Jérémie 17:4 - Ma Zhiklè

⁴ Skwi nʼndi gi ngaya man i va ka asaɓai, a i ge ka a ɓèlè te kokwar man ka sun ɓai, te man ndav ga a vècè ara vogwa man nvatsa a mèdèp.

Jérémie 17:4 ပူးပေါင်းရင်းမြစ်များ

I Rois 9:7

i da zedko Israel auda te kokwar man i va ta, a i kwola gi haha man i baha na a nzlembaɗ ga. A ndohi ngiɗè a géɗ herkeda ta livèʼa, a ta ngwossaha ta ndohi Israel.

II Rois 25:21

A bi Babylone a mbazl ta te Ribla, te herkeda Hamath. Ndohi Juda tèlèba ta hel ta auda te kokwar ta, a ɓèlè. Mʼmetsi Guedalia

Néhémie 9:28

Aman ta nzai ta ma, ta za gu skwi ambaɓiaʼa a sam ngaya zaʼa, a ka jèke ta a ri mayamhi ta man ta zumda ta gèɗ. Te deɓaʼa ta kuɗi a sam ngaya zaʼa, a ka, ka tsena te zhiklè te géɗèʼa. A géɗ man ta se ka te va, ka mbel ta sak kumba.

Esaie 14:3

Aman Ndo nzi pèc pècèk a da va ka nshèk va te skwi ngaya mwuɗitpa, te matakwan ngaya, a géɗ mizlinè ɓèl ngaya man wuɗitpa man ta ga ka matakwan ɓèlè a vna.

Esaie 30:33

Ta laɓa vogwa klèng ma, ta ngela a ta ɓica shègwa kumba, a vogwa a gi a vata. Aman Ndo nzi pèc pècèk a ftèʼa, a vècè vogwa a zlèzlèmèʼa.

Esaie 5:25

ndav a ndza na Ndo nzi pèc pècèk worworaʼa a gèɗ ndohi nengaʼa. A ngeda ri a géɗ tengaʼa, a mbazl ta. Za a gudzai. Nckondohi tengaʼa ta mana a civèɗ ara koskosai. A Ndo nzi pèc pècèk a gi ndav a géɗ ndohi na genè, a ngeda ri na dai.

Esaie 50:11

Na haha kin tèlèba, man kin vècè vog-wa, a skwi ntiv vogwa te rai, vo-do a ndev nèʼèn vogwa kinè, a va vogwa man kin tivèʼa! Skwi haha ri ga a nga kinè, a kin da si matakwan.

Esaie 66:24

Ta dè auda, a ta rka nckondo ndohai man ta kwolyè. Meturɗi te va tengaʼa a metsi azɓai, a vogwa a sam tengaʼa a mbècè azɓai, a ta ndara ta ndohi tèlèba.

Jérémie 12:7

I jèkeda ndohi gi Israel, i kwola skwi nʼndi gi ga, i pa ta nshib ga a ri a mayamhi na.

Jérémie 15:14

A ka gi a ɓèl ndohi mayamhi ngaya te kokwar man ka sun ɓai, te man ndav ga nvatsa ara vogwa, a nde kinè a ma.

Jérémie 16:13

Gar haha i woya a i dzam kinè auda te kokwar haha, a kokwar ngidè, man kin sun bai, kinè a babhi kinè. Te pa sèi kin gi mizlinè zhiklèhi ngidè tsaɗ, a pats ba a vad ba. Aman kin da siyè te va asabai.

Jérémie 18:23

Aman ka, Ndo nzi pèc pècèk, ka sun skwi man ta hérèʼa; ta woy a ta kedyè. Ka pra ta mali tenga ɓai, mali tengaʼa da nza a sam di ngaya! Ka manda ndav ngaya a hi a géɗ tenga ɓai, ha pats man ka rufa ndzoan ngaya a sam ta!

Jérémie 2:14

Israel ɓèl dè, ndo mizlinè dè? Ngedassa, a ta fa na vogwa a kokwar, èhèmè?

Jérémie 21:12

Ndohi gi David, Ndo nzi pèc pècèk a goɗ ar haha: Va-gu kita a prèk langa, va-mbela ndo man ndo ambaɓiaʼa a nga na wuɗai, auda te ri nengaʼa; man ɓai ndzoan ga a shkè auda ara vogwa, a da ndeda skwi a ma, ndo mʼmbècè azɓai, a géɗ maya kinè man ambaɓai.

Jérémie 22:28

Jeconia, ndo haha, shidèf ambaɓiaʼa, mbazlaʼa dè? Shidèf man ta kwola dè? Ta kwol ta èhèmè, nengaʼa a ndohi te verzi nengaʼa? Ta wushede ta a herkeda man ta sun ɓi èhèmè?

Jérémie 5:19

Aman kin da gaɗa: Ndo nzi pèc pècèk, Zhiklè nga, a ga nga skwi aranta tèlèba èhèmè? I gaɗa kinè: Ara man kin jèkyè, a kin dzodzor zhiklèhi mbèh skwai te kokwar kinè, lèmèlèmè kin da gi mizlinè ndohi ngiɗè man verzi ta tsaɗ, te kokwar man kokwar kinè ka ɓai.

Jérémie 5:29

I gi ndzoan a pa azɓi ɗè? I ga ta kita a ndohi ar haha, a ta pil gèɗ, azɓi dè? Ndo nzi pèc pècèk a gaɗa.

Jérémie 7:20

Gar haha Bi Zhiklè Ndo nzi pèc pècèk a goɗ ar haha: I gi ndzoan ga mbiaʼa a géɗ sam haha, a géɗ ndohai, a géɗ skwi kuɗom, a géɗ wof te dak, a géɗ skwi man a ftskaɗauda tʼher-keɗa, ndzoan worworaʼa man a mbècè azɓai.

Lamentations de Jérémie 1:12

Kin tèlèba man kin bizhè a pa, va-wora, va-pu dai! Skwi ndzi ngiɗè ara skwi man a dzayè, man Ndo nzi pèc pècèk a ngezyè a vna, a pats ndzoan nengaʼa, a zhi dè?

Lamentations de Jérémie 5:2

Ndohi man verzi ta tsaɗ ta ngots skwi nʼndi gi nga. Ndohi kokwar ngiɗè ta ndau gi nga.

Ezéchiel 21:31

Bi Zhiklè a goɗ ar haha: Feda mpèɗè gèɗ a hai, ce na mpèɗè gèɗ auda te gèɗ! Skwa da nza a gèɗ bai! Skwi tʼhai do do a géɗèʼa! Skwi nte géɗèʼa da shkè a hai, a i woy a i mbeda kokwar, i mbeda mʼmbedè.

Ezéchiel 7:24

I da baha ta te va kokwar-bihi man ta ambaɓi holholaʼa, a ta düm gihi ta. I da gedassa nfi va ndohi wuɗai, a i phomde sam mvi skwi a Zhiklè ta.

Deutéronome 28:25

Ndo nzi pèc pècèk a gi a ndohi mayamhi ngaya ta gi ngul ngaya. Kin dè a sam ta, te civèɗ staɗ, kin da hi auda a sam ta a kin venda gèɗ tèlèba, a kokwar-bihi herkeda tèlèba ta gi hori a géɗ ngaya.