Jérémie 12:11 - Ma Zhiklè

¹¹ Ta ngwoda a hèshèkèɗ, ngedassaʼa a sam di ga, a lèyè. Kokwar tèlèba ngedassa, a layde ta ndohi azɓai.

Jérémie 12:11 ပူးပေါင်းရင်းမြစ်များ

Ecclésiaste 7:2

Dara ka dè a gi man ta kuɗi ndo te pa, a géɗ ndè a gi man ta gi ngolala te pa. Aman mʼmetsai, ndikè-ma ndohi tèlèba, a ndohi man ta zhè a nshèffè ta hérèʼa.

Esaie 42:25

A géɗ nengaʼa a ga ta ndzoan a ndohi na, a matakwan var mwuɗitpa, a tèuda ta a pa ara nèʼèn vogwa, a fa na vogwa a skwi tèlèba; aman ta woy a ta hérè azɓai. Ko vogwa a nʼnde ta ma, ta héra te ndav ɓai.

Esaie 57:1

Ndo nzuraʼa a metsi na, ndo nhérèʼa azɓai. Ndohi man ta woy Zhiklè, ta bazl ta, ndo a nfa ta gèɗ ɓai. Te man mali a zhè, ndo nzuraʼa a metsi na,

Jérémie 10:22

Ntsenka mè? Nhèzlèwè mbiaʼa te civèɗ man a géɗèʼa, aman a ndeda kokwar Juda a hèshèkèɗ, a gi skwi dak.

Jérémie 10:25

Ga ta ndzoan ngaya a gèɗ a ndohi nte deɓa, man ta sen ka ɓai, a gèɗ verzi ndohai, man ta tsi ri a nzlembaɗ ngaya azɓai. Aman ta ndeda Jacob a ma, ta ndeda ma, ta ndevaʼa, a ta gedassa gi na.

Jérémie 14:2

Juda a lèyè, ta tiɗè a mi iyam tʼhwaɗ kokwar, ta wusha tʼhai, ndohi Jérusalem ta tsi lalau a géɗèʼa.

Jérémie 19:8

Kokwar haha, i da gi a skwi man ta gi zlauaʼa, a ta ngwèshè a pa. Ko wawa man a da bizhè a pa, a da rzl na, a liv ta, a géɗ matakwan tengaʼa tè-lèba.

Jérémie 23:10

Aman herkeda nʼndha a mphöme. Kokwar mphomda a géɗ nengaʼa, a lèyè. Sam nɗaʼa tʼhèshè-kèɗ ngwora. Nshèffè tengaʼa, maya man ambaɓai. Ta manda ndav ta a verzi skwi nzura ka ɓai.

Jérémie 25:11

Herkeda haha tèlèba a di a gédèsh na, a lèyè, a ndohi kokwar haha sèi ta gi ɓèl bi Babylone, mvi 70.

Jérémie 4:20

Ngédèshè kalkaɗai, kokwar tèlèba ngedas na. Tsam-tsam gihi ga ta gedas ta, tsam-tsam sam nʼnzi ga ngedas na.

Jérémie 4:27

Aman Ndo nzi pèc pècèk a goɗ ar haha: Herkeda tèlèba a da gédèsh na; aman i woy a i zeda a mèdèp ɓai.

Jérémie 4:28

Herkeɗa a da lèyè, giɗfèk a da madz na te géɗèʼa. Iyè a ngoɗa, i basla na gèɗ a va, i mindè ma ga a deɓa azɓai, i ngwèdè gèɗ ga azɓai.

Jérémie 6:8

Jérusalem, co man i ngatsa ka maya; man ɓai i da kwol ka, man ɓai i ndede ka a hè-shèkèd, a herkeda man ndo a nzi a pa azɓai.

Jérémie 9:10

I hinè nkuɗi za, i hinè ntsi nguzlah a géɗ sam nɗaʼa. A nde na hèshèkèɗ, ndo a bizhè a pa azɓai, kuɗ skwa a te pa ɓai; ɗiakihi a skwi dak tèlèba ta venda gèɗ ta ma.

Jérémie 9:11

I da mbeɗɗa Jérusalem a hai, a i ndeda a gi skwi dak. I ndeda kokwar Juda a hèshèkèd, a ndo a nzi a pa azɓai.

Jérémie 9:9

A géɗ skwi haha i gi kita tengaʼa azɓi dè? Ndo nzi pèc pècèk a gaɗa. Ndohi aranta ta pelay gèɗ azɓi dè?

Joel 1:10

Gi dau a nʼnde na a gi zlambi ma. Herkeda a mwuc na ma, dau ngedas na ma, zom a nshe na, mbar a nhusl na.

Lèv. 26:32

Iyè a ri ga i woy a i gedassa kokwar, a mayamhi kinè ta nzi a pa, ta rkaʼa, a ta gi zlau a géɗèʼa.

Zacharie 7:5

Gaɗa ta ndohi kokwar tèlèba, a ndohi mvi skwi a Zhiklè: Aman kin jèkeda skwi nʼndai, a kin kuɗai, a ki mazlamaʼa, a ki matsaraɗaʼa, tʼhwaɗ mvi 70 ma, kin gu a géɗ ga ɗè?

Mal. 2:2

Aman kin fi zlembaɗ azɓai, a kin fi gèɗ a kin njèl nzlembaɗ ga azɓai, i pra kinè ma man a phomde kinè a gèɗ, a i ngwode mpshè ma kinè a ma mphomdaʼa. Halau, i da phomde kinè, te man kin fi gèɗèʼa azɓai.

Romans 8:22

Nga suna, skwi tèlèba, ha antanta, a ɗish va, ara ngwoz man a yi kra.