Jérémie 10:12 - Ma Zhiklè

¹² Zhiklè a ngau herkeda a wuɗi nengaʼa, a ngeda pa a maya na, a ngu giɗfèk a géɗ man a sun ngiaʼa.

Jérémie 10:12 ပူးပေါင်းရင်းမြစ်များ

Genèse 1:1

Te nhinkaɗ na, Bi Zhiklè a ngau giɗfèk a herkeda.

Genèse 2:5

wof nftsa a géɗ herkeda di bai, ko lak az di ɓai. Aman Ndo nzi pèc pècèk Zhiklè a nʼnga iyam a géɗ herkeda di bai, ndo mpizhè a géɗ herkeda az di ɓai.

I Chroniques 16:26

Zhiklè ndohi nte deɓa, vri ambalai. Sèi Ndo nzi pèc pècèk a ngau giɗfèk.

Job 26:7

A wuzhè giɗfèk kerpaʼa a géɗ herkeda. Herkeda a gshè va a skwa azɓai.

Job 37:18

Ka slaha ka wuzhè giɗfèk kerpaʼa, aman nʼnga ara koturmai, dè?

Job 9:8

a wuzhè giɗfèk, nengaʼa staɗgenè, a ndè a géɗèʼa, a géɗ woyam mbiaʼa.

Psaumes 104:2

ka mbè te skwi nhél sam ara maslaka; ka wuzhè giɗfèk ara mpèpèy gai;

Psaumes 104:24

Ndo nzi pèc pècèk, skwi man ka giaʼa kumba! Ka gau tèlèba a maya ngaya. Herkeda nʼndha a skwi man ka gau.

Psaumes 119:90

Nlèɓèslè ngaya a dè a ma ma a sam wud ndohi tèlèba. Ka dizla herkeɗa, a nengaʼa a nʼnza gedengaʼa.

Psaumes 24:2

Nengaʼa a ngau herkeda te ndev iyam mbiaʼa, a ntil herkeda a ma iyam.

Psaumes 33:6

Ma Ndo nzi pèc pècèk a ngau giɗfè-kihai, nshèffè te ma nengaʼa a ngau skwi tèlè te pa.

Psaumes 65:7

Ka dizla za a wuɗi ngaya, ka dzawa deɓ ngaya a wuɗai.

Psaumes 78:69

A nrom sam nengaʼa nkezlaʼa a géɗèʼa, a nɗizlèʼa ara herkeda man a zhè a mèdèp.

Psaumes 93:1

Ndo nzi pèc pècèk, bai! A nʼnjèl bi a va. Ndo nzi pèc pècèk, wuɗi te va, a ndzawa va na a vna. Gar haha herkeɗa nʼngaʼa ngedeng-gedengaʼa, a gidè va azɓai.

Proverbes 3:19

Ndo nzi pèc pècèk a ngu herkeda a maya na, a nfu giɗfèk a maya te gèɗ na.

Proverbes 30:4

Nʼndo Zhiklè wa? Mshke a deɓa te zhiklè wa? Ngshè kozlar a ri wa? Ka sun dè? Mpu verzi herkeda wa? Nzlembaɗ na wa?

Esaie 37:16

Ndo nzi pèc pècèk, Zhiklè bi mbiaʼa, Zhiklè Israel, man ka nzi a géɗ sam nʼnzi ɓai a géɗ cherubimhai. Ka staɗ ka Zhiklè a géɗ kokwar-bihi tʼherkeda tèlèba. Ka gu giɗfèk a herkeda.

Esaie 40:22

Nengaʼa man a nzi a géɗ sam nʼnzi bi a géɗ herkeda ndalpangaʼa, a ndohi a géɗ herkeda ta ara dzarai, nengaʼa man a pi giɗfèk ara balak, a winèʼa ara man a wuzhè gi maslaka a nzi a pa.

Esaie 42:5

Zhiklè Ndo nzi pèc pècèk, man a ngau giɗfèk a wuzhè ker-paʼa, a mvau herkeda gedeng-gedengaʼa a gi a skwi a fcè te pa, man a gi a ndohi ta shèffè a pa.

Esaie 44:24

Ndo nzi pèc pècèk, man a mbel ka, man a fe ka a hwaɗ mam ngaya, a gaɗa: Ndo nzi pèc pècèk, man i gau skwi tèlèba, man i wuzhè giɗfèk kerpaʼa, iyè a géɗ ga, a i dizla herkeda – nga a wa?

Esaie 45:12

I gau herkeda, i gau ndohi man a géɗ herkeda, ri ga a wuzhè giɗfèk, a i gaɗa ta golahi ga.

Esaie 45:18

Aman Ndo nzi pèc pècèk, man a ngu giɗfèk, nengaʼa staɗgenè Zhiklè, man a ngau, a ndizla herkeda, a mpau; a gu a géɗ hèshèkèɗ ka ɓai, a gu a géɗ man ndo a nzi a pa. Iyè Bi Zhiklè, ngiɗè azɓai.

Esaie 48:13

Ri ga a ngau herkeda, ri mandi ga a mwuzhè giɗfèk, a i baha ta, tèlèba ta zhè ma.

Esaie 49:8

Ndo nzi pèc pècèk a goɗ ar haha: A pats man amba, i co ntsi ri ngaya. A pats mbelè, i takaha ka. I fe ka, a i ge ka a ndo nderzlè ma ndohai, man i takaha kokwar zaʼa, a i kezla ta nʼndi gai man nksaraʼa a ndohi zaʼa.

Jérémie 10:13

A gèɗè, ara ntsi iyam, ara iyam a ndhè te giɗfèk, a gi aman vani a slèmbèdè te verzi gai. A gi aman iyam a ndi dai, a iyam a shkè, a nzlündko kozlar a sam man a pa.

Jérémie 10:16

Jacob a nʼngatsa aranta ɓai. Skwi man a nʼngotso, Zhiklè, man a ngau gedam tèlèba. Israel ndohi nʼndi gi na. Nzlembaɗ na Zhiklè bi mbiaʼa.

Jérémie 14:22

Te va zhiklè-hi mbèh skwai ndohi herkeda, man ta gi iyam, a zhi dè? Giɗfek a gi iyam a ri na dè? Ka, Ndo nzi pèc pècèk, Zhiklè nga, ka ɓi dè? Nga zhèrè te ri ngaya; aman ka, ka ngu skwi haha tèlèba.

Jérémie 27:5

Iyè i gau herkeda, ndo a skwi dak man ta zhè a géɗ herkeda. I gau a ri man wuɗi na zhè, a i va na herkeda a ndo man i woyaʼa.

Jérémie 32:17

Wa! Bi Zhiklè, Ndo nzi pèc pècèk, ka ka gau giɗfèk a herkeda a wuɗi ngaya mbiaʼa, a ri ngaya man wuɗi na zhè. Skwi man ka slaha ɓi ba, azɓai.

Zacharie 12:1

Ma Ndo nzi pèc pècèk a géɗ Israel. Ndo nzi pèc pècèk, man a wuzhè giɗfèk, a gu herkeda, a vi mèzhèɓ a ndav ndo, a goɗ ar haha:

Jean 1:3

Skwi tèlèba nʼnga a nengaʼa; ko skwi staɗ azɓai, man nʼngaʼa a vna ɓai.

Colossiens 1:16

Aman skwi tèlèba nʼnga a nengaʼa, skwi te giɗfèk, skwi a géɗ herkeda, skwi man di ndo a rkaʼa, skwi man ndo a nrka di ɓai, sam nʼnzi bihai, bihai, kokwar-bihai, a wuɗihai. Skwi tèlèba nʼnga te nengaʼa, a géɗ nengaʼa.