Jérémie 13:27 - Ma Zhiklè

²⁷ Mphömè ngaya, ntétékè baki ngaya, mphömè ngaya holholaʼa man hori te pa. A géɗ za, te dak, i rka skwi ngaya man a ndèrè a ndo. Woba ka, Jérusalem! Ka pan ɓai, ka lizhè genè pèc pècèk, ta ngèmè?

Jérémie 13:27 ပူးပေါင်းရင်းမြစ်များ

Psaumes 94:4

Ndohi malihai ta dérɗè ndo, ndohi man ta gi skwi man ambaɓai, ta gre gèɗ.

Psaumes 94:8

Kin ndohi nrzlaʼa te ndev ndohai, va-suna! Kin madaɗauhai, kin da ngècè maya a ngèmè?

Proverbes 1:22

Kinè ndohi man kin hér skwa azɓai, kin woy a kin nzi ara deɓi ndohai tè ngèmè? Ndohi nderɗè ndo ta wuffè a gèɗ ma tengaʼa, a maya ndohi nrzlaʼa a hcè, tè ngèmè?

Esaie 57:7

Ka gu sam mʼmènè ngaya a géɗ za te géɗèʼa; ko do a pa a mʼmbèh skwai.

Esaie 65:7

ha ta pelay mali ta a mali bab ta tèlèba, Ndo nzi pèc pècèk a gada, tenga man ta ndor ɓurdi te za, a ta derdyè te kwazlazlam. Gar haha i liva ta ara mali tengaʼa tèlèba.

Jérémie 11:15

Medemi ga a gi te gi ga mè? A hér skwi man ambaɓai. Mbeza a zluèd man ta va na Zhiklè ta takaha ka te matakwan dè? Ka mbel ngaya a vna dè?

Jérémie 3:6

Ndo nzi pèc pècèk a ngaɗayè, te va man Josias bai. Ka rka skwi man Israel, ngwoz man a nkwolyè, a gu ɗè? A mdo a géɗ zahi mbibihiaʼa tèlèba, a verzi wof ndizlimaʼa tèlèba, a ngu mphömè a pa.

Ezéchiel 16:23

Te deɓ shèwa ngaya haha tèlèba wobau, wobau a géɗ ngaya, Bi Zhiklè a gaɗa.

Ezéchiel 2:10

A winèʼa a sam ga. Skwi mwindèʼa a pa a hwaɗaʼa ba, a deɓaʼa ba. Skwi man mwindè a pa, ma nkuɗai, ma wobau, ma nɗish va.

Ezéchiel 20:28

I de ta a kokwar man i mbaɗa ta a ri ngeda te zhiklè, man i woy a i va ta. A ta rka za tèlèba, wof ndizlimaʼa tèlèba, a ta zloho skwi ta a pa, a ta va na skwi ta a vri a pa, a ta feda skwi tengaʼa a pa man a zhkè amba, a ta bada skwi nsi a hi a pa.

Ezéchiel 24:12

Aman hezi a pa kumba; vogwa a ndi tèlè azɓai.

Ezéchiel 24:13

Ka lizhè va ngaya a mphömè. I woy a i pan ka, aman ka pènè azɓai, te skwi man a lizhè ka. Ka lizhè mènè, ha a i rufa ndzoan ga a sam ngaya.

Ezéchiel 24:6

Gar haha Bi Zhiklè a gaɗa: Wobau a géɗ kokwar man a keɗa ndo, a géɗ shidèf man hezi a pa, a hezi a mpeza auda a pa bai. Ta da porko zluèɗ auda te pa staɗ staɗ, ta goyè a géɗèʼa azɓai.

Ezéchiel 36:25

Te deɓaʼa i da pan kinè a iyam nkéɗècèʼa, a kin pana. I da pan kinè te skwi man a lizhè kinè tèlèba, te mʼmbèh skwi kinè tèlèba.

Ezéchiel 36:37

Gar haha Bi Zhiklè a gaɗa: Aman ndohi Israel ta tsi ri a iyè, i céʼa, a i gi skwi haha a sam tengaʼa a vaʼa: a ndohi ta gi a vata ara rèwè tambak.

Ezéchiel 6:13

A kin da suna, i Ndo nzi pèc pècèk, aman nckondohai tengaʼa ta zhè a skwi mbèh skwi ta, a tsagi vri ta, a géɗ za tèlèba, te ncèlökwöm za tèlèba, a verzi wof ndizlimaʼa tèlèba, a verzi gètèl wof, a sam man ta ndara ta skwi a zhiklèhi mbèh skwi tengaʼa, aman ambaha ta.

Osée 1:2

Ma man Ndo nzi pèc pècèk a gaɗa na Osée nshèlèkuraʼa: Do a ka co fali ngwoz a ngwoz ngaya, a ka da yu fali wudahi te pa! Aman a vava kokwar a nʼngwode na ara fali ngwoz, a njèkeda Ndo nzi pèc pècèk.

Osée 4:2

Ta mbèɗè, ta cèkèlma, ta kéɗ ndo, ta gi metsar, ta gi mphöme, ta gi skwi a wuɗai, mali nkéɗè ndo a dè a ma ma.

Osée 8:5

Samarie, kra zlè ngaya a ndarayè! Ndav a dzayè worworaʼa a géɗ tengaʼa; ta da jèkeda mali a ngèmè?

Sophonie 3:1

Wobau a géɗ kokwar man a gi mèdègèɗ, nlizhèʼa, a gi wuɗai!

Matthew 11:21

Woba ka, kokwar Chorazin! Woba ka, kokwar Bethsaida! Aman agassa ta gu nrkedihi te kokwar Tyr a Sidon, ara man ta gu a sam ngaya, ar ndohi te pa, ta ngwoda ndav ta te mèrwèc nʼnzi a zhè ma.

2 Corinthians 12:21

I gi zlau man i dè zaʼa, Zhiklè a da pay hori a dai a sam kinè, a i lèyè a gèɗ ndohi kumba, man ta gu malai te va nasa, a ta ngwode ndav ta ɓai, a géɗ skwi man ta lizha va ta a vna, man ta beza zlawa a ta gu mphömè.

2 Corinthians 7:1

Dalahimam ga, aman nga ngots ma mpèsl ri aranta, ngo-tülokoy va nga te skwi man a lizhè va a ndav tèlèba, a nga rufa skwi nkezla ndav nga te zlau Zhiklè.

Jacques 4:4

Kinè ndohi mphömè, kin sun ɓi ɗè, ndo man a gi mandala a herkeda, a gi a mayam Zhiklè. Ndo man a woya a gi mandala a herkeda, nengaʼa a ndi a ndo mayam Zhiklè.

Apocalypse 8:13

A i rka, a i tsena Vezi man a hi te ndev giɗfèk, man a goɗ ngèɗè a wuɗai: Wobau, wobau, wobau a sam tengaʼa man ta nza a géɗ herkeda, a géɗ njèkèɗi tolom makar, man golahi Zhiklè ngiɗè ta hinè a ta tsia antanta.