Jérémie 1:14 - Ma Zhiklè

¹⁴ Ndo nzi pèc pècèk a ngaɗayè: Matakwan a kalka ta a gèɗ a ndohi kokwar tèlèba te civèɗ man a géɗèʼa.

Jérémie 1:14 ပူးပေါင်းရင်းမြစ်များ

Esaie 14:31

Ntamagai, gau wobau! Kokwar, tsu lalau! Ndohi Philistie tèlèba – va-gudzau! Ndohi var ta shkè te man a verzi gai ara vodzok, a ndohi tengaʼa ko staɗ a minè a deɓa azɓai.

Esaie 41:25

I slambaɗda ndo ngiɗè te tsagai, a nengaʼa a mshkè; te verzi gai a bèhè nzlembaɗ ga. A mbatsa-ha ta bihi ara wujèɗ, lèmèlèmè ara ndo nrèm shiɗèf a gècè rɓasl.

Jérémie 10:22

Ntsenka mè? Nhèzlèwè mbiaʼa te civèɗ man a géɗèʼa, aman a ndeda kokwar Juda a hèshèkèɗ, a gi skwi dak.

Jérémie 11:17

Zhiklè bi mbiaʼa man a nge ka a pa, a ga ka matakwan a géɗ shèwa ngaya, a géɗ mali man ndohi Israel a ndohi Juda ta pokoy gèɗ ndav auda a vna, aman ta ndara na skwi a Baal.

Jérémie 25:9

na haha iyè i zlinde ndo, a sam Nebucadnetsar, bi Babylone, ɓèl ga, da helka ta ndohi gi tè-lèba te man a géɗèʼa, Ndo nzi pèc pècèk a gaɗa; a i zlinde ta, a ta da gi var a kokwar haha, a ndohi kokwar nengaʼa, a ndohi herkeda tèlèba man a tsagiaʼa. I da ga ta a skwi mphomdaʼa, i da pe ta a nlèyè, a ndohi ta ngwossaha ta. I da gedas ta a mèdèp.

Jérémie 31:8

Na haha iyè i bahka ta te kokwar man a géɗèʼa, i da ɓicka ta te verzi herkeda. Te va tengaʼa ndo mandazlai, ndo vedal, ngwoz man na hwaɗ, ngwoz man a yi kra, tèlèba, nhèyè ndohi mbiaʼa, man a da shkè a deɓa a haha.

Jérémie 4:6

Va-zlatseda lamba Sion, va-hu kinè, kin zlatsahi bai! I cko matakwan a skwi mwuɗitpa te man a géɗèʼa.

Jérémie 46:20

Egypte te va nasa, nara dem zlè mbelaʼa; aman ndo ngedassaʼa a mshkè te civèɗ man a géɗèʼa.

Jérémie 47:2

Ndo nzi pèc pècèk a goɗ ar haha: Na haha iyam a slèmbèdè te man a géɗèʼa, a gi a woyam mbiaʼa, man a hi auda a dzah, a zeda kokwar a skwi man nʼndha te pa tèlèba, kokwar a ndohi te pa. Ndohi ta kuɗai, ta gudzai, tèlèba man ta nza te kokwar.

Jérémie 50:41

Na haha ndohi herkeda ta shkè te man a géɗèʼa, ndohi herkeda mbiaʼa, a bihi kumba, ta da slèmbèdè te verzi herkeɗa.

Jérémie 50:9

Aman i bahka ta ndohi rè-dèdèʼa, ndohi herkeda mbibihiaʼa te man a géɗèʼa, a ta gi var a Babylone. Ta da dèhè va a sam na, a ta dumda ma. Sulom tengaʼa, sulom ndo man a sun var, man a kèlèhi ambali azɓai.

Jérémie 6:1

Ndohi Benjamin, va-hu auda te Jérusalem, va-tsu tolom te Tekoa, va-zlatseda lamba kinè te Beth-Hakkérem! Aman skwi mwuɗitpa a shkè te man a géɗèʼa, skwi ngédèshè ndo mbiaʼa

Jérémie 6:22

Ndo nzi pèc pècèk a goɗ ar haha: Na haha ndohi kokwar ta shkè te civèɗ man a géɗèʼa, ndohi rèdèdèa ta shkè te verzi herkeda.

Ezéchiel 1:4

A i pu dai: I rka ara ndombozlor a shkè a civèɗ te man a géɗèʼa, vani mbiaʼa, a tsagi vani sam nhelaʼa a vogwa man a mbècè azɓai. Te ndev vogwa, skwi ngiɗè a si dai ara koturmai.

Ezéchiel 24:3

Goɗ a tsaval ma a géɗ ndohi mèdègèɗ: Bi Zhiklè a goɗ ar haha: Ngeda shidèf a vogwa, a ka gedzeda iyam a pa!

Joel 2:20

Mayam kinè te civèɗ kozlar iyam i dzamda auda dra a sam kinè, a i zukda a kokwar man iyam a te pa ɓai, man skwi a gi a pa azɓai; ndohi nshèlèkuraʼa a ma iyam mbiaʼa, te civèɗ mvèng pats, ndohi man ta dzadzar ta te deɓa a ma iyam mbiaʼa te civèɗ nkèl pats. A zhkè dukedukeʼa, mblè a zhkè, a géɗ man nengaʼa a gre gèɗ na.

Zacharie 6:6

Plèshi mʼmadza ta dè a civèɗ kokwar man a géɗèʼa. Plèshi nslekaɗaʼa ta dè a civèɗ mvèng pats; plèshi ndurtsotsoʼa ta dè a civèɗ man a dukwaɗ,