Jérémie 14:13 - Ma Zhiklè

¹³ A i gaɗa: Aʼ – aʼ – aʼ – Ndo nzi pèc pècèk, bi ga! Na haha ndohi nhadka ma ta gaɗa ta: Kin gu zlau tsakwal ɓai, mi a da gi azɓai, i va kinè gumi ga a sam haha.

Jérémie 14:13 ပူးပေါင်းရင်းမြစ်များ

Esaie 56:10

Ndohi mɓer ndohi ga ta tèlèba mandazlihai, ta sun skwa ɓai. Ta tèlèba kdadihai man ta winè ma azɓai, ta slaha ta bkwè ɓai. Ta nzi zumbutaʼa, ta manahai, ta woy ta nzhun ta.

Jérémie 1:6

I gaɗa: Aʼai, aʼai, Bi Zhiklè Ndo nzi pèc pècèk, i sun ngèɗè ɓai, i wudahi dai!

Jérémie 20:6

Aman ka, Pashur, a ndohi gi ngaya tèlèba, ta da hel kiné a ɓèlè a kokwar Babylone. Ka da metsi te pa, ta da re ka a pa, a nda mandalahi ngaya tèlèba man ka hada ta ma ncèkèlma.

Jérémie 23:17

A ndohi man ta derɗyè, ta gaɗa ta: Ndo nzi pèc pècèk a ngoɗo: gumi a nda kinè! A ndohi tèlèba man ta sassaya ndav ta, ta gaɗa: Skwi mwuɗitpa a da ga kinè azɓai.

Jérémie 37:19

Ndohi nhadka ma kinè man ta hadka kinè ma a ta gaɗa: Bi Babylone a da shkè, a da gi var a kokwar haha azɓai, ta tema?

Jérémie 4:10

A i gaɗa: Ai, ai, ai, Bi Zhiklè Ndo nzi pèc pècèk! A vava ka ngwode ta ndohi Jérusalem. Ka gaɗa ta: I da mbél kinè! Aman tsakwal a bazl nga!

Jérémie 5:12

Ta cèkèl ma a géɗ Ndo nzi pèc pècèk, ta gaɗa: Zhiklè azɓai. Matakwan a da ga nga azɓai. Tsakwal a mai a da ga nga azɓai.

Jérémie 5:13

Ma ndohi nhadka ma, ma ambalai, a gi azɓai. Ta gèɗè ma Zhiklè azɓai.

Jérémie 5:31

Ndohi nhadka ma ta hodko ma ta tsakal ma. Ndohi mvi skwi a Zhiklè ta takaha ta te pa. Ndohi ga, ambaha ta. Aman te deɓ nengaʼa, kin da gi mè?

Jérémie 6:14

Ta woy a ta fa na kwa a gèɗ a mali ndohi ga, a ta gaɗa: gumi a zhè, gumi a zhè! Aman gumi azɓai.

Jérémie 8:11

Ta woy a ta fa na kwa a gèɗ mali ndohi ga, a ta gaɗa: Gumi a zhè, gumi a zhè aman gumi azɓai.

Ezéchiel 12:24

Aman nshunè ncèkèlma, nhèdè ma nʼngwèdè ndo, a da gi te kokwar Israel asaɓai.

Ezéchiel 13:22

A géɗ man kin mbeɗama na ndav a ndo nzuraʼa a ncèkèlma, ndo man i woy a i ga na matakwan bai, a kin va ta wuɗai a ndohi nderɗe Zhiklè; a ta ngwèdè gèɗ a deɓa te civèɗ tengaʼa ambaɓiaʼa azɓai, aman ta mbél ta.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

2 Peter 2:1

Ndohi nhadka ma ncèkèlma ta zhè halaʼa te va ndohai. Lèmèlèmè ara man a sam kinè ba ndohi njèngè ncèkèlma a di ta da shkè. Ta da ndèvèɗ ma tsaɗ tsaɗ. Ta woy a ta gedas kinè. Ta cèkèlma a géɗ Bai Yèsu, man a sumka ta a deɓa, a ta hurdkoɗi kita ngedas ta, tsam tsam, a ri ta.