Jérémie 10:6 - Ma Zhiklè

⁶ Ndo nzi pèc pècèk, ngiɗè ngar ka azɓai. Ka mbiaʼa, nzlembaɗ ngaya mbiaʼa, a géɗ wuɗi ngaya.

Jérémie 10:6 ပူးပေါင်းရင်းမြစ်များ

II Samuel 7:22

A géɗ nengaʼa ka mbiaʼa, Zhiklè, Ndo nzi pèc pècèk. Ngar ka asaɓai. Zhiklè ngiɗè a tsagi ngaya asaɓai, te ma tèlèba man nga tsena a nzlembaɗ nga.

I Chroniques 16:25

Aman Ndo nzi pèc pècèk, mbiaʼa, amba aman nga shida na gèɗ kumba. Nengaʼa, wuɗi na zhè, a fena zhiklèhi ngiɗè tèlèba.

Néhémie 4:14

A i warkoɗi tèlèba, i slambaɗa, a i gaɗa ta mbibihiaʼa a ndohi mɓer kokwar, a njèkèɗi ndohai: Kin gu zlau tengaʼa ɓai! Va-hur Ndo nzi pèc pècèk mbiaʼa, man wuɗi na zhè, va-gu var a géɗ kramamhi kinè, a géɗ wudahi kinè a dalahi kinè a ngwozi kinè a gi kinè!

Néhémie 9:32

Anai Zhiklè nga, Zhiklè mbiaʼa, man wuɗi na zhè, wuɗitpa, man ka gi ara man ka derzla ma te pombai. Ka rka matakwan tèlèba man a ga nga, a bihi nga, a wud bihi nga, a ndohi mvi skwi a Zhiklè nga, a ndohi nhadka ma, babhi nga, a ndohi ngaya tèlèba, daga pats man bihi Assyrie ta zhè, ha patsna, ara skwi ambali genè ɓai.

Psaumes 145:3

Ndo nzi pèc pècèk mbiaʼa, amba aman ta slébèrdèʼa, ngima nʼnjèl nengaʼa azɓai.

Psaumes 147:5

Bai, Zhiklè nga, mbiaʼa, wuɗi na zhè a vata, ngima nengaʼa azɓai.

Psaumes 35:10

Nfèfèn va ga tèlèba ta da gèɗèʼa: Ndo nzi pèc pècèk, ntar ka wa? Man a mbél mbelawa te ri ndo mbiaʼa man a fena nengaʼa, a mbél ndo ntawassaʼa te ri ndo metsar?

Psaumes 48:1

Dimèsh. Psaume ndohi Koré.

Psaumes 96:4

Aman Ndo nzi pèc pècèk mbiaʼa, amba aman nga shida na gèɗ kumba. Nengaʼa wuɗitpa, a fena zhiklèhi ngiɗè tèlèba.

Exode 15:11

Te va zhiklèhai, nlèmdè va a ka wa, Ndo nzi pèc pècèk? Nʼnjèl ngaya mbiaʼa, nkezlaʼa, ka wuɗitpa te skwi mbiaʼa man ka giaʼa, te nrkedi ngaya man ka ngreda.

Exode 8:10

A ta patskoɗauda; a kokwar tèlèba a zhkè a géɗ tengaʼa.

Exode 9:14

Aman antanta i da faha kinè a golahi ngaya a ndohi ngaya matakwan ga tèlèba, a ka da shinèʼa, Zhiklè ngiɗè gar iyè tʼherkeda azɓai.

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 40:18

Kin woy a kin lèmdè Zhiklè a wa, a mèzhèɓ mè?

Esaie 40:25

Kin woy a kin lèmdyè a wa, a kin gaɗa, i lèmèlèmè ara nengaʼa? Zhiklè nkezlaʼa a gaɗa.

Esaie 46:5

Kin humdyè, a kin lèmdyè, a va wa? Kin lèmdyè a wa, a nga gi lèmèlèmè a vna?

Esaie 46:9

Va-hur skwi nshèlèkuraʼa man a zhè tʼhinkaɗ na: Iyè Zhiklè, ngiɗè azɓai. Iyè Zhiklè staɗgenè, nlèmèlèmè ara iyè azɓai.

Jérémie 10:16

Jacob a nʼngatsa aranta ɓai. Skwi man a nʼngotso, Zhiklè, man a ngau gedam tèlèba. Israel ndohi nʼndi gi na. Nzlembaɗ na Zhiklè bi mbiaʼa.

Jérémie 32:18

Ndohi gozhèm gozhèm ta se ka te va, aman ka gi kita a géɗ mali babhi ta, a sam wudahi te verzi ta. Ka Zhiklè mbiaʼa, man wuɗi ngaya a zhè, man nzlembaɗ ngaya: Zhiklè bi mbiaʼa.

Daniel 4:3

Skwi man a ngreda auda mbiaʼa, a nrkedi nengaʼa wuɗitpa! Kokwar-bi nengaʼa, kokwar-bi a mèdèp, ngi-bi nengaʼa a dè a ma ma, te verzi wud wuda.

Daniel 4:34

Te deɓ mvi tsaraɗ, iyè Nebucadnetsar, i pu di a zhiklè, a maya ga a mʼmenkaɗ na a deɓa. I shüd gèɗ a Zhiklè te géɗèʼa, i slébèrdèʼa, a i nzalaʼa, nengaʼa man a nzi a mèdèp, man kokwar-bi nengaʼa a dè a ma ma te verzi wud wuda.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

1 Corinthians 8:6

nga ngots Bi Zhiklè nga staɗgenè, Bab nga, te nengaʼa skwi tèlè a shkè, a nga a sam nengaʼa. Bi nga staɗgenè, Yèsu Kristi, te nengaʼa skwi tèlè a zhè, a nga te nengaʼa.

Deutéronome 32:31

Aman za tengaʼa az lèmèlèmè ara za nga ɓai; mayamhi nga ta sun nɗèlè arsa.

Deutéronome 33:26

Ngiɗè gar Zhiklè azɓai, Israel. Nengaʼa man a hakaɗi a giɗfèk aman a nda takaha ka, a dè te va vanai ara nʼnjèl nengaʼa.