Jérémie 14:17 - Ma Zhiklè

¹⁷ Ka da gaɗa ta ma haha: I kuɗi sreffsreffaʼa, a pats a vad, i shèk va azɓai. Aman bidalai, dem ndohi ga, nkala tʼhi ma, mblè mbiaʼa a va.

Jérémie 14:17 ပူးပေါင်းရင်းမြစ်များ

II Rois 19:21

Na haha ma man Ndo nzi pèc pècèk a goɗa a géɗ nengaʼa: Bidalai, dem Sion, a rka ka ara zai, a ngwossaha ka. Dem Jérusalem a geda gèɗ kwotakwotaʼa te deb ngaya.

Psaumes 119:136

Kuɗa a panamay ndav, a géɗ ndohi man ta jèjèr ma kita ngaya azɓai.

Psaumes 39:10

I nza tètèʼa, i woy a i winè ma ga asaɓai. Aman ka, ka ngau.

Esaie 37:22

Na haha ma man Ndo nzi pèc pècèk a goɗ a géɗ nengaʼa: Bidalai, dem Sion a rka ka ara zai, a ngwossaha ka. Dem Jérusalem a geda gèɗ kwota-kwotaʼa te deɓ ngaya.

Jérémie 10:19

Wobayè, a géɗ skwi man a gedas-syè! Mblè man a va ga a dzay kumba. I gaɗa: Nfay a gèɗ, i dishè mènè.

Jérémie 13:17

Aman kin fi zlembaɗ azɓai, ndav ga a kuɗi tʼhwaɗaʼa. A géɗ nfi va kinè, kuɗa a pay a dai. I kuɗai, a géɗ man ta hel ta ndohi Ndo nzi pèc pècèk a ɓèlè.

Jérémie 18:13

Gar haha Ndo nzi pèc pècèk a goɗ ar haha: Vo-dzhoɗo a sam ndohi nte deɓa! Daga halaʼa ta tsena ma arsa dè? Israel, bidalai, a ngau skwi ambaɓiaʼa holholaʼa.

Jérémie 8:18

Nlèyè ga a ndèlè azɓai, ndav a dzayè!

Jérémie 8:21

Matakwan ndohi ga a gay matakwan a iyè ba; i lèyè, zlau a ngsyè.

Jérémie 9:1

I woya a i kuɗai a pats a vaɗ a gèɗ ndohi ga man ta bazl ta, ko gèɗ ga nwalaɗ na, ko kuɗa a hezlamay dai.

Jérémie 9:18

Sèi ta vèsh va a ta hinè ntsi nguzlah a géɗ nga, a nga kuɗi sraffsraffaʼa.

Lamentations de Jérémie 2:11

Di ga a nhezl na a kuɗa, ndav ga a hubètè, ndav ga a mbeɗ na a géɗ man kokwar ndohi ga ngedas na. A wudahi, a wudahi man a rai, ta ɓerzl ta a dal kokwar.

Lamentations de Jérémie 2:13

I lèmdè ka a mè, kokwar Jérusalem? Ka lèmèlèmè ara mè, bidalai, dem Sion? Aman skwi ngedas ka mbiaʼa ara iyam mbiaʼa. Nda mbel ka wa?

Lamentations de Jérémie 2:18

Kuɗau a sam Ndo nzi pèc pècèk, zlazlar kokwar Sion, kuɗau sreffsreffaʼa, kuɗ ngaya da hu ara iyam, a pats a vaɗ ba, ka sok va ɓai, kuɗa a di ngaya da satar ɓai!

Amos 5:2

Dem Israel a nkal na hai, a nslambaɗkaɗa asaɓai, ntangala tʼhai tʼherkeda, ndo nslambaɗda azɓai.

Michée 6:13

Gar haha i hüno a i tse ka, a i gedas ka a géɗ mali ngaya.