuɗi te ndav na,

Genèse 8:21

A skwi nʼndaraʼa matsa a mzhkèha Zhiklè, ambaha, a ngod te ndav na: Anai i woy a i phomde herkeda a géɗ ndohai asaɓai. Skwi man ndav ndo a hérèʼa, ambaɓai, daga nyakaɗ na. Anai i woy a i keɗe skwi man a zhè a nshèffè asaɓai, ara man i gu matsa.

II Rois 6:33

Aman ta goɗ a ndo sak dai, a bai a nshkè, a ngaɗa: Matakwan mbiaʼa haha a shkè te ri Ndo nzi pèc pècèk. I zhèr skwi te ri Ndo nzi pèc pècèk a ma ma dè?

Esaie 57:10

Ka ngeza a civèɗ ngaya; aman ‘skwi ambali’ ka gada ɓai. Ka ngots wuɗi mɓuaʼa pèc pècèk, ka ngez ɓai.

Esaie 65:2

I tila ri ga pèc pècèk a sam ndohi man ta woya ɓai, ta tsena gèɗ ɓai, man ta a civèɗ ambaɓiaʼa, ara man ndav tengaʼa a woyaʼa.

Jérémie 11:8

Aman ta tsena ɓai, ta fa na zlembaɗ a ma ga ɓai, staɗ staɗ tèlèba ta dzodzor ndav tengaʼa man ambaɓai; a skwi tèlèba man i goɗ te nderzlè-ma ga man i gaɗa ta, aman ta jè-jèrèʼa, a ta dzadzara ɓai, i ngwoda ta a gèɗ.

Jérémie 16:12

Kinè, kin gu skwi ambaɓiaʼa holholaʼa, a fena babhi kinè. Na haha, staɗ staɗ te ndev kinè a jèjèr ndav nengaʼa man nsassaya, man ambaɓai, a tsena ma ga bai.

Jérémie 2:25

Ka nda sak ngaya ɓai, gu maya daʼai ngaya, da gworama ka daʼai ɓai! Aman ka gaɗa: Aʼai! Sèi i woya ndohi man verzi ta tsaɗ, a i hi a verzi ta.

Jérémie 23:17

A ndohi man ta derɗyè, ta gaɗa ta: Ndo nzi pèc pècèk a ngoɗo: gumi a nda kinè! A ndohi tèlèba man ta sassaya ndav ta, ta gaɗa: Skwi mwuɗitpa a da ga kinè azɓai.

Jérémie 3:17

A pats nasa, ta da baha na Jérusalem ‘sam nʼnzi bi Ndo nzi pèc pècèk’. Kokwar bihi tèlèba ta dè a ta ɓica va a pa, a Jérusalem, a sam nzlembaɗ Ndo nzi pèc pècèk, a ta jèjèr ndav tengaʼa man nsassaya asaɓai.

Jérémie 44:17

Nga woy a nga gi skwi tèlèba man a shkè auda te ma nga, nga gaɗa: nga vi skwi a pats te giɗfèk, a nga va na skwi nga, ara man nga gau, nga a babhi nga, bihi nga, wud bihi nga te kokwar Juda, a civèɗ Jérusalem, te va man movar a ngeza nga, nga wuffè, a nga sun matakwan ɓai.

Jérémie 6:17

Te deɓaʼa i gaɗa: I va kinè ndohi mɓer kinè. Va-gu maya, aman tolom a tsai! Aman ta gaɗa: Nga woy a nga gi maya ɓai.

Jérémie 7:24

Aman ta gu mèdègèɗ, ta fa zlembaɗ a ma ga ɓai, ta dzodzor ndav tengaʼa man ambaɓai, ta ngwodkay deɓa, ma ka ɓai.

Ezéchiel 37:11

A ngaɗayè: Ka ndo, vatasl nckondohi haha, nasa ndohi gi Israel tèlèba. Ta gaɗa: Na haha, vatasl nga ngwora, skwi man nga zhèrèʼa, ngedassa. Nga za!

Mal. 3:14

Kin gaɗa: Ngi mizlinè Zhiklè, skwi ambalai. Nga jéjèr ma nengaʼa, nga lèyè a sam di Ndo nzi pèc pècèk, Zhiklè bi mbiaʼa, a takaha nga te mè?

Luke 1:51

Ri nengaʼa a ngu skwi mbiaʼa. A nksar ta ndohi nfi va aussa.

Deutéronome 29:19

Ndo man a ntsena ma nderzlè-ma man i mbaɗa haha, da fu va te ndav na ɓai, aman a gaɗa: Gumi a zhè genè; i da gi ara man ndav ga a woya genè; ko iyam azɓai, zom a zhè genè!