Jérémie 13:10 - Ma Zhiklè

¹⁰ Ndohi ambaɓihiaʼa haha, man ta woy a ta tsena ma ga ɓai, ndohi man ta jèjèr ndav tengaʼa man nsassay a, a ta jèjèr zhiklèhi ngiɗè tsaɗ, a ta tsi ri a tengaʼa, a ta gurɓahi a sam tengaʼa, ta da ndi arsa lèmèlèmè ara skwi deɓ haha man amba a ta gi skwa a vna asaɓai.

Jérémie 13:10 ပူးပေါင်းရင်းမြစ်များ

Psaumes 78:8

a ta gi azɓai ara babhi tengaʼa man ta gu mèdègèɗ a ta tsena gèɗ ɓai, verzi ndohi man ta mana ndav ta ɓai, man mèzhèɓ tengaʼa nlèɓèslèa a sam Zhiklè ɓai.

Esaie 3:24

Modo a da zhkè te di man a ɓurdi; zhèwèd ambalai te di man a skwi deɓa; gèɗ nshèʼa te di man a gèɗ ntsaffaʼa; bho te di man a maslaka mbelaʼa; wuɗah te di man a mbambi man a dai.

Jérémie 11:10

Ta men ta a deɓa a sam mali babhi ta man ta gu mèdègèɗ a sam ma ga, a to do a verzi zhiklèhi mbèh skwai, a ta gu mizlinè tengaʼa. Ndohi Israel a ndohi Juda ta tawaɗaha nderzlè-ma man i derzla a nda babhi ta.

Jérémie 11:18

Ndo nzi pèc pècèk a sendayè, a i suna. I rka maya ta nte hwaɗaʼa.

Jérémie 13:7

A i do a ma woyam Euphrate, a i woykodi skwi deɓa a sam man i ngheda a pa. Aman i rka, skwi deɓa nhusl na ma, amba mʼmènè a deɓa ɓai.

Jérémie 16:12

Kinè, kin gu skwi ambaɓiaʼa holholaʼa, a fena babhi kinè. Na haha, staɗ staɗ te ndev kinè a jèjèr ndav nengaʼa man nsassaya, man ambaɓai, a tsena ma ga bai.

Jérémie 16:4

Sèi gidiɓèr da hel ta ma, ndo nda kuɗ ta, ndo nda re ta azɓai. Sèi ta ndi a mogoɓa te gi dau. Tsakwal a da bazl ta, mi a da bazl ta, a ɗiakihai a skwi dak ta da nde ta ma.

Jérémie 20:4

Gar haha Ndo nzi pèc pècèk a gaɗa: Na haha i praka kinè zlau a va a mandalahi ngaya tèlèba. Ta da bazl ta a tsakwal mayamhi ta, a sam di ngaya. A Juda tèlèba i vi a ri a bi Babylone. Nengaʼa a da hel ta ma a kokwar Babylone, a da bazl ta a tsakwal.

Jérémie 22:21

I gaɗa ka a pats man ka wèl va dai, a ka gaɗa: i cinè azɓai. Ka gu arsa te gol ngaya, ka tsena ma ga ɓai.

Jérémie 23:17

A ndohi man ta derɗyè, ta gaɗa ta: Ndo nzi pèc pècèk a ngoɗo: gumi a nda kinè! A ndohi tèlèba man ta sassaya ndav ta, ta gaɗa: Skwi mwuɗitpa a da ga kinè azɓai.

Jérémie 3:17

A pats nasa, ta da baha na Jérusalem ‘sam nʼnzi bi Ndo nzi pèc pècèk’. Kokwar bihi tèlèba ta dè a ta ɓica va a pa, a Jérusalem, a sam nzlembaɗ Ndo nzi pèc pècèk, a ta jèjèr ndav tengaʼa man nsassaya asaɓai.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 44:16

Ma man ka menda nga a nzlembaɗ Ndo nzi pèc pècèk, nga fi gèɗèʼa azɓai.

Jérémie 44:5

Aman ta tsena ɓai, ta fa zlembaɗ ɓai, ta jèkeda mali ta ɓai, ta jèkeda mʼmbèh skwi ɓai.

Jérémie 5:23

Ndohi haha ta gi mèdègèɗ, ta kiɗèhɗè va, ta ngwodkay deɓa, ta kal ta.

Jérémie 7:13

A géɗ man kin gi skwi haha tèlèba, Ndo nzi pèc pècèk a gaɗa, a kin woy a kin tsena ma ga ɓai, ko i gèɗè a prèk, ko i gèɗè a dakwaɗ, ko i baha kinè, kin mbeɗay a pa azɓai,

Jérémie 7:6

kin ga ta matakwan a ndohi mbrokihi a kra dikai a ngwoz mazi ɓai, kin keɗa ndo man nʼnga mali ɓi ɓai, kin dzodzor zhiklè mbèh skwi ɓai, kin gedassa va kinè a vna ɓai;

Jérémie 8:5

Ndohi haha ta men ta a deɓa èhè-mè? Jérusalem a mʼmen na a deɓa a mèdèp èhèmè? Ta ghsè va a ncèkèlma, a ta woy a ta ngwèdè ndav azɓai.

Jérémie 9:13

Ndo nzi pèc pècèk a gaɗa: A géɗ man ta kwola ma kita ga, man i va ta, ta fa gèɗ a ma ga ɓai, ta dzadzara ɓai,

Jérémie 9:14

aman ta dzodzor ndav ta nsassayaʼa, ta dzodzor Baal man babhi ta ta senda ta.

Jérémie 9:6

Ta gi skwi a wuɗi a ma ma, ta cèkèl ma a ma ma, ta woy a ta senyè ɓai, Ndo nzi pèc pècèk a gaɗa.

Nombres 14:11

A Ndo nzi pèc pècèk a ngaɗa na Moise: Ndohi haha ta kwolyè, ta derɗyè, ta da ndikèda a ngèmè? Ko ta rka skwi tèlè man i gu a sam ta, ta da cè a ndav a ngèmè?

Actes 7:51

Kinè ndohi mèdègèɗ, ndav kinè a zlembaɗ kinè ntil ɓai, kin Sala na va a gèɗ a Mèzhèɓ Zhiklè nkezlaʼa pèc pècèk, lèmèlèmè ara babhi kinè.

Hébreux 12:25

Va-gu maya, kin kwola ma nengaʼa man a gèɗè ɓai! Aman tengaʼa man ta kwola nengaʼa, man a goɗ tʼherkeda, ta mbel ta ɓai, holholaʼa aman nga kwola nengaʼa man a gèɗè te zhiklè.