Jérémie 16:7 - Ma Zhiklè

⁷ Ndo a da ti ɗaf a sam kuɗa azɓai, aman a ndè bidè ndo a vna, a géɗ ndo nengaʼa, man a mʼmets na. Ndo a da va ta cil zom, a bid ta a vna, azɓai, ko man bab na a mʼmets na, ko mam na.

Jérémie 16:7 ပူးပေါင်းရင်းမြစ်များ

Job 42:11

A kramamhi nengaʼa tèlèba a demamhi nengaʼa tèlèba a gwoli na halaʼa tèlèba ta shkè a sam na, a ta ndau skwi te gi na. Ta ga na cèka, a ta bidèʼa a géɗ matakwan tèlèba man Ndo nzi pèc pècèk a nzlündoko na. Staɗ staɗ tèlèba ta va na sulai a tèslri guro.

Ecclésiaste 4:1

A i rka a géɗ herkeda zaʼa, ara man ndo mbiaʼa a ga na matakwan a ndo nkèshèʼa. I rka kuɗa a di mbelawahai, ndo mbid ta azɓai. Ndo nʼnga ta matakwan a gi a wuɗai, ndo mbid ta azɓai.

Jérémie 22:10

Kin kuɗau a géɗ ndo mʼmetsa ɓai, kin loyo nengaʼa ɓai! Aman va-kuɗau a géɗ nengaʼa man kal na, a da shkè a deɓa asaɓai, a da rka kokwar bab na te deɓaʼa asaɓai.

Lamentations de Jérémie 1:9

Derɗa ntotpa a maslaka na, a mhur nʼndikè-ma nengaʼa ɓai, a nkalahi a vata, ndo mbidèʼa azɓai. Ndo nzi pèc pècèk, wor matakwan ga, aman ndo mayam a fi va!

Ezéchiel 24:17

Ɗüsh te ndav genè! Ka tsu nguzlah bai! Paɗa gèɗ ngaya, feda kotokoroh a sak, ka paɗda bozozom a pa bai, a ka ndau ɗaf sam kuɗa, man ta ckoɗa a sam kuɗa ɓai!

Osée 9:4

Te deɓaʼa ta da va na skwi nsi a Ndo nzi pèc pècèk azɓai, ta da zla na skwi azɓai. Movar man ta ndiaʼa ta lèyè a géɗèʼa. Tèlè man ta ndiaʼa, a lizhèma ta ndav. Movar tengaʼa a ngeza ta a hwaɗ ta genè, aman ta vi a gi Ndo nzi pèc pècèk azɓai.

Deutéronome 26:14

I ndaha te va skwi haha te nlèyè ɓai, i helaha a i lizha va ga a vna ɓai, i tsaka skwi ɓai a sam kuɗa. I fu gèɗ a ma Ndo nzi pèc pècèk, Zhiklè ga, a i gau ara man a njèyè a gèɗ tèlèba.