Jérémie 16:12 - Ma Zhiklè

¹² Kinè, kin gu skwi ambaɓiaʼa holholaʼa, a fena babhi kinè. Na haha, staɗ staɗ te ndev kinè a jèjèr ndav nengaʼa man nsassaya, man ambaɓai, a tsena ma ga bai.

Jérémie 16:12 ပူးပေါင်းရင်းမြစ်များ

Genèse 6:5

Aman Ndo nzi pèc pècèk a rka, ndohi a géɗ herkeda ta gi skwi ambaɓiaʼa a vata, ta hér sèi skwi man ambaɓai te ndav ta pèc pècèk, a nkuɗi te ndav na,

Genèse 8:21

A skwi nʼndaraʼa matsa a mzhkèha Zhiklè, ambaha, a ngod te ndav na: Anai i woy a i phomde herkeda a géɗ ndohai asaɓai. Skwi man ndav ndo a hérèʼa, ambaɓai, daga nyakaɗ na. Anai i woy a i keɗe skwi man a zhè a nshèffè asaɓai, ara man i gu matsa.

Ecclésiaste 8:12

Ndo malai a gi mali kumba kumba, a nzi a nshèffè genè. Aman i suna, tengaʼa man ta gi zlau Zhiklè ta da nzi amba, a géɗ man ta gi zlauaʼa.

Ecclésiaste 9:3

Nasa skwi mwuɗitpa a géɗ herkeda, aman skwi a ga ta ndohi tèlèba lèmèlèmè. Ndav ndohi nʼndha a shèwa. Ndav ta nrzla, a pats nshèffè ta tèlèba. Te deɓ nengaʼa ta dè a va ndohi mʼmetsaʼa.

Jérémie 13:10

Ndohi ambaɓihiaʼa haha, man ta woy a ta tsena ma ga ɓai, ndohi man ta jèjèr ndav tengaʼa man nsassay a, a ta jèjèr zhiklèhi ngiɗè tsaɗ, a ta tsi ri a tengaʼa, a ta gurɓahi a sam tengaʼa, ta da ndi arsa lèmèlèmè ara skwi deɓ haha man amba a ta gi skwa a vna asaɓai.

Jérémie 17:9

Ndav ndo, ambaɓi a vata ba, nsun wa? A ngwèdè ndo a fena skwi ngiɗè.

Jérémie 18:12

Aman ta da gaɗa: Nga geda matakwan a va ambalai. Aʼai, nga woya nga jèjèr skwi te ndav nga, staɗ staɗ tèlèba a gi ara man a hur te ndav nengaʼa nsassayaʼa, man ambaɓai.

Jérémie 22:28

Jeconia, ndo haha, shidèf ambaɓiaʼa, mbazlaʼa dè? Shidèf man ta kwola dè? Ta kwol ta èhèmè, nengaʼa a ndohi te verzi nengaʼa? Ta wushede ta a herkeda man ta sun ɓi èhèmè?

Jérémie 7:24

Aman ta gu mèdègèɗ, ta fa zlembaɗ a ma ga ɓai, ta dzodzor ndav tengaʼa man ambaɓai, ta ngwodkay deɓa, ma ka ɓai.

Jérémie 7:26

Aman ta tsena ɓai, ta fa zlembaɗ ɓai, ta sassaya ndav ta, ta gu malai a fena babhi ta.

Jérémie 9:14

aman ta dzodzor ndav ta nsassayaʼa, ta dzodzor Baal man babhi ta ta senda ta.

Lamentations de Jérémie 5:7

Babhi nga ta gau malai, tengaʼà man ani tʼasaɓai. A nga, mali tengaʼa a gèɗ nga.

Ezéchiel 20:30

Gar haha gaɗa ta ndohi Israel: Bi Zhiklè a goɗ ar haha: kin lizhè va kinè a maya babhi kinè, a kin jèjèr mʼmbèh skwi tengaʼa dè?

Amos 2:4

Ndo nzi pèc pècèk a goɗ ar haha: A géɗ mali kokwar Juda man a gi makar, a gi faɗ, i méndè kita a deɓa azɓai, a géɗ man ta kwola ma kita Ndo nzi pèc pècèk, a ta dzadzara ma nkwèr nengaʼa ɓai, ta gau ara babhi ta, ncèkèlma tengaʼa a nzlakede ta.

Mal. 3:7

A hünkoɗi te bababhi kinè, kin jèkeda ma ga, a kin dzadzara ɓai. Va-menkaɗa deɓa, a i woya a i dè deɓa a sam kinè, Zhiklè bi mbiaʼa a gaɗa. A kin jhèɗèʼa: Nga menkaɗa deɓa èhèmè?

Marc 7:21

Aman te nengaʼa, te ndav ndohai, skwi ambaɓiaʼa man a héréʼa, a shkè auda: ngwoz a nguraʼa ta gi baki a dala, ta gi metsar, ta kéɗ ndo,

Deutéronome 29:19

Ndo man a ntsena ma nderzlè-ma man i mbaɗa haha, da fu va te ndav na ɓai, aman a gaɗa: Gumi a zhè genè; i da gi ara man ndav ga a woya genè; ko iyam azɓai, zom a zhè genè!

Deutéronome 9:27

Hur Abraham, Isaac a Jacob, ɓèlèlihi ngaya! Ka hur a géɗ mèdègèd a shèwa a mali ndohi haha ɓai!

2 Timothy 3:13

Aman ndohi ambaɓihiaʼa a ndohi ncèkèlma ta gi ambaɓi holholaʼa a ma ma. Ta pi ndohi a wai, a ndohi ngiɗè ta pe ta tengaʼa a wai.

Hébreux 3:12

Va-gu maya, dalahimam ga! A woy ndo te ndev kinè ɓai, man ndav na ambaɓai, man a njèkeda ncè-a-ndav, a Bi Zhiklè man a zhè a nshèffe.

Juges 2:19

Aman ndo kita a mʼmets na ma, ta gu mali holholholaʼa a fena babhi tengaʼa zaʼa. A ta dzodzor zhiklèhi ngiɗè tsaɗ, a ta tsu ri a tengaʼa, a ta gu mizlinè tengaʼa. Ta gi skwi tengaʼa man ambaɓi genè, a ndav tengaʼa nsassaya.

I Samuel 15:23

Ngi mèdègèd, malai lèmèlèmè ara mʼmbèh skwai; a ka tsena gèɗ ɓai, ambaɓi lèmèlèmè ara ngi vrai. A géɗ man ka kwola ma Ndo nzi pèc pècèk, nengaʼa a cèma ka bi ngaya.