Jérémie 17:10 - Ma Zhiklè

¹⁰ Iyè Ndo nzi pèc pècèk, i jkeda ndav ndo, i wuzhèʼa tʼhwaɗaʼa, a i va na a ndo staɗ staɗ ara skwi man a giaʼa, a skwi man a nʼngots te pa.

Jérémie 17:10 ပူးပေါင်းရင်းမြစ်များ

I Rois 8:39

ka da tsenaʼa te zhiklè te géɗèʼa, a sam nʼnzi ngaya, a ka pra ta malai, a ka ga na a ndo staɗ staɗ tèlèba ara skwi nengaʼa man a gau. Aman ka staɗgenè ka sun ndav ndohi tèlèba.

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

I Chroniques 29:17

I suna, Zhiklè ga, ka jkeda ndav ndo; skwi nzuraʼa ambaha ka. Skwi haha tèlèba i va ka a ndav nzuraʼa, a i wuffè, aman i rka ndohi ngaya man ta ɓica va haha, a ta va ka skwi a ndav tèlèba.

II Chroniques 6:30

ka da tsenaʼa te zhiklè te géɗèʼa, a sam nʼnzi ngaya, a ka pra ta malai a ka ga na a ndo staɗ staɗ tèlèba ara skwi nengaʼa man a gau. Aman ka stadgenè ka sun ndav ndohi tèlèba.

Job 34:11

Zhiklè a pela na ndo ara skwi man a gau, a gi a sam na ara maya nshèffè na.

Psaumes 44:21

Man agassa Zhiklè nga a pca nga a gèɗ, a nga tsi ri azhiklèhi ngiɗè tsaɗ,

Psaumes 44:22

ar Bi Zhiklè a sun ɓi dè? Nengaʼa a sun skwi man nʼngheda te ndav.

Psaumes 62:12

Bi Zhiklè a goɗ sak staɗ, i tsena sak cèw aranta: Sèi Bi Zhiklè staɗ a nʼngots wuɗai.

Psaumes 7:10

Ndeva shèwa ndohi ambabihiaʼa, nzala ndo nzuraʼa! Ka, ka wèr ndo kala hwada ba, Zhiklè nzuraʼa.

Psaumes 7:9

Ndo nzi pèc pècèk a gi kita ndohi herkeda. Ndo nzi pèc pècèk, bozl kita a géɗ ngi-zura ga, a géɗ man i ga skwa ɓai.

Proverbes 12:14

A géɗ ma man ndo a gèɗèʼa, a ngé-zhè a skwi man amba. Ko wawa a ngècè skwi ntul na te di skwi man ri nengaʼa a gau.

Proverbes 17:3

Ara gezla a wèsl züdo a guro, lèmèlèmè arsa Ndo nzi pèc pècèk a jkeda ndav ndohai.

Ecclésiaste 9:3

Nasa skwi mwuɗitpa a géɗ herkeda, aman skwi a ga ta ndohi tèlèba lèmèlèmè. Ndav ndohi nʼndha a shèwa. Ndav ta nrzla, a pats nshèffè ta tèlèba. Te deɓ nengaʼa ta dè a va ndohi mʼmetsaʼa.

Esaie 59:18

A pil skwi staɗ staɗ ara man ndohi ta gau: shèwa a ndohi shèwa na; wuɗai lèmèlèmè ara mayamhi nengaʼa ta ga na. A pil skwi a herkeda nte ndev iyam.

Jérémie 11:20

Zhiklè bi mbiaʼa a gi kita nzuraʼa, a jkeda maya ndo tʼhwaɗaʼa. Adi, di ga a rkaʼa, aman ta da pilèʼa. Aman i jèka ka ma ga a ri a ka.

Jérémie 12:13

Ta zleku dau, ta tsi nkuɗdzarai. Ta ngeza a mizlinè, skwi man ta ɓica a pa, a pa ta hori a dai, a géɗ Ndo nzi pèc pècèk man a gi ndav worworaʼa.

Jérémie 20:12

Zhiklè bi mbiaʼa a jkede ta ndohi nzuraʼa, a war ndo tʼhwaɗaʼa. I da rka ara man ta pil gèɗ dai. Aman i va ka ma ga a ri a ka.

Jérémie 21:14

I da ga kinè ara skwi man ambaɓai man kin gau, Ndo nzi pèc pècèk a gaɗa; i da fa na vogwa a sam nhèyè-wof kinè, a da ndeda sam a tsagiaʼa tèlèba a ma.

Jérémie 23:2

Gar haha Ndo nzi pèc pècèk, Zhiklè Israel, a goɗ a géɗ ndohi mɓer ndohi Zhiklè, man ta wèr ndohi ga: Kin ksar ta ndohi ga, kin dzam ta, kin war ta bai. Na haha i gi kita a géɗ kinè, a géɗ maya man ambaɓai man kin gau, Ndo nzi pèc pècèk a gaɗa.

Jérémie 32:19

Ka sun maya kumba, ka gi skwi a wuɗai, di ngaya mwinèa a géɗ civèɗ ndohi Tʼherkeda tèlèba. Aman ka va na staɗ staɗ tèlèba ara mizlinè na, ara skwi nengaʼa man a gau.

Ezéchiel 11:5

Mèzhèɓ Ndo nzi pèc pècèk a mshkè a géɗ ga, a ngaɗayè: Goɗo, Ndo nzi pèc pècèk a goɗ ar haha: Kin ndohi Israel, kin goɗ kata kata. Skwi man a shkè auda te ndav kinè, i suna.

Ezéchiel 14:5

A i da mbeɗama ta ndav a ndohi Israel, tengaʼa man ta jèkyè, a gèɗ vri tengaʼa kumba.

Michée 7:13

A herkeda a da ndi na a hèshèkèɗ, a géɗ skwi man ambaɓai man ndohi nengaʼa ta gau.

Matthew 16:27

Kra-ndo a di a shkè a nʼnjèl Bab na, a nda golahi nengaʼa. Te deɓaʼa a da va na ndo staɗ staɗ tèlèba te di skwi man a gau.

Matthew 6:4

A woy skwi man ka viaʼa, nʼnghedaʼa; a Bab ngaya man a rka a sam nʼnghedaʼa, a da menda ka a deɓa.

Jean 2:25

Ko ndo ngiɗè a nʼngra na ɓai, a sun skwi man a zhè te ndav ndo.

Actes 1:24

A ta tsu rai: Bi Zhiklè, ka sun ndav ndohi tèlèba; ngreda nga ndo te ndev ndohi ncèwa haha,

Romans 6:21

Skwi mar antanta kin gi hori a géɗèʼa. Aman nʼndikèma nengaʼa, mʼmetsai.

Romans 8:27

Aman Zhiklè man a wuzhè ndav ndo, a sun skwi man Mèzhèɓ Zhiklè a woyaʼa, te man nengaʼa a nza ta a deɓa a ndohi nkezlaʼa, ara man Zhiklè a woyaʼa.

Apocalypse 2:23

A i woya man i bazl ta wudahi ta. A mpi ndohi Zhiklè tèlèba sèi da suna, iyè man i wuzhè ndav, kala nguzgoz ba, a i va na a ndo staɗ staɗ te ndev kinè ara mizlinè na.

Apocalypse 20:12

A i rka ndohi mʼmetsaʼa, mbibihiaʼa ba a nkèshèhia ba, ta zlatsa a sam nʼnzi bai. A ta winè ɗèlèwèrhi a pa. Ɗèlèwèr ngiɗè, man ta winèʼa, nengaʼa ɗèlèwèr nshèffè; a ta ga ta kita a géɗ ndohi mʼmetsaʼa a géɗ skwi man ta gau, mwindèʼa te ɗèlèwèr-hai.

Apocalypse 22:12

Na haha, i shkè a deɓa ndul ndul, a skwi ntul kinè te rai, aman i va na a ndo staɗ staɗ ara skwi nengaʼa man a gau.

I Samuel 16:7

Aman Ndo nzi pèc pècèk a ngaɗa na Samuel: Ndo da ga ka di ɗokɗoka ɓai! Ka hur a géɗ ndo ngurèa ɓai! I woy nengaʼa ɓai. Zhiklè a woy ndo te di azɓai, ara man ndohi ta woyaʼa. Ndohi ta woy ndo te dai; aman Zhiklè a pi di a ndav.