Jérémie 15:2 - Ma Zhiklè

² Aman ta da dzhaɗ ka: Nga dè ma? Mbeda ta a ma: Ndo nzi pèc pècèk a goɗ ar haha: Di man a gidiɓèr, a gidiɓèr; di man a tsakwal, a tsakwal; di man a mai, a mai; di man a dangai, a dangai:

Jérémie 15:2 ပူးပေါင်းရင်းမြစ်များ

Esaie 10:4

Ngidè a dè dangai, ngiɗè ta keɗaʼa. Ko ar haha, Zhiklè a gi ndav di genè, a ngeda ri na genè.

Esaie 24:18

Ndo man a hi auda a sam wobau, a kèlèhi a vèvèɗ; ndo man a shkè auda te vèvèɗ, teɓa a slawama na sak. Nvakavar te géɗèʼa mwinèʼa, verzi herkeda a gudzai.

Jérémie 14:12

Ko man ta jèkeda skwi nʼndai, a ta tsi rai, i cinè azɓai. Ko ta ndaray a ta vay skwai, i cè azɓai. I wuffè a géɗ tengaʼa azɓai, sèi i da zede ta a tsakwal, a mai, a gidiɓèr.

Jérémie 14:16

A ndohi man ta hada ta ma, ta tiɗ ta a mai a civèɗ Jérusalem, a ta kèlèhi a géɗ tsakwal, ndo nda re ta azɓai, tengaʼa a ngwozi ta, a wudahi a dalahi ta. Aranta i da ngwoda ta shèwa tengaʼa a gèɗ.

Jérémie 16:4

Sèi gidiɓèr da hel ta ma, ndo nda kuɗ ta, ndo nda re ta azɓai. Sèi ta ndi a mogoɓa te gi dau. Tsakwal a da bazl ta, mi a da bazl ta, a ɗiakihai a skwi dak ta da nde ta ma.

Jérémie 19:7

I da ndeva maya Juda a Jérusalem a sam haha, a ta bazl ta a tsakwal a sam mayamhi ta, a ri ndohi man ta woy a ta zeda nshèffè ta. Nckondohi tengaʼa, i pa ta a ɗiakihai a skwi dak a ta ndiaʼa.

Jérémie 43:11

A da shkè, a da duma kokwar Egypte. Di man a mʼmetsai, a mʼmetsai; di man a dangai, a dangai; di man a tsakwal, a tsakwal, tèlèba.

Ezéchiel 12:11

Goɗa: iyè skwi nrkedi a sam kinè. Skwi man i gau, a da ga ta tengaʼa. Sèi ta da helka ta a ɓèlè.

Ezéchiel 14:21

Aman Bi Zhiklè a goɗ ar haha: Ko i zlindè kita ga mwuɗitpa faɗ a haha a kokwar Jérusalem: tsakwal, mai, skwi dak a gidiɓèr,

Ezéchiel 33:27

Gar haha sèi ka gaɗa ta: Bi Zhiklè a goɗ ar haha: Ara man a vava i zhè, ndohi te kokwar mʼmbeɗaʼa sèi ta bazl ta a tsakwal. Ndohi man ta te dak, skwi dak a nde ta ma, ndohi a géɗ za, te slrats za, gidiɓèr a da hel ta ma.

Ezéchiel 5:12

Ndohi ngaya i kezla makar; ngiɗè gidiɓèr a da hel ta ma, man ɓai ta da tiɗ ta a mai; ngiɗè ta bèzl ta a tsakwal; ngiɗè i da wushede ta a ma kozlar, a tsakwal a dzadzar ta.

Ezéchiel 5:2

ngiɗè ka fa na vogwa te ndev kokwar, a pats man nʼnzi a ma kokwar klèng. Ngidè ratsaʼa a kafahi gwèsh a ka ksarda a der kokwar tèlèba. Ngidè wusheda na ma kozlar. I woy a i da bazl ta ndohi a tsakwal.

Daniel 9:12

Ndo nzi pèc pècèk a ngau ara man a goɗ a gèɗ nga, a gèɗ ndohi kita man ta bazla nga kita, a ngu arsa a vava, a nzlündo skwi mwuɗitpa mbiaʼa a gèɗ nga, skwi man a gu te Jérusalem tar sa ɓai a gèɗ herkeda.

Amos 5:19

Nengaʼa ruva, skwi nhél sam ka ɓai. A da gi ara ndo man a hi na a marizhèlè, a ta zli gèɗ a kokoya. Aman a ndo a gai, a ngu va a dergai, a zhüzhok a njo.

Zacharie 11:9

I gaɗa: I woya a i war kinè asaɓai. Skwi man a mʼmetsai, da mets na. Skwi man a zi na, da ze na! Njèkèɗiaʼa, ta ndi va ta.

Apocalypse 13:10

Ndo man a pe ta ndohi ngiɗè a dangai, a dè a gi dangai lèmèlèmè. Ndo man a keɗa ndo a kafahi gwèsh, ta da kéɗèʼa a kafahi gwèsh lèmèlèmè. Na haha, nzhèr skwia dai a ncè-a-ndav ndohi Zhiklè!