Jérémie 1:16 - Ma Zhiklè

¹⁶ I da bèzlè kita a géɗ Jérusalem, a géɗ shèwa tengaʼa tèlèba, a géɗ man ta jèkyè, a ta mbèh skwai, a ta tsi rai a skwi man ta gu a ri ta.

Jérémie 1:16 ပူးပေါင်းရင်းမြစ်များ

II Rois 22:17

A géɗ man ta jèkyè, a ta ndara na ɓurdi a zhiklèhi ngiɗè tsaɗ, a ta pokoy gèɗ ndav auda a skwi man ri tengaʼa a ngau tèlèba. Ndav ga a vècè ara vogwa, a mènèhi azɓai.

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

II Chroniques 28:2

A ndzodzor civèɗ bihi Israel. Ko skwi Baal a mvüdo.

II Chroniques 34:25

A géɗ man ta jèkyè, a ta ndèr ɓurdi a zhiklèhi mʼmbèh skwai, a ta pokoy gèɗ ndav auda a skwi man ta gu a ri ta, a i gu ndav a géɗ sam haha, a ndav ga a mènèhi azɓai.

II Chroniques 7:19

Aman kin da ngwoday deɓa, a kin jèkeda ma nkwèr ga a ma kita ga, man i va kinè, a kin dè a kin jèjèr zhi-klèhi ngiɗè, a kin tsi ri a tengaʼa,

Esaie 2:8

Kokwar tengaʼa nʼndha a skwi mbèh skwai. Ta kalahi a deɓ sak skwi man ta gau, a skwi man ta rom a ri ta.

Esaie 37:19

Ta wusheda zhiklèhi mbèh skwi tengaʼa a vogwa. Tengaʼa Zhiklè ka ɓai, sèi skwi man ri ndo a ngau, wof a kwa. Skwi man ta slaha ta gedassaʼa.

Esaie 44:15

A ndohi ta ngècè shègwa, ta ngélèʼa, a ta dzi vogwa. Ngidè a ti ɗaf a vna, ngiɗè a pètè a zhiklè na, a kèlèhi a deɓ sak nengaʼa, a giaʼa, a tsi riaʼa.

Esaie 65:3

A sam ndohi man ta pokoy gèɗ auda pèc pècèk, man ta ndar ɓurdi te gi lak, a ta ndar ɓurdi a sam man ta roma.

Jérémie 10:15

Skwi ambalai, skwi man ta ngwèshè a pa, a pats kita ta, ta zi ta.

Jérémie 10:3

Mʼmbèh skwi ndohai, skwi ambalai. Skwi man ta pata a wof te dak, skwi man ri ndo a mpataʼa a dzana,

Jérémie 11:12

Te deɓaʼa kokwar Juda a ndohi Jérusalem ta dè a ta kuɗi a sam zhiklèhi mbèh skwai man ta zla ta skwi pèc pècèk. Aman ta slaha ta takaha ta a pats matakwan ɓai.

Jérémie 11:17

Zhiklè bi mbiaʼa man a nge ka a pa, a ga ka matakwan a géɗ shèwa ngaya, a géɗ mali man ndohi Israel a ndohi Juda ta pokoy gèɗ ndav auda a vna, aman ta ndara na skwi a Baal.

Jérémie 15:6

Ka nkwolyè a ri ngaya, Ndo nzi pèc pècèk a gaɗa. Ka ngwoday deɓa! Gar haha i torko ri ga, a i gedas ka, i kéɗè gèɗ ndav ga a hi asaɓai.

Jérémie 16:11

Ka da menda ta: A géɗ man babhi kinè ta kwolyè, Ndo nzi pèc pècèk a gada, a to do a verzi zhiklèhi ngidè, a ta gu mizlinè ta, a ta tsu ri a tengaʼa, a ta jèkyè a ta dzodzor ma kita ga bai.

Jérémie 17:13

Ndo nzi pèc pècèk, man Israel a zhèr ka! Ta tèlèba man ta jèke ka, ta ngècè hori a dai. Ta tèlèba man ta kwol ka, hori a da keɗ ta, a géɗ man ta jèkeda nlèlè iyam nshèffè.

Jérémie 18:15

Aman iyè, i pca ta a gèɗ a ndohi ga. Ta va ta skwi a vrihai. Ta zlak ta auda a civèɗ nhalaʼa, a ta dè a civèɗ man nʼnde di ɓai.

Jérémie 19:4

A géɗ man ta jèkyè, a ta ngwoda sam nta, a ta zla ta skwi a vrihai, man ko tengaʼa ko babhi ta ko bihi Juda ta sen ta ɓai, a ta ndha sam nta a pombaz ndohi man ta ga mali ɓai,

Jérémie 2:13

Aman ndohi ga ta gu mali sak cèw: Iyè, nlèlè iyam nshèffè, ta jèkyè; a ta rau thal iyam tsaɗ, vèvèɗ te pa, man iyam a she na, a nzi a pa azɓai.

Jérémie 2:17

Skwi haha a ga ka tèlèba a géɗ man ka kwola Ndo nzi pèc pècèk, Zhiklè ngaya ka ɓi ɗè?

Jérémie 2:19

A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 2:28

Zhiklèhi ngaya man ka ram ta, ta tema? Da slambaɗa, da takaha ka a pats matakwan ngaya! Ara man kokwar ngaya kumba, zhiklèhi ngaya ba kumba, kokwar Juda!

Jérémie 4:12

kozlar a shkè a wuɗai. Antanta i ba i bèzlè kita ga a géɗ tengaʼa.

Jérémie 4:28

Herkeɗa a da lèyè, giɗfèk a da madz na te géɗèʼa. Iyè a ngoɗa, i basla na gèɗ a va, i mindè ma ga a deɓa azɓai, i ngwèdè gèɗ ga azɓai.

Jérémie 44:17

Nga woy a nga gi skwi tèlèba man a shkè auda te ma nga, nga gaɗa: nga vi skwi a pats te giɗfèk, a nga va na skwi nga, ara man nga gau, nga a babhi nga, bihi nga, wud bihi nga te kokwar Juda, a civèɗ Jérusalem, te va man movar a ngeza nga, nga wuffè, a nga sun matakwan ɓai.

Jérémie 5:29

I gi ndzoan a pa azɓi ɗè? I ga ta kita a ndohi ar haha, a ta pil gèɗ, azɓi dè? Ndo nzi pèc pècèk a gaɗa.

Jérémie 5:9

I gi ndzoan a pa azɓi dè? Ndo nzi pèc pècèk a gaɗa. Ndohi herkeda aranta ta pil gèɗ azɓi dè?

Jérémie 51:17

Ko wawa a rzl na a sam maya man a suna, ngwozlazlihi tèlèba ta gi hori a géɗ skwi mbèh skwi man ta gau. Te man skwi mbèh skwai, skwi ncèkèlma genè, nshèffè a te pa ɓai.

Jérémie 7:17

Ka rka skwi man ta gu te kokwar Juda, a civèɗ Jérusalem ka ɓi dè?

Jérémie 7:18

Wudahi ta pèr shègwa, babhi ta ta kèl vogwa, ngwozi ta shidè a ta ta na movar a ngwoz man ta sla na zhiklè, a ta va ta skwi nsai a zhiklèhi mbèh skwai, a ta pokoy gèɗ ndav auda a vna.

Jérémie 7:9

Mè? Kin gi metsar, kin keɗ ndo, kin gi mphömè, kin mbèɗè ambalai, kin va na skwi a Baal, kin jèjèr zhiklèhi ngiɗè man kin sen ta ɓai;

Ezéchiel 16:18

Ka hul maslaka ntsentsi ngaya, a ka pa ta a va, ka ndara ta mbar a ɓurdi ga.

Ezéchiel 24:14

Iyè Ndo nzi pèc pècèk i goɗa. A skwi haha a shkè, i giaʼa, i jèkè azɓai, ndo a siyè te va azɓai, i ngwèdè gèɗ ga azɓai. I ga ka kita, ara maya nshèffè ngaya, ara skwi ngaya man ka gau, Bi Zhiklè a gaɗa.

Osée 11:2

Aman i baha ta, a mpoko ta gèɗ auda, a ta dè ta holholaʼa. Ta vau skwi a Baalhai, ta ndara ta skwi a vrihai.

Osée 8:6

Israel a ngu genè. Ndo nsun nvidè guro a ngau, nengaʼa Zhiklè ka ɓai.

Joel 2:11

Ndo nzi pèc pècèk a mboho a ma ndohi var nengaʼa. Ndohi var nengaʼa kumba, a skwi man nengaʼa a ngaɗa ta, ta gia a wuɗai. Pats kita Ndo nzi pèc pècèk, pats mbiaʼa, mwuɗitpa a vata. Nslaha a nzlècè a pa wa?

Actes 7:41

A ta rom kra zlè a pats nasa, a ta zla na skwi a skwi mbèh skwi haha, a ta wuffè a géɗ skwi man ta roma a ri ta.

Deutéronome 28:20

Ndo nzi pèc pècèk a phomde ka, a va ka skwi mwuɗitpa, ta guv ka te ndev skwi tèlèba man ka giaʼa, ha ka gedessa, ha ka za a vava, a géɗ skwi man ambaɓai man ka gau, a ka jèkyè.

Deutéronome 31:16

Ndo nzi pèc pècèk a ngaɗa na Moise: Na haha ka da metsi ngaya, a ka dè a va babhi ngaya. A ndohi haha ta da dè a ta da kèlèhi a deɓ sak zhiklèhi ngidè tsaɗ te kokwar man ta dè a pa. Ta da jèkyè, ta da gi mali a sam nderzlè-ma man i gu a nda ta.

Josué 24:20

Aman kin da jèkeda Ndo nzi pèc pècèk, a kin da jèjèr zhiklè ngiɗè tsaɗ, a nda ngwoda gèɗ na, a da ga kinè skwi ambaɓiaʼa, a da ndev kinè a ma, ko man zlèzlèa a nʼnga kinè skwi man amba.

Apocalypse 9:20

Njèkèɗi ndohi man ta bazl ta ɓai a skwi ngedassa haha, ta ngwode ndav ta ɓai a ta gu skwi ta genè, a ta jèka ntsi ri a bi mazdagi ɓai; ta tsu ri a zhiklèhi man ta gu a guro, a verzhègenè, a züdo, a kwa, a wof, man ta rka di ɓi genè, man ta tsena zlembaɗ ɓai, ta dè a sak azɓai.