Jérémie 1:18 - Ma Zhiklè

¹⁸ Na haha iyè a ri ga i ge ka a gi ndakmaʼa a patsna, a sakgi züdo, a zlazlar züdo a géɗ kokwar tèlèba, a géɗ bihi Juda a wud bihi nengaʼa, a géɗ ndohi mvi skwi a Zhiklè, a ndohi kokwar tèlèba.

Jérémie 1:18 ပူးပေါင်းရင်းမြစ်များ

Esaie 50:7

Aman Bi Zhiklè a takahayè. Gar haha i ngècè hori a di azɓai. I gwora di ga ara kwa; i suna, Zhiklè a ngwodyè azɓai.

Jérémie 1:17

Aman ka, mana ndav ngaya, slambaɗa, a ka da gaɗa ta ma tèlèba man i da njè ka a gèɗ. Ka gu zlau tengaʼa ɓai, man ɓai i pra ka zlau a va a sam tengaʼa.

Jérémie 1:19

Ta da gi var a ka, aman ta da fen ka azɓai, a géɗ man i zhè a nda ka, Ndo nzi pèc pècèk a gaɗa, aman i da mbélde ka.

Jérémie 15:10

Mam ga, wobayè, a géɗ man ka ye-kayè! I nde ga a ndo ngi ma, a ndo ngi ndzoan a ndohi herkeda tèlèba. Dua ndo ngiɗè az a géɗ ga ɓai, dua ga az a gèɗ ndo ngiɗè ɓai, a ta derdyè tèlèba.

Jérémie 15:20

I ge ka a zlazlar züdo man wuɗi na zhè, a géɗ ndohi haha; ta da gi var a ka, aman ta da fen ka azɓai. I zhè a nda ka, a i takaha ka, a i mbel ka, Ndo nzi pèc pècèk a gaɗa.

Jérémie 20:11

Aman Ndo nzi pèc pècèk a zhè a iyè, ara ngul ndo mbiaʼa. Gar haha ndohi mparahayè ta da kèlèhai, ta slaha ta gay skwa ɓai. Ta da ngècè hori a di a nasa nasa, ta slaha ɓai, hori mbiaʼa a pca ta a gèɗ azɓai.

Jérémie 21:4

Ndo nzi pèc pècèk, Zhiklè Israel, a goɗ ar haha: Na haha, i woya a i ngwoda kinè skwi var te ri kinè a gèɗ, man kin gi var a vna a bi Babylone, a ndohi Chaldée ta nza kinè a ma tʼwud zlazlar kokwar. A i da ɓicka ta a ndev kokwar haha.

Jérémie 26:24

Aman Achikam, kra Shaphan, a ntakaha Jérémie, a ta va na a ri ndohi man ta keɗaʼa ɓai.

Jérémie 34:3

Ka ba, ka da mbél ngaya te ri nengaʼa azɓai; aman a vava a gs ka, i ve ka a ri a nengaʼa, kin da pi di a iyam di a iyam dai a bi Babylone, a kin gèɗè ma kwa kwaʼa, te man ka de a kokwar Babylone.

Jérémie 37:7

Ndo nzi pèc pècèk, Zhiklè Israel, a goɗ ar haha: Va-da gaɗa na bi Juda, man a nzlündko ndo a ndzhadyè: Na haha ndohi var Pharaon man ta shkè, ta woy a ta takaha kinè, ta men ta a deɓa a Egypte, kokwar ta.

Jérémie 38:18

Aman ka da vi va ngaya a ri a tsuvomhi bi Babylone azɓai, Zhiklè a da va ta kokwar haha a ri ndohi Chaldée, a ta da fa na vogwa. Ka da mbélè auda te ri ta azɓai.

Jérémie 38:2

Ndo nzi pèc pècèk a goɗ ar haha: Ndo man a nzi te kokwar haha, tsakwal a da kéɗèʼa, a tiɗè a mai, gidiɓèr a cedama. Aman ndo man a dè auda a sam ndohi Chaldée, a mbél na, a nzi a nshèffè.

Jérémie 42:22

Anai, va-suna! Kin da bèzl kinè a tsakwal, a mai, a gidiɓèr, te kokwar man kin woya a kin dè a pa, a kin nzi a pa.

Jérémie 6:27

Zhiklè a ngaɗa na Jérémie: I ge ka a ndo njkeda ndohi ga, a ka suna, a ka jkeda maya nshèffè ta.

Jean 1:42

A ndaʼa a sam Yèsu. Aman Yèsu a rkaʼa, a ngaɗa na: Ka Simon, kra Jonas; sèi ta baha ka Céphas (ara ngèɗè, kwa).

Apocalypse 3:12

Ndo man nʼngaʼa a ngulaʼa, i woy a i giaʼa a sak gi Zhiklè ga, a dè auda te deɓaʼa azɓai, a i woy a i windè a va nengaʼa: nzlembaɗ Bi Zhiklè ga, a nzlembaɗ kokwar mbiaʼa a Zhiklè ga, Jérusalem mɓuaʼa, man a shkèhai te zhiklè, a sam Bi Zhiklè ga. A i windè nzlembaɗ ga mɓuaʼa a pa.