Jérémie 17:21 - Ma Zhiklè

²¹ Ndo nzi pèc pècèk a goɗ ar haha: Va-gu maya nshèffè kinè, kin zuɓ skwi a gèɗ a pats nshèk va ɓai, kin shkè a vna a ntamagi Jérusalem ɓai!

Jérémie 17:21 ပူးပေါင်းရင်းမြစ်များ

Exode 20:8

Hur pats nshèk va, aman ka kezlaʼa, a ka slébèrdèʼa.

Proverbes 4:23

A géɗ skwi tèlèba, ɓüro ndav ngaya, a nshèffè mbelaʼa a shkè auda te pa!

Esaie 56:2

Mwuffè a sam ndo man a gi arsa, a sam ndo man a gshè va a vna, aman a gi maya, a derɗa pats nshèk va azɓai, a ɓer ri nengaʼa, aman a gi skwi ambaɓiaʼa azɓai.

Esaie 58:13

Aman ka shèk sak ngaya a ka dè gani azɓai a pats nshèk va ga, man i kezlaʼa; aman ka wuffè a gèɗ pats nshèk va Zhiklè, a ka slébèrdè pats man Ndo nzi pèc pècèk a nkezlaʼa ara pats mbiaʼa, ka da gi skwi ara man ka woyaʼa azɓai, a ka da gi gani ngaya azɓai, ka tsi tsaval ambalai azɓai,

Marc 4:24

A ngaɗa ta a vaʼa: Va-gu maya a géɗ skwi man kin tsenaʼa. Ta liva kinè a skwi man kin livè a vna, a ta pa kinè a vaʼa.

Luke 8:18

Va-gu maya maya ara man kin tsenaʼa! Aman a ndo man a ngots skwai, ta da va na a vaʼa. A ndo man a ngatsa skwa ɓai, ta da cèma na skwi ba man a huro, a nʼngotso.

Actes 20:28

Anai sèi kin gi maya a géɗ va kinè, a géɗ rèwè tèlèba, te ndev tengaʼa Mèzhèɓ Zhiklè nkezlaʼa a nʼnge kinè a ndohi nwar ta, aman kin wèr mpi ndohi Zhiklè, man a sumkaɗa deɓa a Pombaz va nengaʼa.

Deutéronome 11:16

Va-gu maya, ndav kinè da pe kinè a wi ɓai, a kin jèkeda Ndo nzi pèc pècèk a kin dzodzor zhiklèhi ngidè tsaɗ ɓai, a kin tsu ri a tengaʼa ɓai!

Deutéronome 4:15

Va-gu maya a gèɗ nshèffè kinè! Kin rka ndo ɓai, kin tsena man a gaɗka kinè genè, a pats man Ndo nzi pèc pècèk a ngaɗa kinè a der za Horeb, te va vogwa.

Deutéronome 4:23

Va-gu maya nderzlè-ma Ndo nzi pèc pècèk, Zhiklè kinè, man a derzla ma a nda kinè, da pca kinè a gèɗ ɓai! Kin gu skwi ngidè ara Zhiklè ɓai, kin gu mèzhèɓ skwi ɓai, man Ndo nzi pèc pècèk, Zhiklè kinè, a ngaɗa kinè: kin da gu ɓai!

Deutéronome 4:9

Aman vo-huro, va-gu maya, a gèɗ nshèffè kinè! Skwi man kin rkaʼa, da pca kinè a gèɗ ɓai, da shkè auda te gèɗ kinè ɓai, a pats nshèffè kinè tèièba. Kin njè ta wudahi kinè, a wud wudahi kinè.

Josué 23:11

Gar haha va-gu maya a géɗ va kinè, va-woy Ndo nzi pèc pècèk, Zhiklè kinè, aman kin mbel nshèffè kinè.