Jérémie 17:3 - Ma Zhiklè

³ A géɗ mali ngaya te kokwar ngaya tèlèba, ta da hil skwi mèshèlè ngaya, suli ngaya tèlèba, a metsar.

Jérémie 17:3 ပူးပေါင်းရင်းမြစ်များ

II Rois 24:13

A nhelda skwi mèshèlè te gi Ndo nzi pèc pècèk ba, a skwi mèshèlè te gi bi ba, tèlèba a ma, kolongwi guro man Salomon, bi Israel, a gau, te gi Ndo nzi pèc pècèk, a mbazla tèlèba, lèmèlèmè ara Ndo nzi pèc pècèk a nhodko ma.

Psaumes 78:58

A maya mbèh skwi tengaʼa ta gu a ndav a ndza na, a vrihi tengaʼa ta poko na gèɗ ndav auda a Bi Zhiklè.

Esaie 27:9

Mali Jacob mpela a vna, mali nengaʼa mpraʼa arante: a da kerɗa kwa mblom ara dadangwos; kwa nzlatseda azɓai, ta slèmbèɗdè vri azɓai.

Jérémie 12:12

A géɗ za tʼhèshèkèɗ tèlèba, ndohi metsarhi ta zhè. Ndo nzi pèc pècèk a gidè tsakwal te rai, a bèzlè ndohi te verzi herkeda ngiɗè, a kèlè man a verzi herkeda ngiɗè. Ndohi tèlèba ta nzi a gumi azɓai.

Jérémie 15:13

Suli ngaya a skwi mèshèlè ngaya, i va ta ndohi ngiɗè, ambalai, a géɗ mali ngaya tèlèba man ta gu te kokwar ngaya.

Jérémie 20:5

Kolongwi kokwar haha a skwi man ta ngotso tèlèba, skwi tengaʼa mbelaʼa tèlèba, skwi mèshèlè bihi Juda, i pe ta a ri mayamhi ta. Ta da gi metsar skwi ta, a ta heldama a kokwar Babylone.

Jérémie 21:13

Anai i zhè a sam ngaya ma, kokwar a vara — a geɗ pra man a vara — Ndo nzi pèc pècèk a gaɗa. Kinè man kin gaɗa: Nshkè a nda kala nga a va wa? Nda shkè a gi nga ndakmaʼa ma wa?

Jérémie 26:18

Michée te Morésheth a nhodko ma te va man Ezéchias, bi Juda, a ngaɗa ta ndohi Juda tèlèba: Zhiklè bi mbiaʼa a gaɗa: Sion a da ndi a dak man ta pizhè te pa, a Jérusalem a di a mbeɗ na. Za gi Zhiklè a da ndi a hèshèkèɗ.

Lamentations de Jérémie 1:10

Ndo mayam a ntorko ri a va skwi mbelaʼa te Jérusalem tèlèba, Jérusalem a nrkaʼa ara man ndohi nte deɓa to do a gi nenga nkezlaʼa, man ka fa ta ma a gèɗ: do do a va mpi ndohi nengaʼa ɓai!

Ezéchiel 16:39

I va ka a ri a tengaʼa, a ta da mbeda sam mʼmbèh skwi ngaya a géɗ za; ta da suɗama ka maslaka ngaya auda a va, a ta helama ka skwi va ngaya auda a va, a ta jèke ka a pa adai, skwa az a va bai.

Ezéchiel 23:46

Aman Bi Zhiklè a ngaɗa: Da ɓica ta mpi ndohai a gèɗ! Da pa ta zlau a gèɗ, da cèma ta skwi ta!

Ezéchiel 6:3

Ka gaɗa: Zahi Israel, va-tsena ma Bi Zhiklè Ndo nzi pèc pècèk! Bi Zhiklè Ndo nzi pèc pècèk a goɗ a géɗ zahi a ngègèɗhi a slratshi a nkulgodokihi ar haha: Na haha i da zlindè tsakwal a sam kinè, a i gedassa sam mvi skwi a Zhiklè kinè a géɗ za.

Lèv. 26:30

A i da gedassa sam mvi skwi a zhiklèhi kinè a géɗ za, a zhiklè mbèh skwi pats. A nckondo kinè i tsamda a va skwi mʼmbèh skwi kinè, a zhkèhayè ambaɓai.

Michée 3:12

A géɗ kinè, Sion a da ndi a gi dau man ta pizhè te pa. Jérusalem a di a da mbéɗ na, a za man gi Zhiklè te pa, a da ndi a sam nhèyè-wof.

Sophonie 1:13

Skwi mèshèlè tengaʼa, metsar a da hilèʼa; gi tengaʼa a gi a dikai; ta da rèm gai, am an ta nzi a pa azɓai; ta da gi gi lak, aman ta si iyam nyi wof nenga azɓai.