Jérémie 16:4 - Ma Zhiklè

⁴ Sèi gidiɓèr da hel ta ma, ndo nda kuɗ ta, ndo nda re ta azɓai. Sèi ta ndi a mogoɓa te gi dau. Tsakwal a da bazl ta, mi a da bazl ta, a ɗiakihai a skwi dak ta da nde ta ma.

Jérémie 16:4 ပူးပေါင်းရင်းမြစ်များ

II Rois 9:10

Kdadihi Jézabel ta da ndi Jézabel te dak Jizreel, ndo a da rda a vèvèɗ azɓai. Te deɓaʼa a mwina ntamagai, a mwuc na.

Psaumes 78:64

Ndohi mvi skwi a Zhiklè tengaʼa tabazl ta a tsakwal, a ngwozi mazihi tengaʼa ta slaha ta kuɗ ta ɓai.

Psaumes 83:10

Ga ta skwi lèmèlèmè ara a sam ndohi Madian, a Sisera, a Jabin a ma woyam Kison!

Esaie 18:6

I jèke ta a ri paramagerzihai a skwi dak tè-lèba, ko ngwar, ko via, ta nzi a pa.

Esaie 5:25

ndav a ndza na Ndo nzi pèc pècèk worworaʼa a gèɗ ndohi nengaʼa. A ngeda ri a géɗ tengaʼa, a mbazl ta. Za a gudzai. Nckondohi tengaʼa ta mana a civèɗ ara koskosai. A Ndo nzi pèc pècèk a gi ndav a géɗ ndohi na genè, a ngeda ri na dai.

Jérémie 19:7

I da ndeva maya Juda a Jérusalem a sam haha, a ta bazl ta a tsakwal a sam mayamhi ta, a ri ndohi man ta woy a ta zeda nshèffè ta. Nckondohi tengaʼa, i pa ta a ɗiakihai a skwi dak a ta ndiaʼa.

Jérémie 21:6

a i da tsi ndohi kokwar haha, a gidiɓèr a da hel ta ndohai a skwi gai a ma.

Jérémie 25:33

Ndo nzi pèc pècèk a da bazl ta ndohai a pats nasa, a hinè te verzi herkeda ngiɗè, a ndè a verzi herkeda ngiɗè. Ta kuɗi a géɗ tengaʼa azɓai, ta hel ta azɓai, ta re ta a vèvèɗ azɓai, ta da gi a ndaderɗa herkeda.

Jérémie 34:17

Gar haha Ndo nzi pèc pècèk a gaɗa: Kin woy a kin pre ta kramamhi kinè ɓai, ngiɗè a ngiɗè a nslamagi ta; kin tsena ma ga ɓai. Gar haha i pra kinè tsakwal a gidiɓèr a mai a va kinè, Ndo nzi pèc pècèk a gaɗa. I da gi a kin ndara ta kokwar-bihi tʼherkeda tèlèba, a ta rzl ta a pa.

Jérémie 34:20

I da pe ta a ri ndohi mayamhi ta, a ri tengaʼa man ta woy a ta zeda nshèffè ta. Nckondo tengaʼa, ɗiakihai a skwi dak ta da ndiaʼa.

Jérémie 36:30

Gar haha Ndo nzi pèc pècèk a goɗ a géɗ Jojakim, bi Juda: Ndo te verzi nengaʼa da nza a gèɗ sam nʼnzi bi David ɓai! Nckondo nengaʼa sèi ta kalda a dala, a pats a dza na a pa, a vaɗ a nʼnga na a gèɗ a pa.

Jérémie 44:12

I hil njèkèdi Juda, tengaʼa man ta pu di a kokwar Egypte, aman ta dè a pa, a ta nzi a pa, a ta da zi ta tèlèba. Ta da zi ta te kokwar Egypte, a tsakwal, a mai, nkèshèa a mbiaʼa, ta da bazl ta a tsakwal, a mai, ta gedas ta, ta lèyè, ta ga a skwi mphomdaʼa, a skwi horai.

Jérémie 44:27

lyè i da war ta; i da ga ta matakwan, skwi mbelaʼa ka ɓai. Ta da zi ta, ndohi Juda tèlèba, man ta zhè te kokwar Egypte, a tsakwal, a mai, ha ta ndiv ta.

Jérémie 7:33

Ɗiakihai a skwi dak ta ndeda nckondo ndohi haha a ma, a ndo a dzam ta auda a pa azɓai.

Jérémie 9:22

Goɗa! Ndo nzi pèc pè-cèk a gaɗa: Nckondohi ta zhè zlerzleraʼa ara ksof, ara bak pandar te deɓ ndo ntsi dau, man ndo a ɓicè azɓai.

Lamentations de Jérémie 4:9

Dara ndohi man ta bazl ta a tsakwal, a géɗ man mi a mbazl ta, man ta tiɗ ta a mai, a ta bazl ta a géɗ man skwi nʼndi azɓai.

Ezéchiel 24:21

Gada ta ndohi Israel: Bi Zhiklè a goɗ ar haha: Na haha, i da ngwoda sam ga nkezlaʼa, a nʼngwode na a sam ambaɓiaʼa – sam mbelaʼa, man kin fu va a vna, man di kinè a wuffè a gèɗ nengaʼa, a mpataka nengaʼa a keɗ kinè. Njèkèdi wudahi a dalahi kinè ta da bazl ta a tsakwal.

Ezéchiel 5:12

Ndohi ngaya i kezla makar; ngiɗè gidiɓèr a da hel ta ma, man ɓai ta da tiɗ ta a mai; ngiɗè ta bèzl ta a tsakwal; ngiɗè i da wushede ta a ma kozlar, a tsakwal a dzadzar ta.

Sophonie 1:17

I da pra ta zlau a va ndohai a ta dè ara mandazlihai, a géɗ man ta gu malai a sam Ndo nzi pèc pècèk. Pombaz tengaʼa mbada tʼhai ara skwi ambalai, zluèɗ va tengaʼa ara zai.

Deutéronome 28:22

Ndo nzi pèc pècèk a da bazl kinè, lamba man a nde kinè, a pa kinè vogwa a va, a hezi kinè a hai, vogwa a va worworaʼa, halala a ngwoda dau a ma, sawara a gurdzo ta jèke ka azɓai, ha ka zi ngaya.

Deutéronome 28:26

Nckondohi kinè, ɗiakihi tʼhwaɗ giɗfèk a skwi dak ta ndiaʼa, ndo a dzam ta auda a géɗèʼa azɓai.