Jérémie 10:16 - Ma Zhiklè

¹⁶ Jacob a nʼngatsa aranta ɓai. Skwi man a nʼngotso, Zhiklè, man a ngau gedam tèlèba. Israel ndohi nʼndi gi na. Nzlembaɗ na Zhiklè bi mbiaʼa.

Jérémie 10:16 ပူးပေါင်းရင်းမြစ်များ

Psaumes 119:57

Di man a ga, Ndo nzi pèc pècèk, i gèɗèʼa: i ɓer ma ngaya.

Psaumes 135:4

Ndo nzi pèc pècèk a nʼngotsko Jacob auda, a nʼngotsko Israel auda a skwi na.

Psaumes 142:5

Pu di a civèɗ ri mandai, woro: ndo a se-nyè ɓai, sam man i hi a pa azɓai; ndo a mpay di a nshèffè ga azɓai.

Psaumes 33:6

Ma Ndo nzi pèc pècèk a ngau giɗfè-kihai, nshèffè te ma nengaʼa a ngau skwi tèlè te pa.

Psaumes 73:26

Ko va ga a ndav ga ta hohoy ta, ka Bi Zhiklè, sam ga ngedeng-gedengaʼa, a skwi man i ngotso a mèdèp.

Psaumes 74:2

Hur mpi ndohi ngaya, man ka ngats ta halaʼa, man ka sumka ta a deɓa a ta gi a ndohi nʼndi gi ngaya, za Sion, man ka nza a pa.

Exode 19:5

Anai aman kin woy a kin tsena ma ga, a kin nzi te nderzlè-ma ga, te va ndohi a géɗ herkeda tèlèba, kinè ndohi ga, aman herkeda tèlè a ga.

Exode 34:9

Ndo nzi pèc pècèk, man i ngots pombai a sam di ngaya, ka Ndo nzi pèc pècèk, do a nda nga. Aman ndohi haha ta tsena gèɗ bai. Pra nga mphömè a mali nga, ge nga a ndohi nʼndi gi ngaya!

Proverbes 16:4

Ndo nzi pèc pècèk a ngu skwi tèlèba, ngiɗè a ngima na, ngiɗè a ngima na, ko ndo ambaɓiaʼa ba, ha a da ndikè a sam matakwan.

Esaie 19:25

man Ndo nzi pèc pècèk a pshè na ma, a ngaɗa: I pshè na ma a kokwar Egypte, ndohi ga, a Assyrie, skwi man ri ga a ngau, a Israel, skwi nʼndi gi ga.

Esaie 45:7

I gi skwi nhél sam, i gi ruva, i tsi gumai, i vi matakwan, iyè Ndo nzi pèc pècèk, man i gi skwi haha tèlèba.

Esaie 47:4

Ndo mʼmbel nga a gaɗa: nzlembaɗ na Zhiklè bi mbiaʼa, Zhiklè Israel nkezlaʼa.

Esaie 47:6

I gu ndav a géɗ ndohi ga; i rka nʼndi-gi ga ara skwi mphomaʼa, i pa ka a rai. Ta se ka te va ɓai; ko babgai, ka kelawa na wof a daʼai.

Esaie 51:15

Iyè Ndo nzi pèc pècèk, Zhiklè ngaya, man i geda iyam mbiaʼa, a gi tsuvoɗoh-tsuvoɗohaʼa—nzlembaɗ ga Zhiklè bi mbiaʼa.

Esaie 54:5

Nengaʼa man a nge ka, baki ngaya; nzlembaɗ na Zhiklè bi mbiaʼa, Zhiklè Israel nkezlaʼa, man a mbel ka. Ta baha na Zhiklè herkeda tèlèba.

Jérémie 10:12

Zhiklè a ngau herkeda a wuɗi nengaʼa, a ngeda pa a maya na, a ngu giɗfèk a géɗ man a sun ngiaʼa.

Jérémie 10:6

Ndo nzi pèc pècèk, ngiɗè ngar ka azɓai. Ka mbiaʼa, nzlembaɗ ngaya mbiaʼa, a géɗ wuɗi ngaya.

Jérémie 31:35

Ndo nzi pèc pècèk a goɗ ar haha: Nengaʼa man a vi pats, a hél sam a pats, a til kia a bantihai, a ta hél sam a vad, nengaʼa a gidè iyam mbiaʼa, a hubètè tskuɗuf-tskuɗufaʼa, Zhiklè bi mbiaʼa, nasa nzlembaɗ na.

Jérémie 32:18

Ndohi gozhèm gozhèm ta se ka te va, aman ka gi kita a géɗ mali babhi ta, a sam wudahi te verzi ta. Ka Zhiklè mbiaʼa, man wuɗi ngaya a zhè, man nzlembaɗ ngaya: Zhiklè bi mbiaʼa.

Jérémie 33:2

Ndo nzi pèc pècèk a goɗ ar haha; nengaʼa man a ngu herkeda, nengaʼa man a mpau, nengaʼa man nzlembaɗ na Ndo nzi pèc pècèk:

Jérémie 46:18

Ara man i zhè, bai a gaɗa, bai man nzlembaɗ na Zhiklè bi mbiaʼa, man wuɗi na zhè ara Thabor te va zahai, ara Carmel a géɗ iyam: i shkè.

Jérémie 50:34

Aman ndo nsumka ta a deɓa, wuɗi na zhè, nzlembaɗ na Zhiklè bi mbiaʼa, a sun nʼnza ta a deɓa, aman a vi gumi a herkeda, a pra ta zlau a va ndohi Babylone.

Jérémie 51:19

Zhiklè Jacob az arsa ɓai. Aman nengaʼa a ngau skwi tèlèba, nengaʼa a ngau herkeda. Israel, verzi ndohi man ta ndi gi nengaʼa. Nzlembaɗ na Zhiklè bi mbiaʼa.

Lamentations de Jérémie 3:24

Ndav ga a gaɗa: Skwi man i ngotso, nasa Ndo nzi pèc pècèk. Gar haha i zhèr nengaʼa.

Amos 4:13

Aman nengaʼa a ngu za, nengaʼa a ngu kozlar, nengaʼa a ngra na skwi man a hérèʼa a ndo, nengaʼa a ngu gu skwi nhél sam gu ruva, nengaʼa a dè a géɗ za tʼherkeda. Nzlembaɗ na Zhiklè bi mbiaʼa.

Zacharie 2:12

Ndo nzi pèc pècèk a da gi Juda a skwi na, te herkeda nkezlaʼa, a nda ngècè Jérusalem auda zaʼa.

Deutéronome 32:9

te man ndohi nengaʼa ta ga a skwi Ndo nzi pèc pècèk; Jacob skwi nʼndi gi na.