Jérémie 15:6 - Ma Zhiklè

⁶ Ka nkwolyè a ri ngaya, Ndo nzi pèc pècèk a gaɗa. Ka ngwoday deɓa! Gar haha i torko ri ga, a i gedas ka, i kéɗè gèɗ ndav ga a hi asaɓai.

Jérémie 15:6 ပူးပေါင်းရင်းမြစ်များ

Esaie 1:4

Wobau a géɗ ndohi kokwar haha man ta gi malai, man mali a ntsama ta va a gèɗ, verzi ndohi malihai, wudahi man ta gi mèdègèɗ! Ta jèkeda Ndo nzi pèc pècèk, ta kwola Zhiklè Israel nkezlaʼa, a ta ngwoda na deɓa.

Esaie 28:13

Gar haha Ndo nzi pèc pècèk a da gaɗa ta ndohi aranta: dè, dè, dè – ma, ma, ma – ba, ba, ba – a ta dè a ta tèngèlè a deɓa, a ta pasl ta, skwi a slawama ta sak, a dzaw ta.

Esaie 31:3

Aman ndohi Egypte, ndohi genè, Zhiklè ka ɓai. Plèshihi tengaʼa, zluèd genè, mèzhèɓ ka ɓai. Aman Ndo nzi pèc pècèk a geda ri nengaʼa, ndo ntakaha ndo, a ndo man nengaʼa a takaha, ta wush ta hi cèw cèw ba, a ta gedas ta a sam staɗ.

Jérémie 1:16

I da bèzlè kita a géɗ Jérusalem, a géɗ shèwa tengaʼa tèlèba, a géɗ man ta jèkyè, a ta mbèh skwai, a ta tsi rai a skwi man ta gu a ri ta.

Jérémie 13:14

Te deɓaʼa i tseda ta gèɗ, babhi a nda wudahi ta, Ndo nzi pèc pècèk a gaɗa. Ta da siyè te va azɓai, i jèke ta azɓai, i gedas ta, a laydyè asaɓai.

Jérémie 2:13

Aman ndohi ga ta gu mali sak cèw: Iyè, nlèlè iyam nshèffè, ta jèkyè; a ta rau thal iyam tsaɗ, vèvèɗ te pa, man iyam a she na, a nzi a pa azɓai.

Jérémie 2:17

Skwi haha a ga ka tèlèba a géɗ man ka kwola Ndo nzi pèc pècèk, Zhiklè ngaya ka ɓi ɗè?

Jérémie 2:19

A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 20:9

Aman i gaɗa: I woy a i hérè asaɓai, i gèɗè a nzlembaɗ nengaʼa asaɓai, a pay vogwa a va, a dza-hayè te vatasl. I gaɗa i dishèʼa, a dishè azɓai, i slaha ɓai.

Jérémie 44:22

Anai, Ndo nzi pèc pècèk a woya a nrka maya kinè man ambaɓai, a skwi hori man kin giaʼa, asaɓai. A géɗ nengaʼa kokwar nga ngedas na, a lèyè, mphomda, ndo a nzi a pa azɓai, ara man a zhè a patsna.

Jérémie 6:11

Ndav ga nʼndha a ndzoan Ndo nzi pèc pècèk; i slaha a i gshè a hi ɓai. Sèi i ga na a va kra ngiɗè a civèɗ, a va golahi tè-lèba man ta ɓica va, ko ngurhi a ngwozai, ko babgihai, ko ndohi nhalaʼa, i ga ta a va.

Jérémie 6:12

Gihi tengaʼa, ndohi ngiɗè ta da ngè-cèʼa, a gi lak ba, a ngwozi ba, aman a vava i gidè ri ga a géɗ ndohi kokwar, Ndo nzi pèc pècèk a gaɗa.

Jérémie 6:19

Herkeda, fu zlembaɗ! I ngwoda ta matakwan a gèɗ a ndohi haha, a géɗ man ta kwolyè, ta woy a ta cè ma ga ɓai, ta derɗa ma kita ga.

Jérémie 7:16

Zhiklè a ngaɗa na Jérémie: Aman ka, ka tsu ri a géɗ ndohi haha ɓai, ka gu mbuh mbuh a géɗ tenga ɓai, ka tsu ri kam kam ɓai, i cè ntsi ri ngaya azɓai.

Jérémie 7:24

Aman ta gu mèdègèɗ, ta fa zlembaɗ a ma ga ɓai, ta dzodzor ndav tengaʼa man ambaɓai, ta ngwodkay deɓa, ma ka ɓai.

Jérémie 8:5

Ndohi haha ta men ta a deɓa èhè-mè? Jérusalem a mʼmen na a deɓa a mèdèp èhèmè? Ta ghsè va a ncèkèlma, a ta woy a ta ngwèdè ndav azɓai.

Jérémie 8:9

Ndohi maya ta ngots hori a dai, ta gs ta, ta ga ta kita, ta ngwoda ma Ndo nzi pèc pècèk; kos maya ta maya mè?

Ezéchiel 14:9

Aman ndo nhadka ma aman acèʼaman i peda a wai, a nhodko ma, iyè Ndo nzi pèc pècèk i tara na ri a dai, a i zedkoɗauda te va Israel, ndohi ga.

Ezéchiel 25:7

gar haha i tara ka ri a dai, i da fe ka a ri a ndohi herkeda, a ta helama kinè skwi kinè. I da zedka ka auda te ndev ndohi herkeda, i da gedas ka aranta te va kokwar-bihai. I gedas ka, a kin da suna, i Ndo nzi pèc pècèk.

Ezéchiel 35:3

Ka da gaɗa na: Bi Zhiklè a goɗ ar haha: Na haha di man a ngaya ma, za Séir! I tara ka ri a dai, a i ndeda ka a hèshèkèɗ, man mwuɗitpa.

Osée 11:7

Ndohi ga ta dzawa te malai. I baha ta a deɓa a sam Zhiklè te géɗèʼa, ko staɗ a slèmbèɗè azɓai.

Osée 13:14

I da porkoɗauda te ri wuɗi sam mʼmetsai. I da sumka ta a deɓa te ri mʼmetsai. Mʼmetsai, wuɗi ngaya tema? Sam mʼmetsai, ngédèshè ndo ngaya tema? Aman ndo a siyè te va azɓai.

Osée 4:16

Israel a ntsena gèɗ ɓai, ara kɗèh, a Ndo nzi pèc pècèk a lè ta zaʼa ara tambakihi a sam daʼar ɗè?

Sophonie 1:4

I ceda ri a zhiklè a géɗ Juda, a géɗ ndohi te Jérusalem, a i zeda nzlembaɗ Baal a nzlembaɗ ndohi mvi skwi a zhiklèhi mbèh skwai a samaʼa;

Zacharie 7:11

Amán babhi kinè ta woy a ta gi arsa ɓai; ta sassaya ndav ta, ta ndè zlembaɗ ta.