Jérémie 15:7 - Ma Zhiklè

⁷ I pav ta ndohi ara dau a ntamagi kokwar. I ge ta ndohi ga a delai. I zede ta, te man ta jè-keɗa civèɗ mali ta ɓai.

Jérémie 15:7 ပူးပေါင်းရင်းမြစ်များ

Psaumes 1:4

Aman ndohi ambaɓihiaʼa ta az aranta ɓai. Tengaʼa ta ara topok dau, man kozlar a ksardaussa.

Esaie 41:16

Ka da pèvaʼa, a kozlar a hil lokotoraʼa, a ndombozlor a ksar-daussa. Aman ka, ka da wuffè a gèɗ Ndo nzi pèc pècèk, ka da njèl Zhiklè Israel nkezlaʼa.

Esaie 9:12

Aman ndohi ta ngwoda ndav ta a sam Zhiklè man a mbazl ta ɓai, a ta hur ma Zhiklè bi mbiaʼa ɓai.

Esaie 9:13

Ndo nzi pèc pècèk a nʼngelama na gèɗ a hutor a Israel, kuza nwuzaɗ a gangar, a pats staɗ.

Jérémie 18:21

Gar haha gau aman wudahi tengaʼa ta tiɗ ta a mai, tsakwal da bazl ta! Wud ngwozi da bazl ta, ngwozi da nde ta a ngwozi mazai; bakihi tengaʼa, gidiɓèr da hel ta ma, golahi tengaʼa da bazl ta te var!

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Jérémie 51:2

Te deɓaʼa i da zlinde ta ndohi mpèvè dau a kokwar Babylone, a ta pèvè skwai; ta ndeda herkeda a ma a sam tèlèba, a pats matakwan.

Jérémie 9:21

Mʼmetsai a mwucka nga a va nvakavar, a mshkè a gi nga, a zeda wudahi man ta mbèhwali a civèɗ, a golahi a luma.

Ezéchiel 24:21

Gada ta ndohi Israel: Bi Zhiklè a goɗ ar haha: Na haha, i da ngwoda sam ga nkezlaʼa, a nʼngwode na a sam ambaɓiaʼa – sam mbelaʼa, man kin fu va a vna, man di kinè a wuffè a gèɗ nengaʼa, a mpataka nengaʼa a keɗ kinè. Njèkèdi wudahi a dalahi kinè ta da bazl ta a tsakwal.

Ezéchiel 24:25

Aman ka, ndo, a pats man i cèma ta sam ta mbelaʼa, skwi man ta wuffè a gèɗ nengaʼa, a ta fi va a vna, skwi man ndav tengaʼa a woyaʼa, wudahi a dalahi tengaʼa,

Ezéchiel 36:12

Ndohai, Israel, ndohi ga, ta da shèwèlè te kokwar ngaya, ta da nzi te pa, a ka gi a skwi nʼndi gi tengaʼa; ka da helama ta wud tengaʼa asaɓai.

Zacharie 1:4

Kin gu ara babhi kinè ɓai, man ndohi nhadka ma ta njè ta ma zlèzlèa: Zhiklè bi mbiaʼa a goɗ ar haha: Vajèkeda civèɗ kinè man ambaɓai, a mizlinè kinè man ambaɓai! Aman ta gu mèdègèɗ, ta fu gèɗ a ma ga ɓai, Ndo nzi pèc pècèk a gaɗa.

Matthew 3:12

Kokwi te ri nengaʼa. A nengaʼa a da pèvè dau a hedak tèlèba. Dau nengaʼa a da ɓicè a wov, aman topok dau a fa na vogwa man a mbècè asaɓai.

Deutéronome 28:18

A phomde wudahi ngaya, nyi herkeda ngaya, skwi gi ngaya, ko zlè ko tambak, a phomda skwi haha tèlèba.

Deutéronome 28:32

Wudahi a dalahi ngaya, ndohi kokwar ngiɗè ta hilèʼa, di ngaya a rkaʼa, mpataka tengaʼa a keɗa ka a pats nshèffe ngaya tèlèba, aman wuɗi ri ngaya azɓai.

Deutéronome 28:41

Ka da yi wudahi a dalahai, ta a ngaya ka ɓai, ta dè a ta da gi ɓèlè.