Jérémie 12:6 - Ma Zhiklè

⁶ Ko kramamhi ngaya, ko ndohi gi bab ngaya, ta cèkèl ma a géɗ ngaya. Ta ɗèfè ka ri a dengai. Ka co a ndav ɓai, ko ta gaɗa ka ma nhènèkèʼa!

Jérémie 12:6 ပူးပေါင်းရင်းမြစ်များ

Job 6:15

Kinè kramamhi ga, kin ngwodyè tʼhwaɗaʼa te nʼnderh ma ambalai.

Psaumes 12:2

Ndo nzi pèc pècèk, takahayè; aman ndo man a gi zlau Zhiklè, klèng, nlèɓèslè a sam ndohi herkeda, klèng.

Psaumes 12:3

Ta cèkèlma a va ta, ta shibèndè va ta a deɓa genè, ndav ta nkezla cèw.

Psaumes 69:8

I cèʼa aman ta derɗyè i zuɓ horai a géɗ ngaya.

Proverbes 23:8

Ncèk ri staɗ man ka feda a ma ngaya, ka da saffedaussa, ka gedassa ma ngaya mbelaʼa ambalai.

Proverbes 26:25

Aman a gada ka ma nhènèkèʼa, ka fu gèɗ a ma nengaʼa ɓai! Aman te ndav nengaʼa, skwi man ambaɓi tsaraɗ te pa.

Esaie 31:4

Aman Ndo nzi pèc pècèk a ngaɗayè: Lèmèlèmè ara marizhèlè a wud nengaʼa ta bebrè a géɗ skwi man ta gso, a ndohi nwèr skwai tèlèba ta kala na gèɗ, a gi zlau nhèzlèwè tengaʼa azɓai, a gi gurts a sam ta azɓai – lèmèlèmè Zhiklè bi mbiaʼa a shkè a ngi var a géɗ za Sion, a géɗ za nengaʼa.

Jérémie 11:19

Iyè ara tambak man ta da zli daiaʼa. Ta vhè ma a géɗ a iyè, i sun ɓai: Ngo-gedossokoy wof man a yi dai, ngo-zudokoy auda tʼherkeda man ndohi ta nza te pa a nshèffè, a ta slefi nzlembaɗ nengaʼa asaɓai!

Jérémie 11:21

Gar haha Ndo nzi pèc pècèk a goɗ aranta, a géɗ ndohi Anathoth man ta woy a ta zeday nshèffè ga, a ta gaɗa: ka hodko ma a nzlembaɗ Ndo nzi pèc pècèk ɓai, man ɓai nga keɗ ka!

Jérémie 20:10

I tsena ndohi kumba ta ngryè: Skwi mwuɗitpa tèlèba! Va-püno! Nga da pinèʼa! Kinè mandalahi na tèlèba, va-pu vaʼa! Wa ngiɗè ba nga gshèʼa, a nga da a kita!

Jérémie 9:2

Nda vay gèjèk dak tʼhèshèkèɗ wa? A i jèke ta ndohi ga a pa, a i dè ga; ta tèlèba ndohi mphömè, ndohi ngi rai.

Jérémie 9:3

Nèʼèn ta mwosla a ncèkèlma, skwi nzura ka ɓai a gi bi te kokwar. Ta gu mali a ma ma, a ta senyè ɓai, Ndo nzi pèc pècèk a gaɗa.

Jérémie 9:4

Staɗ staɗ te ndev kinè, da gsa va a mandai na ɓai, da fu gèɗ a kramam na ɓai! Aman kramamhi tèlèba ta gi ara Jacob; mandalahi tèlèba ta ngre kinè.

Jérémie 9:5

Ta tèlèba ta ngwoda mandai ta, ta gèɗè ma nzuraʼa azɓai, ta slebau ncèkèlma, ta gi malai a ta jèkeda azɓai.

Matthew 10:21

Ndohi ta da vi kramamhi ta a naʼmetsai; bab a da vi kra na, a wudahi ta da slèmbèɗè a gèɗ a bab ta a mam ta, a ta da bazl ta.

Marc 12:12

A ta woya a ta gshèʼa, aman ta gu zlau ndohi rèdèdèʼa. Ta suna, Yèsu a ngoɗ ngèlègèɗ-ma a géɗ tengaʼa. A ta jè-keda, a to do ta.

Jean 7:5

Aman kramamhi nengaʼa ba, ta ca a ndav ɓai.

Actes 16:22

A ndohi ta gu ndav a gèɗ tengaʼa, a bihi sojè ta kuratsa maslaka tengaʼa a ta gaɗa, aman ta ndah ta a mènèwèd.

Actes 18:12

Aman Gallion ngomna te kokwar Achaie, ndohi Juif tèlèba ta slambaɗa na va a Paul, a ta daʼa a sam kita.