Jérémie 14:9 - Ma Zhiklè

⁹ Ka ara ndo man zlau a dza na èhèmè, ara ngul ndo man a slaha a mbel ndo ɓai èhèmè? Aman ka te ndev nga, Ndo nzi pèc pècèk; ta baha nga a nzlembaɗ ngaya. Ka jèke nga ɓai!

Jérémie 14:9 ပူးပေါင်းရင်းမြစ်များ

II Chroniques 7:14

a ta da manda gèɗ ta a hai, a ta tsi rai a ta hassyè, a ta ngwodko ndav ta, a ta jèkeda civèɗ tengaʼa man ambaɓai, i woya aman i tsena te zhiklè te géɗèʼa, a i pra ta mali ta, a i mbela kokwar ta zaʼa.

Psaumes 10:1

Ndo nzi pèc pècèk, ka zlatsa dra èhèmè, ka ngheda va a pats matakwan èhèmè?

Psaumes 27:9

Ka ngheda di ngaya a sam ga ɓai! Ka zlreda ɓèl ngaya a deɓa a ndzoan ɓai! Ka takahayè te va nasa. Ka jèkyè ɓai, i da pca ka a gèɗ ɓai, Zhiklè, ndo mʼmbelyè!

Psaumes 46:5

Kokwar Bi-Zhiklè a wuffè a géɗ woyam man a kezli gèɗ te pa, sam nʼnzi Zhiklè mbi-mbiaʼa nkezli-nkezlaʼa.

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 43:7

Ta tèlèba man ta co nzlembaɗ ga, man i pe ta, a i ge ta, a ta gi a nʼnjèl ga.

Esaie 51:9

Slambaɗ ngaya, slambaɗ ngaya! Sala ri ngaya, Ndo nzi pèc pècèk! Slambaɗ ngaya ara nzlèzlèʼa, ara nhalaʼa. Ka man ka gedassa Egypte, a ka keɗa skwi man nara kedam ka ɓi ɗè?

Esaie 59:1

Na haha, ri Ndo nzi pèc pècèk tüsl kata genè ka ɓai, a slaha a mbel kinè genè. Nzlembaɗ nengaʼa nʼndè ɓai, a slaha a ntsena genè.

Esaie 63:19

Nga ga a ndohi man ka kwor ta ɓi fèt, ndohi man ta co nzlembaɗ ngaya ɓai, èhèmè!

Jérémie 15:16

Aman ka gu ara man ka goɗo, ambahayè. I wuffè a géɗ ma ngaya. I wuffè te ndav ga, a géɗ man i ngots nzlembaɗ ngaya, Ndo nzi pèc pè-cèk, Zhiklè bi mbiaʼa.

Jérémie 51:5

Aman Zhiklè Israel a Juda, Zhiklè bi mbiaʼa, a jèkeda kokwar ta a gèɗ ta ɓai, ko herkeda tengaʼa nʼndha a malai a sam Zhiklè Israel nkezlaʼa.

Jérémie 8:19

Fu zlembaɗ, kuɗ ndohi ga a cinè dra! Ndo nzi pèc pècèk nte Sion ka ɓi dè, bi na nte pa ka ɓi dè? Ta pokoy gèɗ ndav auda a mʼmbèh skwi tengaʼa èhèmè? A mʼmbèh skwi te kokwar ngiɗè man a takaha ta azɓai?

Lamentations de Jérémie 5:20

Ka woya aman nga pca ka a gèɗ a mèdèp, a ka kwol nga nʼnzi a zhè èhèmè?

Ezéchiel 48:35

Ntèuda te pa tèlèba, a gi ara km 8. Anai da baha na kokwar a nzlembaɗ: Ndo nzi pèc pècèk a zhè a haha.

Habakuk 1:2

Ndo nzi pèc pècèk, i kuɗi a sam ngaya, a ka tsena ɓi genè, ka woya aman i nzi tèkè? I bèhè a géɗ wuɗai man a ga nga, a ka takaha nga azɓai.

Zacharie 2:5

Iyè, a ri ga, i tèuda a pa ara zlazlar a vogwa, a nʼnjèl ga te ndevaʼa, Ndo nzi pèc pècèk a gaɗa.

Zacharie 8:3

Ndo nzi pèc pècèk a gaɗa: I dè deɓa a Sion, a i nzi a ndev kokwar Jérusalem. A ta baha na kokwar Jérusalem ‘kokwar nlèɓèslèa’, a za Zhiklè bi mbiaʼa ‘za nkezlaʼa’.

Nombres 11:23

A Ndo nzi pèc pècèk a ngaɗa na Moise: Ri Ndo nzi pèc pècèk tüsl kata genè ɗè? Ka da rkaʼa: ma ga zuraʼa de, dè zuraʼa ka bi dè?

Actes 15:17

a ta jhèdè ma Bi Zhiklè – njèkèɗi ndohi herkeda tèlèba, a ndohi nte deɓa man i woy ta a ndohi ga.

2 Corinthians 6:16

Gi Zhiklè a vrihai ta hümdè te mè? Aman nga, gi Zhiklè man a zhè a nshèffè. Ara Zhiklè man a gaɗa: I war a i nzi a sam tengaʼa, i shèwèlè te ndev tengaʼa; a i gi a Zhiklè ta, a tengaʼa ta gi a ndohi ga.

Deutéronome 23:14

Aman Ndo nzi pèc pècèk, Zhiklè ngaya, a shèwèlè te ndev sam man ka a pa, aman a ɓer ka, a pa ka mayamhi ngaya a ri a ka. A woy sam ngaya nkezla, a Ndo nzi pèc pècèk a rka skwi nlizhèa a sam ngaya azɓai, man ɓai a da mindè va na de deɓa a sam ngaya.

Deutéronome 28:10

Ndohi herkeda tèlèba ta da rkaʼa, nzlembaɗ Ndo nzi pèc pècèk a zhè a sam ngaya, a ta da gi zlau ngaya.

Hébreux 13:5

Mwoy Suli da gso ndav kinè ɓai; skwi man kin ngotso, da dèʼa kinè! Aman Bi Zhiklè a ngaɗa: I pra ka ma gèɗ azɓai, i jèke ka a géɗ ngaya azɓai.

Apocalypse 21:3

A i tsena ngèɗè mbiaʼa a sam nʼnzi bi Zhiklè, man a gaɗa: Na haha, gi Zhiklè a zhè a sam ndohai! Bi Zhiklè a da nzi a sam tengaʼa, a tengaʼa ta da gi a ndohi nengaʼa, Zhiklè a ri na a nzi a sam tengaʼa, Bi Zhiklè ta.

I Samuel 12:22

Ndo nzi pèc pècèk a da kwol ta ndohi nengaʼa azɓai, a géɗ nzlembaɗ nengaʼa mbiaʼa, te man ambaha Ndo nzi pèc pècèk, aman a ge kinè a ndohi na.