Jérémie 1:10 - Ma Zhiklè

¹⁰ Na haha, i feda ma ga a ma ngaya. Na haha i va ka wuɗai a géɗ ndohi herkeda a kokwar bihai. Ka da hel ta auda, ka tsede ta hai, ka gedas ta, ka zede ta, ka mende ta a pa, ka zlatsede ta a pa zaʼa.

Jérémie 1:10 ပူးပေါင်းရင်းမြစ်များ

I Rois 17:1

A Elie, ndo Thishbé, te Galaad, a ngaɗa na Achab: Ara man Ndo nzi pèc pècèk, Zhiklè Israel, a zhè, man i gi mizlinè nengaʼa, a mvi a mvai a haha, iyam a shkè azɓai, minmèn a gshè géɗ sam azɓai, sèi man i da goɗa.

I Rois 19:17

A da gi ar haha: Ndo man a da mbel ha te ri tsakwal Hazaél, Jéhu a da keɗaʼa; a ndo man a da mbel na te ri tsakwal Jéhu, Elisée a da keɗaʼa.

Ecclésiaste 3:3

Man tiɗè sam mbèzl skwi ma, ta bèzlèʼa; man tiɗè sam mʼmbel skwi ma, ta mbélèʼa. Man tiɗè sam nʼngél skwi ma, ta ngélèʼa; man tiɗè sam nrèm skwi ma, ta rèmèʼa.

Jérémie 1:5

Ga man i fe ka a hwaɗ mam ngaya, i sen ka. Ga ka yakaɗa, i fe ka hi a mizlinè Zhiklè, i cka ka auda a ka gi a ndo nhadka ma kokwar bihi tʼherkeda.

Jérémie 24:6

I da pa ta dai, a pombai, a i da helka ta a deɓa a kokwar haha. I da til ta zaʼa, i da gedas ta asaɓai. I da nge ta a pa, i ptska ta auda te pa asaɓai.

Jérémie 25:13

Ma tèlèba man i hodkoɗai a géɗ kokwar haha, aman i goɗ a géɗ nengaʼa halaʼa, ma tèlèba man mwindèa te ɗèlèwèr haha, man Jérémie a nhodko a géɗ ndohi herkeda tèlèba, i da giaʼa.

Jérémie 31:28

Lèmèlèmè ara man i gu maya, a i hel ta auda, a i kalde ta hai, a i gedas ta, a i zede ta, a i ga ta skwi ambaɓiaʼa, i da gi maya, te man i rèmèʼa, a i ngi a pa, Ndo nzi pèc pècèk a gaɗa.

Jérémie 31:40

Te deɓaʼa slrats nʼndha a nckondohai a mèrwèc. Herkeda tèlèba, ha ndè a sam woyam Cédron, ha ndè a sam nderzlè ntamagi ‘plèsh’ te civèɗ mvèng pats, a gi a skwi nkezlaʼa man a Ndo nzi pèc pècèk. Ndo a da mbedè te deɓaʼa asaɓai, ndo a da gédèshè te deɓaʼa asaɓai.

Jérémie 36:2

Co ɗèlèwèr mpaɗaʼa, windeda ma tèlèba a pa, man i gaɗa ka a géɗ Israel, a géɗ Juda, a géɗ ndohi herkeda tèlèba, a hinè te pats man i gaɗa ka nshèlèkuraʼa, ha ndika na ma a mpatsna.

Jérémie 44:27

lyè i da war ta; i da ga ta matakwan, skwi mbelaʼa ka ɓai. Ta da zi ta, ndohi Juda tèlèba, man ta zhè te kokwar Egypte, a tsakwal, a mai, ha ta ndiv ta.

Jérémie 45:4

Gar haha sèi ka gaɗa na: Ndo nzi pèc pècèk a goɗ ar haha: Na haha skwi man i roma, i da mbeɗdahai. A skwi man i ngeda a pa, i ptskoɗauda.

Ezéchiel 21:19

Ka ndo, hod ma, tsu ri pèsl-pèslèʼa! Gwèsh staɗ a bazla ndohi cèw, makar. Gwèsh a bèzlè ndo kumba, gwèsh a verzi ndohi kumba.

Ezéchiel 23:36

A Ndo nzi pèc pècèk a ngaɗayè: Ka ndo, ka woy a ka ga ta kita a Ohola a Oholiba de? Ngreda ta skwi hori tengaʼa!

Ezéchiel 32:18

Ka ndo, gu wobau a géɗ ndohi Egypte rèdèdèʼa, a kinè a dalahi ndohi herkeda, va-zukde ta hai! I daʼa a vèvèɗ a hwaɗaʼa, a sam ndohi dzavai, a nda ndohi man ta te vèvèɗ tʼhwaɗaʼa.

Ezéchiel 36:36

Te deɓaʼa njèkèɗi ndohi man ta zhè a tsagi kinè, ta da suna, i Ndo nzi pèc pècèk, man i ɗèɗèyè skwi mʼmbeɗaʼa zaʼa, a i ngi skwi a pa a herkeda man a nde na hèshèkèɗ te va nasa. Iyè Ndo nzi pèc pècèk i goɗa a i da giaʼa.

Ezéchiel 43:3

A skwi man i rka te nshunè haha, lèmèlèmè ara skwi man i rkaʼa, aman Zhiklè a mshkè a ngédèshè kokwar Jérusalem. Kiki man i rkaʼa, lèmèlèmè ara man i rkaʼa a ma woyam Kebar. A i kalahai a deɓ sak nengaʼa.

Osée 6:5

A géɗ nengaʼa i kerzh ta a ri ndohi nhadka ma, i bazl ta a ma te ma ga. A kita ga a gi ara skwi nhel sam man a si dai.

Amos 3:7

Bi Zhiklè Ndo nzi pèc pècèk a gi skwi ngidè azɓai, sèi a ngreda ta skwi man a woya a ngiaʼa a ndohi nhadka ma, ɓèlèlihi na.

Amos 9:11

A pats nasa i da ɗèɗèyè gi David man mʼmbeɗ na a pa, a i ndè zlerɗi mbazlaʼa, a i cèpè sam man i ɗaɗayda a pa, a i rèmeʼa ara zlèzleʼa zaʼa.

Zacharie 1:6

Aman ma ga, a skwi man i basla na gèɗ a va a i gaɗa ta ndohi mizlinè ga, ndohi nhadka ma, nʼnga ta babhi kinè ɓi ɗè? A ta menkaɗa deɓa a ta gaɗa: Skwi man Zhiklè bi mbiaʼa a nhur a da ga nga, ara civèɗ nga, ara mizlinè nga, nʼnga nga arsa a vava.