Jérémie 14:7 - Ma Zhiklè

⁷ Mali a ngwoda nga va a gèɗ! Ndo nzi pèc pècèk, takaha nga, a géɗ nzlembaɗ ngaya! Nga jèke ka, a nga gu mali a sam ngaya kumba.

Jérémie 14:7 ပူးပေါင်းရင်းမြစ်များ

Esdras 9:15

Ndo nzi pèc pècèk, Zhiklè Israel, ka nzuraʼa, nga ndohi kèshkata man nga mbel nga genè. Na haha nga zhè a sam di ngaya te mali nga, nga slaha nga zlècè a sam ngaya azɓai.

Psaumes 115:1

Ka nzal nga ɓai, ka nzal nga ɓai, Ndo nzi pèc pècèk! Aman nzala nzlembaɗ ngaya staɗ genè, a gèɗ pombi a nlèɓèslè ngaya!

Psaumes 25:11

Ndo nzi pèc pècèk, pray mali ga, a géɗ nzlembaɗ ngaya, aman mali ga mbiaʼa.

Psaumes 79:9

Zhiklè, ndo mʼmbel nga, takaha nga, a gèɗ nʼnjèl nzlembaɗ ngaya, preka nga auda, pra nga mali nga, a géɗ nzlembaɗ ngaya!

Esaie 48:11

I giaʼa, a géɗ ga, a géɗ nzlembaɗ ga. Ta derɗe nzlembaɗ ga kumba. I vi njèl ga a ndo ngiɗè azɓai.

Esaie 59:12

Skwi ambaɓiaʼa man nga gau a sam ngaya a zhè kumba. Malihi nga ta gi mal-wuɗai a gèɗ nga. Nga sun skwi ambaɓiaʼa man nga gau, nga sun mali nga.

Jérémie 10:19

Wobayè, a géɗ skwi man a gedas-syè! Mblè man a va ga a dzay kumba. I gaɗa: Nfay a gèɗ, i dishè mènè.

Jérémie 2:19

A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 3:25

Gar haha ngo-nzokoya a ngo-cokoy hori ga, hori da pa nga a dai! Aman nga gu malai a sam Ndo nzi pèc pècèk, Zhiklè nga, nga a babhi nga, daga man nga kra, ha patsna, a nga fu zlembaɗ a ma Ndo nzi pèc pècèk, Zhiklè nga ɓai.

Jérémie 3:6

Ndo nzi pèc pècèk a ngaɗayè, te va man Josias bai. Ka rka skwi man Israel, ngwoz man a nkwolyè, a gu ɗè? A mdo a géɗ zahi mbibihiaʼa tèlèba, a verzi wof ndizlimaʼa tèlèba, a ngu mphömè a pa.

Jérémie 5:25

Mphömè kinè a ndzakaɓa skwi haha; a géɗ mali kinè, mpshè ma azɓai.

Jérémie 5:6

A géɗ nengaʼa marizhèlè te dak a cizl ta, kda dak a nde ta ma, kokoya a pi va te deɓ kokwar ta. Ndo man a dè auda te kokwar, ta cizl ta. Te man mali ta a zhè kumba, ta men ta a deɓa dra.

Jérémie 8:14

Nga nza ɓlussaʼa kè! Ngo-hokoya, a kokwar nʼngalaʼa, a nga zi nga a pa! Te man Ndo nzi pèc pècèk, Zhiklè nga, a zede nga, a va nga iyam dèrè a nga siaʼa, a géɗ man nga gu mali a sam na.

Jérémie 8:5

Ndohi haha ta men ta a deɓa èhè-mè? Jérusalem a mʼmen na a deɓa a mèdèp èhèmè? Ta ghsè va a ncèkèlma, a ta woy a ta ngwèdè ndav azɓai.

Ezéchiel 20:14

Aman a géɗ nzlembaɗ ga i ga ndzoan a vata Bai; ndohi nte deɓa da durɗo nzlembaɗ ga ɓai, a sam di tengaʼa man i helka ta auda.

Ezéchiel 20:22

Aman i mendko ri ga a deɓa, i ga ndzoan a vata ɓai, a géɗ nzlembaɗ ga; ndohi nte deɓa da durɗo nzlembaɗ ga bai, a sam di tengaʼa man i helka ta auda.

Ezéchiel 20:9

Aman a géɗ nzlembaɗ ga i ga ndzoan a vata bai; ndohi nte deɓa da durɗo nzlembaɗ ga bai, te ndev tengaʼa man ta zhè, a sam di tengaʼa man i gudoko ta va a dai, aman i helka ta auda te kokwar Egypte.

Osée 5:5

Nfi va Israel a nʼngwoda ta va a gèɗ. Israel a Ephraim ta kalahi a géɗ mali ta.

Osée 7:10

Nfi va ndohi Israel a nʼngwoda ta va a gèɗ, aman ko aranta ta menkada deɓa a sam Ndo nzi pèc pècèk, Zhiklè tengaʼa ɓai, ko aranta ta woya ɓai.

Amos 7:2

Aman ta ndeda skwi nɗaʼa a ma, i gaɗa: Zhiklè, pra ta malai!

Michée 7:9

I woy a i cè ndzoan Ndo nzi pèc pècèk, te man i gu mali a sam na, ha pats man a nckay auda te kita, a ndiyè a sam skwi nhél sam, a i rka ngi-zuraʼa nengaʼa.

Ephésiens 1:12

A nga gi a skwi nslébèrdè nʼnjèl nengaʼa, nga man nga zhor Kristi te ndav nʼnzi a zhè.

Ephésiens 1:6

a nga ndi a skwi nslébèrdè nʼnjèl nengaʼa, man a mva nga te kra nengaʼa man a woya a ndav na.

Deutéronome 32:27

aman i woya ɓai, man ɓai ndohi mayamhi ta tsi wagèsh a ta hur a ta gaɗa: nga gu a wuɗi nga, Ndo nzi pèc pècèk a ngu ka ɓai.

Josué 7:9

Ndohi Canaan a ndohi kokwar tèlèba ta da tsenaʼa, ta da tèuda nga a pa, a ta zeda nzlembaɗ nga tʼherkeda. A ka da gi nzlembaɗ ngaya mbiaʼa a mè?