Jérémie 17:9 - Ma Zhiklè

⁹ Ndav ndo, ambaɓi a vata ba, nsun wa? A ngwèdè ndo a fena skwi ngiɗè.

Jérémie 17:9 ပူးပေါင်းရင်းမြစ်များ

Genèse 6:5

Aman Ndo nzi pèc pècèk a rka, ndohi a géɗ herkeda ta gi skwi ambaɓiaʼa a vata, ta hér sèi skwi man ambaɓai te ndav ta pèc pècèk, a nkuɗi te ndav na,

Genèse 8:21

A skwi nʼndaraʼa matsa a mzhkèha Zhiklè, ambaha, a ngod te ndav na: Anai i woy a i phomde herkeda a géɗ ndohai asaɓai. Skwi man ndav ndo a hérèʼa, ambaɓai, daga nyakaɗ na. Anai i woy a i keɗe skwi man a zhè a nshèffè asaɓai, ara man i gu matsa.

II Samuel 11:15

Te ɗèlèwèr a mwindo: Zlatseda Urie a zolom var zuraʼa, a kinè, kin nzi te deɓ nengaʼa; a ta keɗaʼa a ma var.

Psaumes 51:5

I ba i sun mphömè ga, mali ga a zhè a sam di ga pèc pècèk.

Psaumes 64:7

Ta hér ngi malai; a ta nghede skwi man ta woy a ta giaʼa; skwi man ndo a hèrèʼa a ndev ɓai.

Proverbes 28:26

Ndo man a pi ndav a maya na, nrzla; aman ndo man a dè a civèɗ na a maya a mbél na.

Ecclésiaste 9:3

Nasa skwi mwuɗitpa a géɗ herkeda, aman skwi a ga ta ndohi tèlèba lèmèlèmè. Ndav ndohi nʼndha a shèwa. Ndav ta nrzla, a pats nshèffè ta tèlèba. Te deɓ nengaʼa ta dè a va ndohi mʼmetsaʼa.

Esaie 1:5

Sam man ta ndah kinè a pa di ɓai, a za zhi ɗè? Kinè man kin dè a ma ma te shèwa? Gèɗ kinè tèlèba a dzaha kinè; ndav kinè, ntulè keɗaʼa,

Esaie 1:6

a hinè tʼhwaɗ sak a ndè a ndev gèɗ, skwi mbe-laʼa te va asaɓai. Samaʼa murmuraʼa, mblè, sam ncizlaʼa man ta mana ɓai, ta pada ɓai, ta ga madzaf a pa ɓai.

Esaie 6:10

Sassaya ndav ndohi haha, ndèma ta zlembaɗ, ndèma ta dai, a ta rka di ɓai, a ta tsena zlembaɗ ɓai, a ndav tengaʼa a ngècè may a azɓai, ta da menkaɗa deɓa asaɓai, a ta mbél ta azɓai.

Jérémie 16:12

Kinè, kin gu skwi ambaɓiaʼa holholaʼa, a fena babhi kinè. Na haha, staɗ staɗ te ndev kinè a jèjèr ndav nengaʼa man nsassaya, man ambaɓai, a tsena ma ga bai.

Jérémie 7:24

Aman ta gu mèdègèɗ, ta fa zlembaɗ a ma ga ɓai, ta dzodzor ndav tengaʼa man ambaɓai, ta ngwodkay deɓa, ma ka ɓai.

Matthew 13:15

Aman ndav ndohi haha nsassaya, a ta pizlè di ta, aman ta rka di ɓai, aman ta tsena zlembaɗ bai, aman ta sun te ndav bai, a ta woy a ta menkada deɓa a i da mbel ta ɓai.

Matthew 15:19

Te ndav ndo, skwi ambaɓai man a hérèʼa a shkè auda: nked ndo, mphömè, nda ngwoz a nguraʼa ta gi baki a dala, ngi metsar, malwuɗi ncèkèlma, ntsi derngasl.

Marc 2:17

Aman Yèsu a ntsenaʼa, a ngaɗa ta: Ndohi man skwa a dza ta azɓai, ta dè a sam ndo madzaf azɓai, aman ndohi matakwan a ndè. I shkè aman i bèhè ndohi nzuraʼa ka ɓai; i shkè, a i bèhè ndohi malihai.

Romans 1:21

Ta suna, Bi Zhiklè a zhè, aman ta slébèrdè nengaʼa ara Zhiklè azɓai, ta ga na susi azɓai. Gar haha te skwi man ta hérèʼa ta zlak ta, a ndav tengaʼa, man a sun maya ɓai, nʼndha a ruva.

Romans 7:11

Malai man a ngots civèɗ a sam ma nkwèr Zhiklè, a mbeɗyè a hai, a nkeɗyè a ma nengaʼa.

Ephésiens 4:22

Va-suɗda skwi nhalaʼa a hai, a maya nshèffè kinè nhalaʼa, man a gedas na a ri na, a ntétékè ncèkèlma.

Hébreux 3:12

Va-gu maya, dalahimam ga! A woy ndo te ndev kinè ɓai, man ndav na ambaɓai, man a njèkeda ncè-a-ndav, a Bi Zhiklè man a zhè a nshèffe.