Jérémie 18:10 - Ma Zhiklè

¹⁰ Aman te deɓaʼa ta gi skwi man ambahay ɓai, ta tsena ma ga ɓai, skwi mbelaʼa man i huro, i da ga ta azɓai.

Jérémie 18:10 ပူးပေါင်းရင်းမြစ်များ

Psaumes 125:5

Aman tengaʼa man ta bez ta zlawa a civèɗ tengaʼa ndzaraʼa, Ndo nzi pèc pècèk da zede ta a nda ndohi malihai. Gumi da zhè a géɗ Israel!

Ezéchiel 18:24

Aman ndo nzuraʼa a njèkeda ngi-zuraʼa nengaʼa, a gi skwi nzura ka bai, a gi skwi nzuraʼa azɓai, skwi hori tèlèba lèmèlèmè ara ndo nderɗa Zhiklè, skwi nzura tèlèba man a gau, ta hérèʼa asaɓai. A géɗ man nlèɓèslè ɓai, a géɗ mali man a zhè a géɗ nengaʼa, a da metsi na.

Ezéchiel 33:12

Ka ndo, gaɗa ta ndohi ngaya: Ndo nzuraʼa a mbela va na a géɗ ngi-zura nengaʼa azɓai a pats man a nda gu malai. A ndo ambaɓiaʼa a kèlèhi a géɗ mali na azɓai a pats man a nda jèkeda malai.

Ezéchiel 33:18

Aman ndo nzuraʼa a jèkeda ngi-zura nengaʼa a ngi malai, sèi a metsi na.

Ezéchiel 45:20

Gu lèmèlèmè a pats matsaraɗaʼa, a géɗ ndo man mali a nʼnga na a rai, man ndo ngiɗè a mpeda a wai, a kin cè mali auda te gi Zhi-klè.

Sophonie 1:6

Ta tèlèba man ta ngwoda na deɓa a Ndo nzi pèc pècèk, a ta woy a ta tsi ri a nengaʼa ɓai.

Nombres 14:22

ndohi haha tèlèba man ta rka nʼnjèl ga, a nrkedi ga man i gau te kokwar Egypte, a ta tsena ma ga bai, a ta jkedyè sak kula kula ma, a ta fa na gèɗ a ma ga bai,

Nombres 14:23

sèi ta da rka kokwar man i mbada ta a babhi ta asaɓai. Tengaʼa tèlèba man ta derdyè, ta da rka asaɓai.

Nombres 14:34

Aman to do a ta zeɓi kokwar, mʼmèn 40, ta vi a hèshèkèɗ 40 te diaʼa; te di pats staɗ, mvi staɗ, a géɗ mali kinè; a kin da rkaʼa, man i woy kinè a deɓa azbai.

I Samuel 13:13

Samuel a ngaɗa na Saul: Ka gau ambaɓai! Aman agassa ka dzodzor ma man Ndo nzi pèc pècèk, Zhiklè ngaya, a gaɗa ka, ar Ndo nzi pèc pècèk a nzala ka bi ngaya te Israel antanta a mèdèp.

I Samuel 15:11

Ndav a dzayè a gèɗ man i feda Saul a bai; aman nengaʼa a nʼngwoday deɓa, a ndzodzor ma ga ɓai. A ndav Samuel a mʼmbeɗ na, a kuɗi a sam Ndo nzi pèc pècèk tʼhwaɗ vaɗ sa tèlèba.

I Samuel 15:35

Te deɓ nengaʼa Samuel a nrka Saul asaɓai, ha a mʼmets na. Aman Samuel a lèyè Saul, te man Ndo nzi pèc pècèk a nhur a gèɗ man a nʼnga Saul a bi Israel.

I Samuel 2:30

A géɗ nengaʼa Ndo nzi pèc pècèk, Zhiklè Israel, a gaɗa: A matsa i gaɗa: Ndohi gi ngaya a ndohi gi bab ngaya sèi ta zhè a sam ga pèc pècèk a mèdèp. Aman antanta Ndo nzi pèc pècèk a gaɗa: Da ga arsa ɓai! Sèi ndo man a sleɓardyè, i ba i slébèrdèʼa. Ndo man a kwolyè, a gédèsh na.