Jérémie 14:14 - Ma Zhiklè

¹⁴ Aman Ndo nzi pèc pècèk a ngaɗayè: Ndohi nhadka ma ta cèkèl ma a nzlembaɗ ga. Iyè nzlinde ta ka ɓai, i va ta ma ga ɓai, i gaɗa ta ɓai. Ta hodko ma ncèkèlma, ta njè kinè ma ncèkèlma, skwi ambalai man ta ngul te gèɗ ta.

Jérémie 14:14 ပူးပေါင်းရင်းမြစ်များ

Esaie 56:10

Ndohi mɓer ndohi ga ta tèlèba mandazlihai, ta sun skwa ɓai. Ta tèlèba kdadihai man ta winè ma azɓai, ta slaha ta bkwè ɓai. Ta nzi zumbutaʼa, ta manahai, ta woy ta nzhun ta.

Esaie 9:15

A ndohi ncè ta ma ndohi haha, ta nde ta a ndohi mpe ta a wai, a ta zede ta ndohi man ta cè ta ma.

Jérémie 20:6

Aman ka, Pashur, a ndohi gi ngaya tèlèba, ta da hel kiné a ɓèlè a kokwar Babylone. Ka da metsi te pa, ta da re ka a pa, a nda mandalahi ngaya tèlèba man ka hada ta ma ncèkèlma.

Jérémie 28:11

Te deɓaʼa Hanania a ngoɗa a sam di ndohi tèlèba: Ndo nzi pèc pècèk a goɗ ar haha: Lèmèlèmè arsa, te deɓ mvi cèw, i da pasla wof bi Nebucadnetsar, bi Babylone, te daʼai ndohi herkeda tèlèba. Te deɓaʼa Jérémie, ndo nhadka ma, a ndo na.

Jérémie 28:13

Do a ka gaɗa na Hanania ar haha: Ndo nzi pèc pècèk a goɗ ar haha: Ka pasla wof nkelawa te daʼai: aman ka da gi ngiɗè te diaʼa, a züdo.

Jérémie 28:15

Te deɓaʼa Jérémie, ndo nhadka ma, a ngaɗa na Hanania, ndo nhadka ma: Tsena mbelembela, Hanania! Ndo nzi pèc pècèk a nzlindka ka ɓai. Ka gu aman ndohi ta pi ndav a ka, a géɗ ncèkèlma ngaya!

Jérémie 29:21

Zhiklè bi mbiaʼa, Zhiklè Israel, a goɗ a géɗ Achab, kra Kolaja, a géɗ Sédécias, kra Maaséja, man ta hodko kinè ncèkèlma a nzlembaɗ ga: Iyè i da pe ta a ri Nebucadnetsar, bi Babylone, a da bazl ta a sam di kinè.

Jérémie 29:31

Zlündo ɗèlèwèr a sam ndohi ɓèlè te Babylone tèlèba, a ka gaɗa: Ndo nzi pèc pècèk a goɗ a géɗ Shemaeja, ndo Néchélam: A géɗ man Shemaeja a nhodko kinè ma, iyè nzlinda ka ɓai, a gu aman a kin pu ndav a ncèkèlma,

Jérémie 37:19

Ndohi nhadka ma kinè man ta hadka kinè ma a ta gaɗa: Bi Babylone a da shkè, a da gi var a kokwar haha azɓai, ta tema?

Jérémie 5:31

Ndohi nhadka ma ta hodko ma ta tsakal ma. Ndohi mvi skwi a Zhiklè ta takaha ta te pa. Ndohi ga, ambaha ta. Aman te deɓ nengaʼa, kin da gi mè?

Jérémie 8:10

Gar haha i da pa ta ngwozi ta a ndohi ngiɗè, gi dau ta a ndohi ndum ta, te man tèlèba ta woy sulai, ko nkèshèʼa ko mbiaʼa, ko ndohi nhadka ma, ko ndo mvi skwi a Zhiklè, ta gi ri tèlèba.

Jérémie 8:11

Ta woy a ta fa na kwa a gèɗ mali ndohi ga, a ta gaɗa: Gumi a zhè, gumi a zhè aman gumi azɓai.

Lamentations de Jérémie 2:14

Ndohi nhadka ma nga ta cèkèl ma a sam ngaya, a ta njè ka ma nrzlaʼa. Ta ngra ka mali ngaya ɓai, aman ka shkè auda te ndzoan. Skwi man ta hodko ma a géɗ ngaya, skwi ncèkèlma, skwi nʼngwode ka genè.

Lamentations de Jérémie 2:9

Ntamagi kokwar ta preka ta auda, a skwi mɓèr ntamagai mpasl na. Bai a wud bihi tengaʼa ta te ndev ndohi nte deɓa; ma kita azɓai; ko ndohi nhadka ma ta ngècè nshunè te ri Ndo nzi pèc pècèk azɓai.

Ezéchiel 12:24

Aman nshunè ncèkèlma, nhèdè ma nʼngwèdè ndo, a da gi te kokwar Israel asaɓai.

Ezéchiel 13:2

Ka ndo, hod ma a gèɗ ndohi nhadka ma Israel! Hod ma a géɗ tengaʼa man ta hodko ma te gèɗ ta:

Ezéchiel 13:23

A géɗ nengaʼa kin da rka skwi ncèkèlma asaɓai, kin da hodko ma asaɓai. I preka ta ndohi ga auda te ri kinè, a kin da suna, i Ndo nzi pèc pècèk.

Ezéchiel 21:29

Gar haha Bi Zhiklè a gaɗa: A géɗ man mali kinè a hakay a gèɗ, a mali kinè nʼngreda auda, a skwi man kin gau tèlèba, i gs kinè a géɗèʼa.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Zacharie 10:2

Théra-phimhai ta gèɗè ma ambalai; ndohi mpi kwa ta cèkèlma. Ta tsena te nshunè, a ta bid ta ndohi a ma ambalai. Te deɓaʼa ndohi ta slambaɗa, a to do a ta zlak ta ara tambakihai, te man ndo nwar ta azɓai.

Zacharie 13:3

Aman te deɓaʼa ndo nhadka ma a slèmbèɗè, bab na a mam na man ta yau, ta gaɗa: Da nza a nshèffe ɓai, te man ka cèkèl ma a nzlembaɗ Ndo nzi pèc pècèk! Bab na a mam na ta da kéɗèʼa, aman a hodko ma.

Deutéronome 18:20

Aman ndo nhadka ma man a fi va, a gèɗè ma a nzlembaɗ ga man iyè i gaɗa na ɓai, man ɓai a gèdè a nzlembaɗ zhiklèhi ngidè, ndo nhadka ma sa sèi a metsi na.

1 Timothy 4:2

a ma mberzlalahaʼa a ndohi njèngè ncèkèlma, mèzhèɓ ndav ta nsassaya.

1 John 4:1

Dalahimam ga, kin co mèzhèɓ tsaɗ tsaɗ tèlèba a ndav ɓai! Sèi kin jkede ta mèzhèɓhai, a kin wora, aman ta shkè te Bi Zhiklè. Aman ndohi nhadka ncèkèl-ma kumba ta zhè tʼherkeda.