Jérémie 16:13 - Ma Zhiklè

¹³ Gar haha i woya a i dzam kinè auda te kokwar haha, a kokwar ngidè, man kin sun bai, kinè a babhi kinè. Te pa sèi kin gi mizlinè zhiklèhi ngidè tsaɗ, a pats ba a vad ba. Aman kin da siyè te va asabai.

Jérémie 16:13 ပူးပေါင်းရင်းမြစ်များ

II Rois 25:21

A bi Babylone a mbazl ta te Ribla, te herkeda Hamath. Ndohi Juda tèlèba ta hel ta auda te kokwar ta, a ɓèlè. Mʼmetsi Guedalia

II Chroniques 7:20

i da zede kinè auda te kokwar ga man i va kinè, a gi haha man i baha na a nzlembaɗ ga, i kwolaʼa, a ndohi herkeda tèlèba ta livèʼa a ta ngala na gèɗ.

Psaumes 81:12

Aman ndohi ga ta tsena ma ga bai, Israel a nfa gèɗ a ma ga bai.

Jérémie 10:18

Aman Ndo nzi pèc pècèk a gaɗa: Na haha, i wusheda ndohi auda te kokwar, a i da gats ta tèlèba.

Jérémie 14:8

Ka man ndohi Israel ta zhèr ka. Ka man ka mbel ta a pats matakwan. Ka ara ndo mbrok te kokwar, ara ndo nshèwèlè man a dè a gi sèi a vad èhèmè;

Jérémie 15:1

Ndo nzi pèc pècèk a ngaɗayè: Ko man nda Moise a Samuel ta shkè a sam ga, ndohi haha ta siyè te va azɓai. Dzam ta auda a sam ga, do do ta!

Jérémie 15:14

A ka gi a ɓèl ndohi mayamhi ngaya te kokwar man ka sun ɓai, te man ndav ga nvatsa ara vogwa, a nde kinè a ma.

Jérémie 15:4

Aranta i da ga ta matakwan man kokwar-bihi tèlèba a géɗ herkeda ta gi zlau te riaʼa; a géɗ skwi tèlèba man Manassé, kra Ezéchias, bi Juda, a gu te Jérusalem.

Jérémie 16:5

Aman Ndo nzi pèc pècèk a gaɗa: Ko do a gi man ta gi ngolala te pa ɓai! Ko do a sam kuɗ ta ɓai! Aman i ceda gumi ga a pombi ga auda a sam ndohi haha, ta siyè te va asaɓai.

Jérémie 17:4

Skwi nʼndi gi ngaya man i va ka asaɓai, a i ge ka a ɓèlè te kokwar man ka sun ɓai, te man ndav ga a vècè ara vogwa man nvatsa a mèdèp.

Jérémie 22:26

Te deɓaʼa i da wushede kinè, a nda mam ngaya nyaka ka, a herkeda ngiɗè, man kin ya a pa ka ɓai, kin da metsi a pa.

Jérémie 22:28

Jeconia, ndo haha, shidèf ambaɓiaʼa, mbazlaʼa dè? Shidèf man ta kwola dè? Ta kwol ta èhèmè, nengaʼa a ndohi te verzi nengaʼa? Ta wushede ta a herkeda man ta sun ɓi èhèmè?

Jérémie 5:19

Aman kin da gaɗa: Ndo nzi pèc pècèk, Zhiklè nga, a ga nga skwi aranta tèlèba èhèmè? I gaɗa kinè: Ara man kin jèkyè, a kin dzodzor zhiklèhi mbèh skwai te kokwar kinè, lèmèlèmè kin da gi mizlinè ndohi ngiɗè man verzi ta tsaɗ, te kokwar man kokwar kinè ka ɓai.

Jérémie 6:15

A woy ta gi hori a géɗ skwi man ta gau, skwi man ambaɓai; aman ta sun hori ɓai, hori a keɗ ta azɓai. Gar haha ta kèlèhai a nda ndohi ngiɗè man ta kèlèhai. A pats man i da gi kita ta, ta da kèlèhai, Ndo nzi pèc pècèk a gaɗa.

Deutéronome 28:36

Ndo nzi pèc pècèk a da zlinde ka, kinè a bi ngaya man ka da fu a gèɗ ngaya, a sam ndohi herkeda man ko ka, ko babhi ngaya, kin sen ta ɓai. Te pa ka da tsi ri a zhiklèhi ngidè, ngaʼa a wof a kwa.

Deutéronome 29:28

ma rnphomdaʼa man a Windo te ɗèlèwèr haha tèlèba. Ndo nzi pèc pècèk a ndzam ta auda te kokwar a ndav, a ndzoan, a shèwa mbiaʼa, a wushede ta a kokwar ngidè ara man kin rka a patsna.