Jérémie 11:10 - Ma Zhiklè

¹⁰ Ta men ta a deɓa a sam mali babhi ta man ta gu mèdègèɗ a sam ma ga, a to do a verzi zhiklèhi mbèh skwai, a ta gu mizlinè tengaʼa. Ndohi Israel a ndohi Juda ta tawaɗaha nderzlè-ma man i derzla a nda babhi ta.

Jérémie 11:10 ပူးပေါင်းရင်းမြစ်များ

Psaumes 78:57

Lèmèlèmè ara bababhi ta, ta lèɓèslè ɓai. Ta men la a deɓa, a ta gu ara sulom man a ngwoda ta va a gèɗ.

Esaie 24:5

a géɗ man ndohi ta derɗe kokwar ta, ta tawaɗaha ma kita, ta dzadzara ma nkwèr ta ɓai, ta pra nderzlèma ta, man ta derzla a mèdèp.

Jérémie 13:10

Ndohi ambaɓihiaʼa haha, man ta woy a ta tsena ma ga ɓai, ndohi man ta jèjèr ndav tengaʼa man nsassay a, a ta jèjèr zhiklèhi ngiɗè tsaɗ, a ta tsi ri a tengaʼa, a ta gurɓahi a sam tengaʼa, ta da ndi arsa lèmèlèmè ara skwi deɓ haha man amba a ta gi skwa a vna asaɓai.

Jérémie 17:23

Aman ta tsena ɓai, ta fa zlembaɗ ɓai, ta sassaya di ta, ta woy a ta tsena ɓai, ta woy a ta cè ma man i njè ta ɓai.

Jérémie 22:9

A ta da gèɗèʼa: A géɗ man ta jèkeda nderzlè-ma Ndo nzi pèc pècèk, Zhiklè ta, a ta kalahi a deɓ sak vrihi a ta gu mizlinè ta.

Jérémie 31:32

Nderzlè-ma lèmèlèmè ara man a babhi ta ka ɓai, a pats man i hel ta, a i de ta auda te kokwar Egypte, tengaʼa man ta dzodzor nderzlè-ma ga ɓai, ko i bi ta, Ndo nzi pèc pècèk a gaɗa.

Jérémie 44:16

Ma man ka menda nga a nzlembaɗ Ndo nzi pèc pècèk, nga fi gèɗèʼa azɓai.

Jérémie 44:5

Aman ta tsena ɓai, ta fa zlembaɗ ɓai, ta jèkeda mali ta ɓai, ta jèkeda mʼmbèh skwi ɓai.

Jérémie 7:28

Ka da gaɗa ta; na haha ndohi herkeda man ta woy a ta tsena ma Ndo nzi pèc pècèk, Zhiklè tengaʼa ɓai, ta cè azɓai man a ngatsa ta maya. Ma nzuraʼa azɓai, ma nzuraʼa a te ma ta ɓai.

Jérémie 9:6

Ta gi skwi a wuɗi a ma ma, ta cèkèl ma a ma ma, ta woy a ta senyè ɓai, Ndo nzi pèc pècèk a gaɗa.

Ezéchiel 16:59

Aman Bi Zhiklè a gaɗa: I ga ka lèmèlèmè ara man ka gau, man ka pra nderzlè-ma a ka derɗa ma mʼmbèdè a vna.

Ezéchiel 44:7

Kin va ta civèɗ a ndohi man verzi ta tsaɗ, ndohi man ngwon nʼngel ɓai, man ta ngwoda ndav ta ɓai, a ta shkè a sam ga nkezlaʼa, a ta dérɗèʼa, aman kin vau skwi nʼndi ga mbeza a Pombaz. Aranta kin pra nderzlè-ma ga, a skwi hori kinè tèlèba.

Ezéchiel 5:6

Te man nengaʼa a ngu mèdègèɗ, a ta tawaɗaha ma kita ga, a shèwa a fena ndohi nte deɓa. A ta kwola ma nkwèr ga, ta dzadzara bai, a fena ndohi te kokwar man a tsagiaʼa.

Osée 6:4

I da gi a ka mè, Ephraim? I da gi a ka mè, Juda? Mwoy-ndo man kin woy iyè a vna, nara vani malama, nara minmèn a prèk man a wush na.

Osée 6:7

Aman tengaʼa nte Adma ta tawaɗaha nderzlè-ma. Te pa ta hüno a ta jèkyè.

Osée 7:16

Ta dè a ta woy Baal, ta ara lèkèɗ man a nʼngwoda ta va a gèɗ. Bihi tengaʼa sèi ta bazl ta a tsakwal, a géɗ ma tengaʼa man ta derdyè a vna. A ndohi Egypte ta da ngwossaha ta.

Lèv. 26:15

aman kin kwola ma nkwèr ga, kin woya ma kita ga bai, a kin gi ara ma nkwèr ga tèlèba azbai, a kin prè nderzlè-ma ga aranta,

Sophonie 1:6

Ta tèlèba man ta ngwoda na deɓa a Ndo nzi pèc pècèk, a ta woy a ta tsi ri a nengaʼa ɓai.

Zacharie 1:4

Kin gu ara babhi kinè ɓai, man ndohi nhadka ma ta njè ta ma zlèzlèa: Zhiklè bi mbiaʼa a goɗ ar haha: Vajèkeda civèɗ kinè man ambaɓai, a mizlinè kinè man ambaɓai! Aman ta gu mèdègèɗ, ta fu gèɗ a ma ga ɓai, Ndo nzi pèc pècèk a gaɗa.

Zacharie 7:11

Amán babhi kinè ta woy a ta gi arsa ɓai; ta sassaya ndav ta, ta ndè zlembaɗ ta.

Zacharie 7:13

Aman a mboho, tengaʼa ta fa zlembaɗ ɓai, Zhiklè bi mbiaʼa a gaɗa. Lèmèlèmè tengaʼa ta bèhè antanta, a iyè, i fi zlembaɗ azɓai.

Deutéronome 31:16

Ndo nzi pèc pècèk a ngaɗa na Moise: Na haha ka da metsi ngaya, a ka dè a va babhi ngaya. A ndohi haha ta da dè a ta da kèlèhi a deɓ sak zhiklèhi ngidè tsaɗ te kokwar man ta dè a pa. Ta da jèkyè, ta da gi mali a sam nderzlè-ma man i gu a nda ta.

Deutéronome 9:7

Huro, ara man ka poko na gèɗ ndav auda a Ndo nzi pèc pècèk, Zhiklè ngaya, tʼhèshèkèɗ; da pca ka a gèɗ ɓai! Ka gu mèdègèɗ a sam Ndo nzi pèc pècèk a hünko te pats man kin shkè auda te kokwar Egypte, ha mshkè kinè a sam haha.

Hébreux 8:9

Ara nderzlè-ma mʼmovaʼa ka ɓai, man i gau a nda bababhi tengaʼa, a pats man i gs ta te rai, a i de ta auda te kokwar Egypte. Aman ta gsa va a nderzlè-ma ga ɓai: gar haha i fa ta gèɗ ɓai, Bi Zhiklè a gaɗa.

Juges 2:11

A ndohi Israel ta gu skwi man ambaha Ndo nzi pèc pècèk ɓai, a ta dzodzor Baalhai.

Juges 2:17

Aman ko a ma ndohi kita ba, ta fa na zlembaɗ azɓai, a géɗ man ta dzodzor zhiklèhi ngiɗè tsaɗ, a ta tsu ri a tengaʼa. Tsam-tsam ta jèkeda civèɗ bab ta, man ta dzodzor Ndo nzi pèc pècèk, man ta fu gèɗ a ma nkwèr nengaʼa. Wudahi tengaʼa ta ga lèmèlèmè ara babhi ta ɓai.

Juges 2:19

Aman ndo kita a mʼmets na ma, ta gu mali holholholaʼa a fena babhi tengaʼa zaʼa. A ta dzodzor zhiklèhi ngiɗè tsaɗ, a ta tsu ri a tengaʼa, a ta gu mizlinè tengaʼa. Ta gi skwi tengaʼa man ambaɓi genè, a ndav tengaʼa nsassaya.

I Samuel 15:11

Ndav a dzayè a gèɗ man i feda Saul a bai; aman nengaʼa a nʼngwoday deɓa, a ndzodzor ma ga ɓai. A ndav Samuel a mʼmbeɗ na, a kuɗi a sam Ndo nzi pèc pècèk tʼhwaɗ vaɗ sa tèlèba.