Jérémie 14:10 - Ma Zhiklè

¹⁰ Aranta Ndo nzi pèc pècèk a ngaɗa ta ndohi haha: Ambaha ta aman ta hi auna, ta hi auna, ta hérè a géɗèʼa azɓai. Aman Ndo nzi pèc pècèk a wuffè a géɗ tengaʼa azɓai. A hér mali ta, a ga ta kita a gèɗ mai i ta.

Jérémie 14:10 ပူးပေါင်းရင်းမြစ်များ

I Rois 17:18

Te deɓaʼa a ngaɗa na Elie: Nga gakaɗa ka mè, ndo Zhiklè? Ka shkè aman Zhiklè a hér mali ga a nkeɗay kra ga.

Psaumes 119:101

Sak ga a bizhè a civèɗ ambaɓiaʼa azɓai, a géɗ man i jèjèr ma ngaya.

Psaumes 95:10

Mvi 40, verzi ndohi haha ta ndarayè, a i gaɗa: Ta ndohi man ndav tengaʼa a zlak na, a ta sun civèɗ ga ɓai.

Exode 32:34

Antanta do, de ta ndohi a sam man i gada ka. Na haha, i zlindè gol ga a man ngaya. Aman pats ngiɗè a i da ga ta kita a géɗ mali ta.

Jérémie 2:36

Ko do dra, a ka jèkeda civèɗ ga, èhèmè? Ko Egypte a da pa ka hori a dai, lèmèlèmè ara Assyrie a ngau.

Jérémie 3:13

Aman a woy ka suna, ka gu malai, ka kwola Ndo nzi pèc pècèk, Zhiklè ngaya, a ka va na va ngaya a zhiklèhi ngiɗè, a verzi wof ndizlimaʼa tèlèba kin tsena ma ga ɓai, Ndo nzi pèc pècèk a gaɗa.

Jérémie 31:34

Ngidè a slebda na nslamagi na azɓai, kramam ngiɗè a slebda na kramam na azɓai, a ngaɗa: Va-sun Ndo nzi pèc pè-cèk! Aman tengaʼa tèlèba ta da senyè, ko nkèshèa, ko mbiaʼa, Ndo nzi pèc pècèk a gaɗa. Te deɓaʼa i da pra ta mphömè ta, i da hér mali tengaʼa asaɓai.

Jérémie 6:20

Skwi man ta ndarayè, aman a zhkè ara burdi te Saba, te kokwar dra, i gia kè? Skwi man kin ndarayè, ambahay ɓai; a skwi man kin zlayè, i wuffè a géɗèʼa azɓai.

Jérémie 8:5

Ndohi haha ta men ta a deɓa èhè-mè? Jérusalem a mʼmen na a deɓa a mèdèp èhèmè? Ta ghsè va a ncèkèlma, a ta woy a ta ngwèdè ndav azɓai.

Ezéchiel 29:16

Israel a da gshè va a Egypte asaɓai. Aman a woy a humdè va a vna, mali na haha a sam Zhiklè a da haka na a gèɗ. A ta da suna, i Ndo nzi pèc pècèk.

Osée 11:7

Ndohi ga ta dzawa te malai. I baha ta a deɓa a sam Zhiklè te géɗèʼa, ko staɗ a slèmbèɗè azɓai.

Osée 11:9

I woy a i gi ndav a i gi a ndzoan azɓai, i woy a i gedassa Ephraim te deɓaʼa azɓai, te man i Zhiklè, ndo ka ɓai;

Osée 7:13

Wobau a géɗ tengaʼa, a géɗ man to do ta dra a sam ga. Matakwan da ga ta, te man ta jèkyè. Iyè i woy a i da mbel ta, aman tengaʼa ta tsokolma a géɗ ga.

Osée 7:2

Ta hér a ɓai: Zhiklè a hér mali nga. Aman antanta skwi man ta gau a mpaɗ ta a pa, skwi man ta gau i rka tèlèba.

Osée 8:13

Nzli skwi a Zhiklè ambaha ta. Ta zlèhaʼa, aman ta ndeda zluèɗ a ma. Ndo nzi pèc pècèk a wuffè a géɗ tengaʼa azɓai. Antanta a da hér mali ta, a da ga ta kita a géɗ mali ta. Sèi ta minè a deɓa a kokwar Egypte.

Osée 9:9

Nʼndi hwaɗ tengaʼa a gedas ta tèlèba, lèmèlèmè ara man ta gu te Guibea. Ndo nzi pèc pècèk a hér maharam ta, a da gi kita a géɗ mali ta.

Amos 3:2

I parka kinè auda staɗgenè te va ndohi herkeda tèlèba, kinè genè. A géɗ nengaʼa, i ga kinè kita a géɗ mali kinè tèlèba.

Amos 5:22

Aman kin ndaray skwai, i wuffè a géɗ skwi man kin vayè azɓai. A i pi di a mari man kin zlayè a nshid gèɗ azɓai.

Hébreux 8:12

Ta da siyè te va te skwi man ambaɓai man ta giaʼa, a i woya man i hér mali tengaʼa azɓai.

I Samuel 15:2

Ndo nzi pèc pècèk, Zhiklè bi wuɗai, a god arsa: Skwi man Amalek a ga na Israel, i woy a i pelkoɗauda, a géɗ man a mva tacivèd ɓai, man tashkè auda te kokwar Egypte.