Jérémie 10:10 - Ma Zhiklè

¹⁰ Aman Ndo nzi pèc pècèk, nengaʼa Zhiklè nzuraʼa, Zhiklè man a zhè a nshèffè, bi a mèdèp. Te ri ndzoan nengaʼa herkeda a gudzai, ndohi herkeda ta slaha ta dishè ndzoan nengaʼa ɓai.

Jérémie 10:10 ပူးပေါင်းရင်းမြစ်များ

Genèse 21:33

A Abraham a ngeda wof a pa te Beer-Shéba, a ntsi ri a nzlembaɗ Ndo nzi pèc pècèk a pa, bi Zhiklè man a nzi a mèdèp.

I Rois 18:39

Aman ndohi ta rkaʼa, ta gurɓahai a ta gaɗa: Ndo nzi pèc pècèk, nengaʼa Bi Zhiklè, Ndo nzi pèc pècèk, nengaʼa Bi Zhiklè!

I Rois 8:60

A ndohi a gèɗ herkeda tèlèba ta suna, Ndo nzi pèc pècèk, nengaʼa Zhiklè staɗgenè, Zhiklè ngiɗè azɓai.

I Chroniques 29:11

Ka Ndo nzi pèc pècèk, mbiaʼa, man wuɗi ngaya a zhè, a nʼnjèlè; skwi te zhiklè, a skwi a gé; d herkeda ba, tèlèba a ngaya. Ndo nzi pèc pècèk, kokwar-bi a ngaya. Ka mbiaʼa, ka fena skwi tèlèba.

II Chroniques 15:3

Nʼnzi a zhè, Zhiklè nzuraʼa az a sam Israel ɓai; ndo mvi skwi a Zhiklè man a slebda ta ma kita, azɓai.

Job 9:6

Aman a gidè herkeda, sak nengaʼa a gudzai.

Psaumes 10:16

Ndo nzi pèc pècèk a gi bai pèc pècèk a mèdèp. Ndohi nte deɓa ta ndev ta te kokwar nengaʼa.

Psaumes 100:3

Va-suna, Ndo nzi pèc pècèk, nengaʼa Zhiklè: nengaʼa a nge nga, nga a nengaʼa, nga ndohi na, a tambakhi te va rèwè nengaʼa.

Psaumes 100:5

Aman Ndo nzi pèc pècèk amba; pombi nengaʼa a nzi a mèdèp, a nlèɓèslè nengaʼa a dè a ma ma te verzi wud wuda.

Psaumes 104:32

Nengaʼa a pi di a herkeda, a herkeda a gudzai; man a lama na za, vodzok a shkè auda te pa.

Psaumes 114:7

Herkeda, gudzau a sam di Ndo nzi pèc pècèk, a sam di Zhiklè Jacob!

Psaumes 145:13

Kokwar-bi ngaya, kokwar-bi man a nzi a mèdèp. Ngi-bi ngaya a dè a ma ma ha verzi wud wuda. Ndo nzi pèc pècèk nlèɓèslèa te ma nengaʼa tèlèba, a woy ndo te skwi man a gia tèlèba.

Psaumes 146:6

Zhiklè, man a gau giɗfèk a herkeda, a iyam mbiaʼa, a skwi tèlèba te pa, a lèɓèslè a mèdèp;

Psaumes 18:7

Aman i gu zlau, i tsu ri a Ndo nzi pèc pècèk, a i kuɗau a sam Zhiklè ga. A nengaʼa a ntsena daʼai ga te gi nengaʼa, a kuɗ ga a ntsena na a zlembaɗ.

Psaumes 29:10

Ndo nzi pèc pècèk a nzi a géɗ iyam. Ndo nzi pèc pècèk a nzi ara bai a mèdèp.

Psaumes 31:5

Ka da pryè auda te ɓalai, man ta ngay a hai a metsar, aman ka sam ga nlèaʼa.

Psaumes 42:2

Ara mènèɗ man a shèkèt na a iyam, lèmèlèmè ndav ga a shèkèt na a gèɗ ngaya, Zhiklè!

Psaumes 68:11

Nhèyè-va ndohi ngaya ta ngots sam nʼnzi a pa, man ka, Bi Zhiklè, ka tila ta a mbelawhai a géɗ ngiamba ngaya.

Psaumes 68:8

Bi Zhiklè, aman ko do a ma ndohi ngaya, aman ko do tʼhèshèkèɗ,

Psaumes 74:12

Bi Zhiklè, bi ga daga halaʼa, nengaʼa man a preka ta ndohi auda tʼherkeda.

Psaumes 76:7

Zhiklè Jacob, ko plèsh, ko ndo man a deɓ plèsh, ndzoan ngaya a tèwèlèma ta gèɗ.

Psaumes 76:8

Ka, ka wuɗitpa. Nslaha a nzlècè a sam ngaya, a sam wuɗi ndzoan ngaya, wa?

Psaumes 77:18

Vani a ndzurvko iyam a hai, iyam a ntsu te giɗfèk, a ndidiyam ngaya a mhu tʼhwaɗ giɗfèk.

Psaumes 84:2

Zhiklè bi mbiaʼa, gi ngaya mbikaɓai!

Psaumes 9:8

Aman Ndo nzi pèc pècèk a nzi a gèɗ sam nʼnzi bai a mèdèp. A ntil a sam nʼnzi bi nengaʼa a ngi kita.

Psaumes 90:11

A hér wuɗi ndzoan ngaya wa? Nsun verzi ngi-ndav ngaya wa?

Psaumes 90:2

Aman za az di ɓai, a herkeda a skwi herkeda az di ɓai, te nhinkaɗ na ka Zhiklè ka zhè, pèc pècèk a ma ma ba a mèdèp.

Psaumes 93:2

Tʼhinkaɗ nasam nʼnzi bi ngaya nʼngaʼa, ka zhè zlèzlèa, sam nhin ngaya azɓai.

Psaumes 97:4

Ndidiyam nengaʼa a hela gèɗ herkeda, herkeda a rkaʼa, a gudzai.

Esaie 37:17

Fu zlembaɗ a ka tsenaʼa! Pu di a ka rkaʼa! Tsun ma man Sanchérib a zlündo a haha, a nderɗe Zhiklè man a zhè a nshèffè a vna.

Esaie 37:4

Gar Ndo nzi pèc pècèk, Zhiklè ngaya, a ntsena ma bi sojè bai, man bi Assyrie, bi nengaʼa, a nzlündo, aman a ndérdè Zhiklè man a zhè a nshèffè, – a da ga na skwi ambaɓiaʼa a géɗ ma man Ndo nzi pèc pècèk, Zhiklè ngaya, a ntsenaʼa. Gar haha tsu rai a géɗ njèkèɗihiaʼa man ta zhè a nshèffè dai.

Esaie 40:15

Na haha, ndohi herkeda ta ara iyam man a tkwè a shiɗèf, ta ara lokotor a deɓ kilo. Na haha, herkedahai man ta tsoko gèɗ auda te iyam, nliv ta a fena tser wyak staɗ azɓai.

Esaie 40:28

Kin sun ɓi ɗè? Kin tsena ɓi ɗè? Ndo nzi pèc pècèk, Zhiklè a mèdèp, nengaʼa man a gu verzi herkeda tèlèba. A ngézhè azɓai, ntulè a keɗaʼa azɓai, maya nengaʼa a hi ara iyam te woyam.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 65:16

Ndo te kokwar man a woya a ngècè mpshè ma, a ngècè a sam Zhiklè nzuraʼa. Ndo man a woya a mbèɗè, a mbèɗè a nzlembaɗ Zhiklè nzuraʼa. Aman matakwan nha-laʼa mpcèy a gèɗ, a di ga a rka asaɓai.

Jérémie 23:36

Aman skwi man Ndo nzi pèc pècèk a gi ndzoan a géɗèʼa, kin da slefu te deɓaʼa asaɓai; ma man a shkè auda te ma ndo staɗ staɗ tèlèba, a ngwoda ta va a gèɗ. Kin terɗa ma Zhiklè man a zhè a nshèffè, Zhiklè bi mbiaʼa, Zhiklè nga.

Jérémie 4:2

Aman ka mbaɗa a nzlembaɗ Ndo nzi pèc pècèk a vava, zuraʼa, te ngi-zuraʼa, te deɓaʼa ndohi herkeda ta pshè ka ma a nzlembaɗ Ndo nzi pèc pècèk, a ta nzal ka a nzlembaɗ nengaʼa.

Jérémie 4:24

I pu di a za, na haha ta mbeɗ ta, a ngègèdhi tèlèba ta gidè va a ta gudzai.

Jérémie 50:46

Aman Babylone a kèlèhai, herkeda a gudzai. Wobau a cinè te va ndohi herkeda.

Jérémie 51:29

Aman Ndo nzi pèc pècèk a ga na Babylone skwi man a nhuro, herkeda a gi zlau, a gudzai, aman a ndeda kokwar Babylone a hèshèkèɗ, a kokwar man ndo a te pa ɓai.

Daniel 4:3

Skwi man a ngreda auda mbiaʼa, a nrkedi nengaʼa wuɗitpa! Kokwar-bi nengaʼa, kokwar-bi a mèdèp, ngi-bi nengaʼa a dè a ma ma, te verzi wud wuda.

Daniel 4:34

Te deɓ mvi tsaraɗ, iyè Nebucadnetsar, i pu di a zhiklè, a maya ga a mʼmenkaɗ na a deɓa. I shüd gèɗ a Zhiklè te géɗèʼa, i slébèrdèʼa, a i nzalaʼa, nengaʼa man a nzi a mèdèp, man kokwar-bi nengaʼa a dè a ma ma te verzi wud wuda.

Daniel 6:26

Gumi da zhè a nda kinè kumba! I goɗ a ma bi ga, aman te kokwar-bi ga tèlèba, va-gu zlau, va-gurɓahi a sam Zhiklè Daniel, te man nengaʼa Zhiklè man a zhè a nshèffè, a nzi a mèdèp. Kokwar-bi nengaʼa a gédèshè azɓai, ngi-bi nengaʼa a nèfè asaɓai.

Daniel 6:27

Nengaʼa a mbél ndo, a preko ndo auda, a ngreda skwi auda, a gi nrkedai te zhiklè te géɗèʼa, tʼherkeda ba. Nengaʼa man a mbelko Daniel auda te ma marizhèlè.

Daniel 7:14

A ta va na wuɗai a nʼnjèlè a wuɗi bai, a ndohi herkeda te verzi tsaɗ tsaɗ a nèʼèn tsaɗ tsaɗ tèlèba ta gu mizlinè nengaʼa. Wuɗi nengaʼa, wuɗi man a nzi a mèdèp, man a ndev azɓai, kokwar-bi nengaʼa a gédèshè azɓai.

Joel 2:11

Ndo nzi pèc pècèk a mboho a ma ndohi var nengaʼa. Ndohi var nengaʼa kumba, a skwi man nengaʼa a ngaɗa ta, ta gia a wuɗai. Pats kita Ndo nzi pèc pècèk, pats mbiaʼa, mwuɗitpa a vata. Nslaha a nzlècè a pa wa?

Michée 1:4

Za a mbeɗ na tʼhwaɗ sak na, a ndi na a slrats, ara ɗaftèlèsh vongwom man vogwa a wyamdaussa, ara iyam man a hakaɗi a der za.

Nahum 1:5

Zahi ta gudzi a sam na, ngègèɗhai ta wèl ta. A sam di na herkeda a mbéɗ na, a ndohi herkeda a deɓaʼa tèlèba.

Nahum 1:6

Nslaha a nzlècè a sam ndzoan nengaʼa wa? Nslaha a nʼnzi a sam ndav nengaʼa man a gi worworaʼa wa? Wuɗi ndzoan nengaʼa a zlèzlèmè ara vogwa, ko zahi ta wurzl ta a sam na.

Habakuk 3:10

Zahi ta rka ka, ta gudzai, vanai a dzurvko iyam a hai, iyam mbiaʼa a kuɗkaɗai, pats a kia ta vangkaɗauda te gi azɓai, man sulom ngaya nwosla, a tsakwal a ndi dai ara ndidiyam.

Habakuk 3:6

A mbècè sak a herkeda, a herkeda a gudzai. A pi dai, a ndohi herkeda ta gi gurts kata, a za man ta nzi a mèdèp, ta wurzl ta, a ngègèɗhi zlèzlèa ta nde ta hai; civèɗ nengaʼa ziè-zlèa nɗaʼa a ma nengaʼa.

Mal. 3:2

Nslaha a nʼnzi a pats mshkè nengaʼa wa? Aman a gudko va a dai, nda zlècè wa? Mshkè nengaʼa ara vogwa ndo nwèsl züdo, ara iyam lalau ndo mpèn maslaka.

Matthew 16:16

Simon Pierre a mʼmbeɗa na a ma: Ka Kristi, kra Zhiklè, Zhiklè man a zhè a nshèffè.

Matthew 26:63

Aman Yèsu a nʼnza tètè. A bi ndohi mvi skwi a Zhiklè a ngaɗa na: I mbaɗa ka a nzlembaɗ Bi Zhiklè a nshèffè, sèi ka ngra nga, aman ka Kristi, kra Zhiklè!

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Actes 14:15

Kinè ndohai, kin gi mè? Nga ba, nga ndohi lèmèlèmè ara kinè, a nga njè kinè ma mbelaʼa, aman kin ngwèdè ndav, a kin menkada deɓa te mʼmbèh skwi ambalai a sam Zhiklè a nshèffè, nengaʼa man a gu giɗfèk a herkeda, a iyam mbiaʼa a skwi tèlèba te pa.

Deutéronome 32:4

Nengaʼa za, skwi man a giaʼa, nʼngaʼa jèlèlèʼa. Civèd nengaʼa tèlèba, civèɗ nzuraʼa. Zhiklè nlèɓèslèʼa, ncèkèlma a te nengaʼa ɓai; nengaʼa zuraʼa ndzarɓiaʼa.

Deutéronome 5:26

Ndo wa, man a ntsena daʼai Zhiklè man a gaɗka te va vogwa, lèmèlèmè ara nga, a za nzi a nshèffè genè?

1 Thessalonians 1:9

Ko wawa ngreda a géɗ nga a ri na, ara man nga ngots civèɗ a sam kinè, ara man kin menkaɗa deɓa a sam Zhiklè, te ri vrihai, a kin gi mizlinè Zhiklè nzuraʼa, man a zhè a nshèffè,

1 Timothy 1:17

A sam Bi Yèsu man a zhè a mvi a mvai, man a ndivè azɓai, man nga rka a di ɓai, Zhiklè, man maya na zhè staɗgenè, nslébèrdè a nʼnjèlè pèc pècèk a mèdèp! Amen!

1 Timothy 6:17

Ngreda ta ndohi mèshèlè, man ta zhè tʼherkeda antanta, aman da dzugor va ɓai, aman da gso ndav ta a skwi mèshèlè ta ɓai, man a nzi azɓai. Sèi ta pi ndav a Zhiklè, man a va nga skwi tèlèba a vata, aman nga nzi amba.

Hébreux 10:31

Woba ndo man a kèlèhi a ri Zhiklè man a zhè a nshèffè.

Josué 3:10

A Josué a ngaɗa: Te skwi haha kin da suna, Zhiklè a nshèffè a zhè te ndev kinè, a da dzam ta ndohi Canaan, Heth, Hévi, Phérez, Guirgasi, Amor a Jébus a ma kinè.

1 John 5:20

Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.

Apocalypse 20:11

A i rka sam nʼnzi bi mbiaʼa nslekaɗa, a ndo man nʼnza a pa: A sam di nengaʼa, herkeda a giɗfèk to do ta, a ta ngatsa sam nʼnzi tengaʼa te deɓaʼa asaɓai.

Juges 5:4

Ndo nzi pèc pècèk, aman ka slambaɗka te Seir, aman ko do a dal var Edom, herkeda a ngudzau, giɗfèk a ncho iyam a hai, a iyam a ndzurvka te va vanai.

I Samuel 17:26

David a ndzhaɗ ta ndohi a sam na: Ndo man nda keɗa ndo Philistie haha, a ncèma na hori auda a di a Israel, ta da ga na kè? Ndo Philistie, man ngwon nʼngela ɓi haha, wa, aman a shkè a derde ta ndohi var Zhiklè man a zhè a nshèffè.

I Samuel 17:36

Ɓèl ngaya a keɗa marizhèlè a kokoya: a ndo Philistie man ngwon nʼngela ɓi haha, da ga na lèmèlèmè ar haha, a gèɗ man a nderɗe ta ndohi var Zhiklè man a zhè a nshèffè.