Jérémie 12:16 - Ma Zhiklè

¹⁶ Aman te deɓaʼa ta slebi civèɗ ndohi ga, a ta mbèɗè a nzlembaɗ ga, a ta gaɗa: Ndo nzi pèc pècèk a zhè! Ara man ta senda ta ndohi ga a ta mbaɗa a nzlembaɗ Baal, i til ta a pa zaʼa, te ndev ndohi ga.

Jérémie 12:16 ပူးပေါင်းရင်းမြစ်များ

Cantique des Cantiques 1:8

Aman ka da sun sama ɓai, ka dem man ka fen ta ngwozi tèlèba, dzodzor sak tambakihai, lè ta wud ɓokwi ngaya a tsagi ndohi mwèr skwai.

Esaie 2:3

a ndohi man verzi ta tsaɗ a vata ta dè a pa a ta gaɗa: Vo-washkè, ngo-dokoya a za Ndo nzi pèc pècèk, a gi Zhiklè Jacob, aman a da ngra nga civèɗ nengaʼa, a nga bizhè a pa. Aman ma kita a shkè te Sion, ma Ndo nzi pèc pècèk a shkète Jérusalem.

Esaie 42:6

Iyè, Ndo nzi pèc pècèk, i baha ka te nzuraʼa, i gs ka te rai, i til ka, i ga ka a ndo nderzla ma a ndohai, a skwi nhél sam ndohi herkeda.

Esaie 45:23

I mbaɗa a ma ga, i goɗ zuraʼa te ma ga, ma man a fshè-wa azɓai. Gurmbèzhi tèlèba ta da gurɓè a sam ga, tèlèba ta mbèɗè te ma:

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 65:16

Ndo te kokwar man a woya a ngècè mpshè ma, a ngècè a sam Zhiklè nzuraʼa. Ndo man a woya a mbèɗè, a mbèɗè a nzlembaɗ Zhiklè nzuraʼa. Aman matakwan nha-laʼa mpcèy a gèɗ, a di ga a rka asaɓai.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Jérémie 18:8

Aman i goɗ ma ambaɓiaʼa a géɗ ndohi sa, te deɓaʼa ta ngwode ndav ta, i jèkeda, i ga ta ɓai.

Jérémie 3:17

A pats nasa, ta da baha na Jérusalem ‘sam nʼnzi bi Ndo nzi pèc pècèk’. Kokwar bihi tèlèba ta dè a ta ɓica va a pa, a Jérusalem, a sam nzlembaɗ Ndo nzi pèc pècèk, a ta jèjèr ndav tengaʼa man nsassaya asaɓai.

Jérémie 4:2

Aman ka mbaɗa a nzlembaɗ Ndo nzi pèc pècèk a vava, zuraʼa, te ngi-zuraʼa, te deɓaʼa ndohi herkeda ta pshè ka ma a nzlembaɗ Ndo nzi pèc pècèk, a ta nzal ka a nzlembaɗ nengaʼa.

Jérémie 5:2

Ta gaɗa: Ko Ndo nzi pèc pècèk a zhè, ta mbèɗè a ta cèkèl ma.

Jérémie 5:7

Zhiklè a gaɗa: Ar i pra ka mali èhè-mè? Wudahi ngaya ta jèkyè, ta mbaɗa, aman a nzlembaɗ Zhiklè ka ɓai. I va ta skwi a ta ngezaʼa, a to do a ta gu mphömè, ta sawala te gi fali ngwozai.

Jérémie 6:16

Ndo nzi pèc pècèk a goɗ ar haha: Va-zlatsa a civèɗ, va-rkaʼa, va-dzhoɗ civèɗ nhalaʼa: civèɗ mʼmbel ndo tema? va-beza a pa, a kin ngècè nshèk va te ndav kinè. Aman ta gaɗa: Nga woya mbizhè a pa ɓai.

Sophonie 1:5

ta tèlèba man ta gurɓèhai a géɗ gai, a ta tsi rai a bantihai, ta tèlèba man ta gurɓahai a ta mbèɗè a nzlembaɗ Ndo nzi pèc pècèk a nzlembaɗ Milcom cèw ba.

Zacharie 1:6

Aman ma ga, a skwi man i basla na gèɗ a va a i gaɗa ta ndohi mizlinè ga, ndohi nhadka ma, nʼnga ta babhi kinè ɓi ɗè? A ta menkaɗa deɓa a ta gaɗa: Skwi man Zhiklè bi mbiaʼa a nhur a da ga nga, ara civèɗ nga, ara mizlinè nga, nʼnga nga arsa a vava.

Zacharie 2:11

A pats nasa ndohi herkeda kumba ta da gshè va a Ndo nzi pèc pècèk, a ta ndi a ndohi na. A nengaʼa a da nzi a ndev tengaʼa. A ka da suna, Zhiklè bi mbiaʼa a nzlindkayè.

Romans 11:17

Wof te gi lak, ta ngelaha rihiaʼa, tengaʼa ndohi Juif. Ka man Juif ka ɓai, ka ara ri wof tʼhèshèkèɗ, man ta kala na ma nte gi lak. Ka ngots ar haha skwi zluzlor tengaʼa, a iyam wof nengaʼa.

Romans 14:11

Nga tèlèba ta da zlatsede nga a sam nʼnzi kita Zhiklè. Aman ɗèlèwèr Zhiklè a gaɗa: Gurmbèzhihi tèlèba sèi ta da gurɓè a sam ga ndèzl, a nèʼènhi tèlèba ta ngredè Bi Zhiklè.

1 Corinthians 3:9

Nga mba a mizlinè a nda Bi Zhiklè. Kinè, kin gi dau Zhiklè; kinè, kin gi man Zhiklè a nroma.

Josué 23:7

Kin dzakaɓa va a njèkèɗi ndohi herkeda haha ɓai! Kin slefu nzlembaɗ zhiklèhi tengaʼa bai, kin mbaɗa a nzlembaɗ tengaʼa ɓai! Kin dzodzor tengaʼa ɓai, kin tsu ri a tengaʼa ɓai!

Ruth 3:13

Nze ngaya a haha a vad haha! A prèk, aman a woya a nce ka, da ce ka. Aman a woya a nce ka ɓai, iyè i da ce ka, ara man Ndo nzi pèc pècèk a zhè a nshèffè a vava. Sèi ka nzhunè ha prèk.